• usd 415.12

  • eur 443.06

  • rub 7.41

  • cny 62.21

26 مامىر, 19:26:07
الماتى
+25°

bbc-دىڭ ؛ اعىلشىن ءتىلدى ءبولىمى بۇگىن "قازاقستانداعى دۇربەلەڭنىڭ ارتىندا كىم تۇر؟ بەيبىت شەرۋ نەگە قاندى قىرعىنعا ۇلاستى؟" دەگەن تاقىرىپپەن قازاقستانداعى دۇربەلەڭگە تالداۋ جاساعان اقپارات جاريالادى. قامشى ءتىلشىسى اقپاراتتى اۋدارىپ نازارلارىڭىزعا ۇسىنادى: ؛

قازاقستان بيلىگى وقيعاعا "شەتەلدىك لاڭكەستەر" كىنالى ەكەنىن ايتادى. ءبىراق وعان دالەلدەر جوقتىڭ قاسى.

حالىق وقيعادان قانشاما جازىقسىز ادام زارداپ شەككەنى, نە ءۇشىن بۇلاي بولعانىن بىلگىسى كەلەدى. زارداپ شەككەندەر قاندى قىرعىنعا "كىم جاۋاپتى؟", "كىمدەردىڭ كەسىرىنەن بولدى؟", ء"بىزدى جىلاتقاندار جازاسىن الۋى كەرەك. نەلىكتەن ولار مۇنى ىستەدى؟" دەپ قايعىرادى. ؛

مايىتحانانىڭ سىرتىندا زورلىق-زومبىلىقتان قازا تاپقان جاقىندارىنىڭ مايىتتەرىن كۇتەتىندەر كوپ.

قازاقستان پرەزيدەنتى ءقازىر كونستيتۋسيالىق قۇرىلىم قالپىنا كەلتىرىلگەنىن, ەلىنىڭ قاۋىپسىزدىگىنە تونگەن قاتەر نەگىزىنەن جويىلعانىن مالىمدەدى.

الايدا, بولعان وقيعانىڭ جاراسىن جازۋ, ەستەن ءوشىرۋ وڭاي ەمەس. زورلىق-زومبىلىقتىڭ ارتىندا كىم تۇرعانى تۋرالى سۇراقتاردىڭ جاۋابى ءالى بەلگىسىز.

كوشەلەردەگى زورلىق-زومبىلىقتىڭ ورشۋىنە "پرەزيدەنت توقاەۆ پەن نازارباەۆقا ادال توپتار اراسىنداعى بيلىك ءۇشىن كۇرەس سەبەپ بولعان" دەگەن بولجامدار بار.

بيلىك وقيعاعا "شەتەلمەن بايلانىستى تەرروريستەر مەن بانديتتەر" كىنالى ەكەنىن ايتادى. "مەملەكەتتىك توڭكەرىس" جاسالماق بولعانىن مالىمدەدى. ال, كەيبىر قازاقستاندىق ساراپشىلار "باندالار نەگىزىنەن نازارباەۆ كلانىمەن بايلانىسقان, ونىڭ ىشىندە قاۋىپسىزدىك قىزمەتىندەگى ادامدار دا بار, ولار  ؛قاراقشىلاردى ايداپ سالۋ ارقىلى مەملەكەتكە وپاسىزدىق جاسادى" دەگەن پىكىردە. ؛

وقيعادان قازا بولعانداردىڭ ناقتى سانى ءالى بەلگىسىز.

"قامشى" سىلتەيدى
ىلمەك سوزدەر: bbc قازاقستان

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر