12 قاڭتار, 2022 ەكونوميكا
كورنەكى سۋرەت
پرەمەر-مينيستر ءاليحان سمايىلوۆ جاڭارتىلعان قۇرامدا ۇكىمەتتىڭ العاشقى وتىرىسىن وتكىزدى.
ۇكىمەت باسشىسى رەسمي سايتىنىڭ مالىمەتىنشە, ءاليحان سمايىلوۆ بيزنەس يدەيالاردى ىسكە اسىرۋعا ارنالعان گرانتتار (400 اەك دەيىن) مەن ەڭبەكاقى مولشەرىن ۇلعايتۋ, جاستار پراكتيكاسىنا, «؛العاشقى جۇمىس ورنى»؛ جوباسىنا قاتىسۋ مەرزىمىن ارتتىرۋ بويىنشا شارالار قابىلداۋدى تاپسىرعان.
"ۇلتتىق ەكونوميكا, ەڭبەك جانە حالىقتى الەۋمەتتىك قورعاۋ مينيسترلىكتەرىنە ءبىر اي مەرزىمدە حالىقتىڭ تابىسىن ارتتىرۋ جونىندەگى باعدارلامانىڭ جوباسىن ازىرلەۋ تاپسىرىلدى. ءبىلىم جانە عىلىم مينيسترلىگىنە مۇددەلى مەملەكەتتىك ورگاندارمەن بىرلەسىپ, مۇعالىمدەر تاپشىلىعى بار وڭىرلەر ءۇشىن الەۋمەتتىك قولداۋ شارالارىنىڭ ءتيىستى پاكەتىمەن پەداگوگتاردى تارتۋ باعدارلاماسىن ازىرلەۋ, بەدەلدى شەتەلدىك جوعارى وقۋ ورىندارىنىڭ 5 فيليالىن اشۋ جونىندە شارالار قابىلداۋ تاپسىرىلدى. پرەمەر-مينيستر مەملەكەتتىك ءبىلىم بەرۋ تاپسىرىسى جوباسىندا تەحنيكالىق باعىتتار بويىنشا, ءبىرىنشى كەزەكتە, باتىس وڭىرلەردە گرانتتار سانىن ۇلعايتۋ, حالىق تىعىز قونىستانعان ءوڭىر جاستارىنىڭ جوعارى وقۋ ورىندارىندا ءبىلىم الۋى ءۇشىن نىسانالى گرانتتار كوزدەۋ قاجەتتىگىن اتاپ ءوتتى" دەلىنگەن اقپاراتتىق حابارلامادا.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر