11 قاڭتار, 2022 news
فوتو: اشىق دەرەككوز
جۋىردا الماتىدا ارنايى وپەراسيا بارىسىندا ۇستالعان ارمان جۇماگەلديەۆ سوت شەشىمىمەن 2 ايعا قاماۋعا الىندى. بۇل تۋرالى نۇر-سۇلتان قالالىق سوتىنىڭ ءباسپاسوز قىزمەتى حابارلادى.
"نۇر-سۇلتان قالاسى مامانداندىرىلعان اۋدانارالىق تەرگەۋ سوتى كۇدىكتى ارمان جۇماگەلديەۆكە قاتىستى 2 اي مەرزىمگە قاماۋدا ۇستاۋ تۇرىندە بۇلتارتپاۋ شاراسىن سانكسيالادى", ؛ دەلىنگەن حابارلامادا.
سوتقا دەيىنگى تەرگەۋدىڭ وزگە مالىمەتتەرى قپك 201-بابىنا (سوتقا دەيىنگى تەرگەپ-تەكسەرۋ دەرەكتەرiن جاريا ەتۋگە جول بەرمەۋ) سايكەس جاريا ەتىلمەيدى.
ايتا كەتەيىك, ارمان جۇماگەلديەۆ كوپشىلىككە "ديكيي ارمان" لاقاپ اتىمەن تانىمال.
7 قاڭتاردا الماتىداعى ارنايى وپەراسيا بارىسىندا "ديكيي ارمان" باستاعان ۇيىمداسقان قىلمىستىق توپتىڭ 6 مۇشەسى ۇستالعان.
قىلمىسكەرلەردەن ءتۇرلى ماركا مەن كاليبرلى 4 جارتىلاي اۆتوماتتى تاپانشا, ءوق-دارى, سۋىق قارۋ مەن بروندالعان كولىك تاركىلەنگەن.
"ديكيي ارماندى" ۇستاۋ ءساتىنىڭ سۋرەتتەرى الەۋمەتتىك جەلىدە جاريالاندى. بەيرەسمي اقپاراتتارعا سۇيەنسەك ۇستاۋ وپەراسياسى قوناقۇيلەردىڭ بىرىندە بولعان.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر