فوتو: اشىق دەرەككوز
قازاقستان پرەزيدەنتى قاسىم-جومارت توقاەۆ ۇجىمدىق قاۋىپسىزدىك شارتى ۇيىمىنىڭ ۆيرتۋالدى سامميتىندە ءسوز سويلەدى. توقاەۆ رەسەي پرەزيدەنتى ۆلاديمير پۋتيننەن شەرۋلەردى توقتاتۋعا كومەك سۇراعان بولاتىن. رەسەي مەن ۇقشۇ-نىڭ باسقا دا بىرنەشە مۇشەسى وعان جاۋاپ رەتىندە اسكەر جىبەرگەن.
ەل تاريحىنداعى ەڭ ءىرى زورلىق-زومبىلىق وقيعاسىنان كەيىن توقاەۆ ء"بىر ورتالىقتان" ۇيلەستىرىلگەن توڭكەرىس ارەكەتىنە توتەپ بەرگەنىن ايتتى.
ول "جاقىندا بولعان نارازىلىقتاردىڭ نەگىزگى ماقساتى ؛&ndash؛ كونستيتۋسيالىق قۇرىلىمدى بۇزۋ جانە بيلىكتى باسىپ الۋ ەكەنى بەلگىلى بولعانىن" مالىمدەدى.
رەسەي باسشىسى پۋتين سامميتتە "ارينە, ءبىز قازاقستانداعى وقيعالار مەملەكەتتەرىمىزدىڭ ىشكى ىستەرىنە سىرتتان ارالاسۋدىڭ ءبىرىنشى جانە سوڭعى ارەكەتى ەمەس ەكەنىن تۇسىنەمىز" دەدى.
قازاقستاننىڭ ىشكى ىستەر مينيسترلىگى ەل بويىنشا 7939 ادام ۇستالعانىن حابارلادى. دۇيسەنبى كۇنى جاعدايدىڭ "تۇراقتالىپ, باقىلاۋدا" ەكەنى حابارلاندى.
دەنساۋلىق ساقتاۋ مينيسترلىگى وقيعا كەزىندە 164 ادام قازا تاپقانىن مالىمدەگەن, كەيىنىرەك ول اقپاراتتى وزدەرى تەرىسكە شىعاردى.
دۇيسەنبى كۇنى زورلىق-زومبىلىق وقيعاسىنىڭ قۇرباندارىنا ازا تۇتۋ كۇنى دەپ جاريالاندى.
نارازىلىق شارالارى مەن زورلىق-زومبىلىقتى توقتاتۋ ءۇشىن پرەزيدەنت توقاەۆ قاۋىپسىزدىك كۇشتەرىنە ەسكەرتۋسىز وق اتۋعا مۇمكىندىك بەرەتىن بۇيرىق بەردى. باتىس ەلدەرى توقاەۆتىڭ "ەسكەرتۋسىز اتۋ" تۋرالى بۇيرىعىن سىنعا الدى.
دۇيسەنبى تارتىپسىزدىك قۇرباندارىن ازا تۇتۋ كۇنى دەپ جاريالاندى.
نارازىلىقتار العاشىندا جانارماي باعاسىنىڭ كوتەرىلۋىنە بايلانىستى بولعان. ءبىراق ەلدەگى اۆتوريتارلىق بيلىككە نارازىلىق سالدارىنان بەيبىت شەرۋ كۇشەيە ءتۇستى. ونىڭ سوڭى ەل تاريحىنداعى ەڭ ءىرى زورلىق-زومبىلىق وقيعاسىنا ۇلاستى. ؛
توقاەۆ ءوقيعانى ؛"بىر ورتالىقتان" ۇيلەستىرىلگەن توڭكەرىس ارەكەتى رەتىندە باعالاسا, كەيبىر باتىس اقپارات قۇرالدارى وقيعا تۋرالى "توقاەۆ پەن نازارباەۆقا جاقىن ادامدار اراسىنداعى شيەلەنىس" بولۋى مۇمكىندىگى جوعارى ەكەندىگىن ايتادى.
رەسەي پرەزيدەنتى ۆلاديمير پۋتين دۇيسەنبى كۇنى قازاقستاندى شەتەلدىكتەر قولداعان لاڭكەستىك كوتەرىلىستەن قورعاۋدا جەڭىسكە جەتكەنىن مالىمدەدى جانە باسقا بۇرىنعى كەڭەستىك مەملەكەتتەردىڭ باسشىلارىنا ماسكەۋ باستاعان اليانس ولاردى دا قورعايتىنىنا ۋادە بەردى.
دۇيسەنبىدە قىتايدىڭ سىرتقى ىستەر ءمينيسترى بەيجىڭ قازاقستانمەن "قۇقىق قورعاۋ جانە قاۋىپسىزدىك" سالاسىنداعى ىنتىماقتاستىقتى ارتتىرۋعا جانە "سىرتقى كۇشتەردىڭ ارالاسۋىنا قارسى تۇرۋعا كومەكتەسۋگە دايىن" دەدى.
قىتاي پرەزيدەنتى سي سزينپين جۇما كۇنى قازاقستان پرەزيدەنتى قاسىم-جومارت توقاەۆقا قىتاي قازاقستاندى تۇراقسىزداندىراتىن كەز كەلگەن شەتەلدىك كۇشكە تاباندى تۇردە قارسى تۇراتىنىن ايتتى. قىتاي مەملەكەتتىك تەلەارناسى "سي سزينپين سىرتقى كۇشتەردىڭ ءتۇرلى-تۇستى توڭكەرىس جاساپ جاتقانىن ايتتى" دەپ حابارلادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر