• usd 425.02

  • eur 450.1

  • rub 7.17

  • cny 63.75

22 مامىر, 17:15:25
الماتى
+12°

گەرمانيا بيلىگى ەلدەگى اتوم ەلەكتر ستانسيالارىنىڭ جارتىسىن جابۋ تۋرالى شەشىم قابىلدادى. بۇل تۋرالى اssociated press اقپارات اگەنتتىگى حابارلادى.

باسىلىم مالىمەتىنشە, 31 جەلتوقساندا ەلدىڭ سولتۇستىگىندە ورنالاسقان بروكدورف اتوم ەلەكتر ستانسياسىن قوسا العاندا, ءۇش اتوم ەلەكتر ستانساسى ءوشىرىلدى. اتوم ەلەكتر ستانسالارىنىڭ جۇمىسىن توقتاتۋ تۋرالى شەشىم 2011 جىلى جاپونيانىڭ فۋكۋسيما اتوم ەلەكتر ستانساسىنداعى اپاتتان كەيىن قابىلدانعان بولاتىن. ؛

بۋندەستاگتا داۋىس بەرۋ كەزىندە بۇل باستامانى 600 دەپۋتاتتىڭ ء513-ى قولداعان. ەڭ ەسكى رەاكتورلار بىردەن توقتاتىلدى, ال قالعان توعىزىن كەزەڭ-كەزەڭىمەن جابۋ تۋرالى شەشىم قابىلداندى. بيىل ەلەكتر قۋاتىن ءوندىرۋدى توقتاتاتىن باۆاريا, تومەنگى ساكسونيا جانە شلەزۆيگ-گولشتەيندە ورنالاسقان ءۇش اتوم ەلەكتر ستانساسىنان كەيىن قالعان ءۇش اتوم ەلەكتر ستانساسى كەلەسى جىلدىڭ سوڭىنا دەيىن جابىلادى.

اەس-تى توقتاتۋعا بايلانىستى جۇمىستار تاعى بىرنەشە جىل جالعاسادى. بۇل رەتتە ەل جاڭارتىلعان ەنەرگيا كوزدەرىنە كوبىرەك كوشۋدى جوسپارلاپ وتىر. 2030 جىلعا قاراي ەلەكتر ەنەرگياسىنىڭ 80%-ى جەل تۋربينالارى, كۇن باتارەيالارى نەمەسە بيوگاز قوندىرعىلارى ارقىلى وندىرىلەدى دەپ بولجانۋدا.

قازاقستاندا بىرنەشە جىلدان بەرى اتوم ەلەكتر ستانسياسىن سالۋ يدەياسى كوتەرىلىپ كەلەدى. ەنەرگەتيكتەر اەس قاجەتتىلىگىن ەنەرگەتيكالىق تاپشىلىقپەن تۇسىندىرەدى. پرەزيدەنت ق.توقاەۆ بيىلعى جولداۋىندا ؛2030 جىلدارعا قاراي قازاقستاندا ەلەكتر ەنەرگياسىنىڭ تاپشىلىعى بولاتىنىن ايتقان.

الايدا قوعامدا اەس سالۋعا قارسى كوڭىل-كۇي باسىم. ارىس قالاسى, جامبىل وبلىسىنداعى اسكەري قويمالاردا بولعان جارىلىستان كەيىن اەس سالۋ يدەياسىنا دەگەن تەرىس كوزقاراس ارتا تۇسكەن. ازاماتتار اراسىندا ەكى جىلدا ەكى بىردەي جويقىن جارىلىسقا جول بەرىپ قويعان ۇكىمەتتىڭ ارەكەتىنە كۇمانمەن قارايتىندار باسىم. "اەس سالىپ, سوڭى ۇلكەن قايعىلى جاعدايعا ۇرىندىرىپ جۇرمەسىنە كىم كەپىل" دەگەن مازمۇنداعى پىكىرلەر ءجيى ايتىلادى. ؛

demoscope قوعامدىق پىكىرگە جەدەل مونيتورينگ جۇرگىزۋ بيۋروسى جۇرگىزگەن "قازاقستاندىقتاردىڭ اەس قۇرىلىسى تۋرالى پىكىرى" ؛ساۋالناماسىنا قاتىسۋشىلاردىڭ ؛55%-ى اتوم ەلەكتر ستانسياسىنىڭ سالىنۋىنا قارسى ەكەنىن ايتقان. ؛
"قامشى" سىلتەيدى
ىلمەك سوزدەر: اەس گەرمانيا

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر