جاڭاوزەن قالاسىندا زاماناۋي كوپفۋنكسيونالدى سپورت كەشەنى اشىلدى

ەل تاۋەلسىزدىگىنىڭ 30 جىلدىعى جانە ماڭعىستاۋ مۇنايىنىڭ 60 جىلدىعى اياسىندا جاڭاوزەن قالاسىنىڭ تۇرعىندارى ءۇشىن زاماناۋي كوپفۋنكسيونالدى سپورت كەشەنى اشىلدى.

سپورت كەشەنىندە قازاق كۇرەسى, ەركىن كۇرەس, گرەك-ريم كۇرەسى, دزيۋدو, كيوكۋشينكاي كاراتە-دو, تاەكۆوندو, مۋاي-تاي, كۋدو, گرەپپلينگ جانە تاعى دا باسقا سپورت تۇرلەرىمەن اينالىسۋعا بارلىق جاعداي جاسالعان. سونداي-اق, كەشەندە ميني-فۋتبول, ۆولەيبول, باسكەتبول جانە تەننيس الاڭدارى, بوكس رينگى جانە ەكى جولاقتى جۇگىرۋ جولدارى ورنالاسقان.

كەشەن قاجەتتى قۇرال-جابدىقتارمەن جابدىقتالعان. قالا تۇرعىندارىنا ىڭعايلى بولۋ ءۇشىن شەشىنەتىن بولمەلەر مەن جانكۇيەرلەردىڭ جىلجىمالى تريبۋنالارى ورناتىلعان. بۇل سپورت كەشەنى اۋا رايىنا قاراماستان جىل بويى جۇمىس ىستەيتىن بولادى. ورتالىق انكەرلىك جۇيەنىڭ كومەگىمەن نەگىزگە بەكىتىلگەن ەكى قاباتتى اۋا وتكىزبەيتىن مەمبرانامەن جابىلعان. اتالعان ديزاين قىستا جىلۋدى جانە جازدا سالقىندىقتى ساقتاۋعا مۇمكىندىك بەرەدى.

- بۇگىن ەل تاۋەلسىزدىگىنىڭ 30 جىلدىعى جانە ماڭعىستاۋ مۇنايىنىڭ 60 جىلدىعى اياسىندا جاڭاوزەن قالاسىندا حالىقتىڭ يگىلىگىنە تاعى ءبىر زاماناۋي سپورت نىسانى پايدالانۋعا بەرىلمەك. بۇل نىسان سپورت سۇيەر قاۋىم ءۇشىن عانا ەمەس, تۇتاس جاڭاوزەندىكتەر ءۇشىن ماڭىزدى وقيعاعا اينالدى, سەبەبى سالاۋاتتى ءومىر سالتىن ۇستانىپ, سپورتپەن اينالىسام دەۋشىلەردىڭ سانى وتە كوپ. بۇل ءبىرىنشى كەزەكتە سپورتقا قالامىزدا قىزىعۋشىلىقتىڭ ارتىپ كەلە جاتقاندىعىنىڭ كەپىلى دەپ ايتۋعا بولادى جانە بۇل كەشەندە تالاي جەرلەستەرىمىز, الەمگە بەلگىلى سپورتشىلارىمىز ادىلبەك نيازىمبەتوۆ, بەكزات نۇرداۋلەتوۆ ءتارىزدى چەمپيوندار تاربيەلەنىپ شىعاتىنىنا سەنىمدىمىن! - دەدى جاڭاوزەن قالاسىنىڭ اكىمى ماقسات يباعاروۆ.

سپورت كەشەنى «؛samruk-kazyna trust»؛ الەۋمەتتىك جوبالاردى دامىتۋ قورىمەن اشىلدى.

-بۇل قازاقستاندا قور باستاماسىمەن اشىلعان ەكىنشى اۋقىمدى سپورت كەشەنى. 2022 جىلعا دەيىن وسىنداي سپورت كەشەندەرى تاعى 10 ايماقتا پايدا بولادى. بۇل باستاما كەم دەگەندە 35 مىڭ ادامدى قامتيدى دەپ جوسپارلانۋدا. بۇل كەشەندى اشا وتىرىپ جانە باسقا دا الەۋمەتتىك جوبالاردى ىسكە اسىرا وتىرىپ, «؛samruk-kazyna trust»؛ قورى «؛سامۇرىق-قازىنا»؛ كومپانيالار توبىنىڭ اتىنان جۇزەگە اساتىنىن اتاپ ءوتۋ ماڭىزدى. كومپانيالار توبىنىڭ قۇرامىنا ماڭعىستاۋ وبلىسىندا ورنالاسقان ۇيىمدار دا كىرەدى: «؛وزەنمۇنايگاز»؛, «؛قاراجانباسمۇناي»؛, «؛قازاقتەڭىزكولىكفلوتى»؛, «؛caspi bitum»؛ جانە تاعى باسقالارى &ndash؛ دەدى «؛samruk-kazyna trust»؛ باس ديرەكتورىنىڭ ورىنباسارى سەرگوجا قالياسقاروۆ.