قانات بوزىمباەۆ جۇمىس ساپارىمەن جامبىل اۋدانىنا باردى

الماتى وبلىسىنىڭ اكىمى قانات بوزىمباەۆ وڭىرلەرگە جۇمىس ساپارىن بۇگىن جامبىل اۋدانىنان باستادى. وندا ءبىرقاتار الەۋمەتتىك, وندىرىستىك نىسانداردىڭ جۇمىسىمەن تانىسىپ, اۋدان اكتيۆىمەن كەزدەستى, ؛دەپ حابارلادى الماتى وبلىسى اكىمىنىڭ ءباسپاسوز قىزمەتى.

وبلىس باسشىسى الدىمەن ۇزىناعاش اۋىلىندا وتكەن جىلدىڭ قاڭتارىندا قولدانىسقا بەرىلگەن 100 ورىندىق پەرزەنتحانا مەن ءبىر اۋىسىمدا 100 ادام قابىلداي الاتىن ايەلدەر كونسۋلتاسياسىنا باردى.

ۇزىناعاش اۋداندىق اۋرۋحاناسىنىڭ ديرەكتورى دامير سۇراۋجانوۆتىڭ ايتۋىنشا, مۇندا 10 ايدا 4800 نارەستە ومىرگە كەلگەن. جاڭا پەرزەنتحانادا انا مەن بالاعا قاجەتتى بارلىق جاعداي جاسالىپ وتىر. الەۋمەتتىك ماڭىزى زور نىساننىڭ جۇمىسىمەن تانىسقان قانات بوزىمباەۆ انا مەن بالا ءولىمىن ازايتۋ ماقساتىندا الدىن الۋ شارالارىنا كوپ كوڭىل ءبولۋ كەرەكتىگىن ايتتى.

- بولاشاق انالارمەن جۇيەلى جۇمىس جۇرگىزىپ, اۋىر جاعدايلاردىڭ الدىن الۋعا نازار اۋدارۋ كەرەك. جۇكتى ايەلدەردى ەسەپكە العاننان كەيىن دارىگەرلەر اۋلالاردى ارالاپ, ولارعا وزدەرى بارىپ كورىپ تۇرۋى ءتيىس. جۇكتى ايەلدەردى تۇراقتى باقىلاۋعا الىپ, قۇرساقتاعى سابيدەن پاتولوگيا انىقتالاتىن بولسا, ايەل بىردەن اۋرۋحاناعا جاتقىزىلىپ, ەم-دوم ۋاقىتىلى جاسالۋى كەرەك. ناقتى ىس-ارەكەت الگوريتمى دايىندالسىن. اكىمدىك ءوز تاراپىنان مەديسينا ماماندارىنىڭ ىركىلىسسىز جۇمىس ىستەۋىنە جاعداي جاساۋى كەرەك. مەن مۇنى بارلىق اۋدان, قالالاردان تالاپ ەتەتىن بولامىن. مۇنداي تاجىريبە بۇرىننان بار, ول انا مەن بالا ءولىمىن ازايتۋعا مۇمكىندىك بەرەدى, - دەدى ق.بوزىمباەۆ.

وبلىس باسشىسى مەديسينا مەكەمەسىندەگى كادر جەتىسپەۋشىلىگىن شەشۋ, نىساننىڭ ماتەريالدىق-تەحنيكالىق قامتاماسىز ەتىلۋى, ۆاكسينا ەگۋ قارقىنى, دياگنوستيكا جۇمىسىن ۇيىمداستىرۋ جايلى دا سۇراپ ءبىلدى. ماسەلەن, جىلجىمالى مەديسينالىق كەشەن جۇمىسىنىڭ ارقاسىندا اۋدانداعى 59 ەلدى مەكەننىڭ 72200 تۇرعىنى سكرينينگتەن وتكەن. بۇل جۇمىستارعا وڭ باعاسىن بەرگەن قانات الدابەرگەنۇلى بۇدان ءارى قۇرىلىس الاڭدارىنا باردى.  ؛ ؛

1500 ورىندىق مەكتەپتىڭ قۇرىلىسى بەكىتىلگەن كەستەگە سايكەس ءجۇرىپ جاتىر. مەكتەپ عيماراتىن «؛bi global»؛ جشس سالۋدا. بۇگىنگى كۇنى عيمارات قاڭقاسىنىڭ 30% تۇرعىزىلىپ, ىشكى جەلىلەرىنىڭ 50% جۇرگىزىلگەن. قانات بوزىمباەۆ عيمارات شاتىرىنىڭ جوباداعى نۇسقاسى سولتۇستىك ءوڭىردىڭ كليماتىنا كوبىرەك كەلەتىن بولعاندىقتان, ونى اۋىستىرىپ, جوباعا وزگەرتۋ ەنگىزۋ كەرەكتىگىن ەسكەرتتى.

حالىقتى قولجەتىمدى باسپانامەن قامتۋ ماسەلەسى دە وبلىس باسشىسىنىڭ نازارىنان تىس قالعان جوق. جۇمىس ساپارى بارىسىندا ول 60 پاتەرلىك بەس قاباتتى ءۇش جالگەرلىك ءۇيدىڭ قۇرىلىسىتارىنىڭ بارىسىمەن تانىستى.

وڭىردە ەكسپورتقا باعىتتالعان ماڭىزدى نىسانداردىڭ ءبىرى - ءىرى قارا مەن ۇساق مال ەتىن وڭدەيتىن «؛empire food»؛ جشس. بۇل كاسىپورىن «؛حالال»؛ تەحنولوگياسىمەن جىلىنا 8 تونناعا دەيىن ەت ونىمدەرىن شىعارادى. بۇل تۋرالى زاۋىت ديرەكتورى ارمان دجاۆيدا ايتىپ بەردى.

زاۋىتتىڭ جۇمىس پروسەسىنىڭ قالاي ۇيىمداستىرىلاتىنىمەن, مۇنداعى ەت ونىمدەرىنىڭ تۇرلەرىمەن تانىسقان وبلىس باسشىسى اۋدان اكىمدىگىنە وسى كاسىپورىنعا ءتيىستى كومەك كورسەتۋدى تاپسىردى.

بۇدان ءارى قانات الدابەرگەنۇلى «؛تەكسان قازاقستان ينۆەست»؛ جشس-عا اتباسىن تىرەدى. بۇل نىسان &ndash؛ ەلەكتر قۇرىلعىلارىن وندىرەتىن ىرگەلى كاسىپورىندار ساناتىندا. مۇندا ۇيگە, كەڭسەگە, وندىرىستىك نىساندارعا, كوشەنى جارىقتاندىرۋعا جانە باسقا دا ماقساتتارعا ارنالعان جارىق شامدارىنىڭ 300-دەن استام ءتۇرى شىعارىلادى. زاۋىت ديرەكتورى ەندەر دوگان ءوز سوزىندە ءقازىر ۇجىم اعىلشىنداردىڭ تاپسىرىسىن دايىنداۋ ۇستىندە ەكەنىن ايتتى.

كاسىپورىنداعى ءونىم تۇرلەرىمەن تانىسىپ, سەح جۇمىستارىنا كۋا بولعان قانات بوزىمباەۆ الەۋمەتتىك نىسانداردا ەلەكترمەن قامتۋدى جوبالاۋ كەزىندە «؛تەكسان قازاقستان ينۆەستتىڭ»؛ ونىمدەرى ەسكەرىلۋى كەرەك ەكەنىن ەسكەرتتى.

- وبلىستا مەكتەپتەر, اۋرۋحانالار, تۇرعىن ۇيلەر كوپتەپ سالىنىپ جاتىر. ساپالى ەلەكتر تەحنيكالىق قۇرىلعىلار, كابەلدى-ناۋالىق ونىمدەر وسىنداي ءار نىسانعا كەرەك. ال ونىڭ ءبارى وسى كاسىپورىندا شىعارىلىپ جاتىر, اسسورتيمەنتى مول. بۇل تاپسىرمامدى جۇمىس ساپارىنىڭ حاتتاماسىنا ەنگىزىڭىزدەر, - دەدى قانات بوزىمباەۆ.

بۇدان كەيىن وبلىس اكىمى اۋدان اكتيۆىمەن كەزدەستى.

- الدىمىزداعى تۇرعان مىندەت &ndash؛ مەملەكەت باسشىسى قاسىم-جومارت كەمەلۇلى توقاەۆتىڭ تاپسىرمالارىن, مەملەكەتتىك باعدارلامالاردى ساپالى ىسكە اسىرۋ. بۇل رەتتە ونى ورىنداۋعا اۋداندا بارلىق مۇمكىندىك بار. ءبىز ەلدىڭ ەكونوميكالىق قۋاتىن ارتتىرۋ مەن ءال-اۋقاتىن جاقسارتۋ باعىتىندا ماقساتقا جۇمىلىپ جۇمىس ىستەۋىمىز كەرەك, - دەدى ق.بوزىمباەۆ.

ودان ءارى ءسوز اۋدان اكىمى نۇرلان ەرتاسقا بەرىلىپ, ول وڭىردەگى اتقارىلعان ىستەر مەن جوسپارلارى تۋرالى باياندادى.

باياندامانى مۇقيات تىڭداعان قانات بوزىمباەۆ اۋدان باسشىلارىنا قارعالى, ۇزىناعاش, مىڭباەۆ, ەڭبەكشىارال اۋىلدارىنداعى اۋىز سۋ ماسەلەسىن شەشۋ, ەلدى مەكەندەر جولدارىنىڭ ساپاسىن رەتتەۋ, اۋىل شارۋاشىلىعى تەحنيكالارىن جاڭارتۋ, فەرمەرلەر اراسىندا مەملەكەتتىك قولداۋ تۋرالى ءتۇسىندىرۋ شارالارىن جۇرگىزۋ ماسەلەلەرىنە قاتىستى ءبىرقاتار ساۋالدار قويدى.

جيىندى قورىتىندىلاعان وبلىس اكىمى قانات بوزىمباەۆ تاپسىرمالار جۇكتەپ, اۋدان باسشىلىعىنىڭ الدىنا جاڭا مىندەتتەر قويدى. اتاپ ايتقاندا, اگروسەكتورعا ينۆەستيسيا تارتۋ جۇمىسىن جانداندىرۋ, تۇراقتى جۇمىس ورىندارىن اشۋ, وڭدەۋ وندىرىستەرىن اشۋعا دەن قويۋ, شاعىن جانە ورتا بيزنەستى دامىتۋ ماقساتىندا جاڭا ينۆەستيسيالىق جوبالار ۇسىنۋ تاپسىرىلدى. سول سياقتى قۇرىلىس جۇمىستارىنىڭ كولەمىن ارتتىرۋ, ءوزىن-وزى جۇمىسپەن قامتىعان جانە جۇمىسسىز ازاماتتاردى جۇمىسپەن قامتۋدىڭ بەلسەندى شارالارىنا تارتۋ, كوروناۆيرۋس ينفەكسياسىنىڭ تارالۋىنا جول بەرمەۋ, الدىن الۋ, تۇرعىندار اراسىندا ۆاكسيناسيا الۋدىڭ ماڭىزدىلىعىن ءتۇسىندىرۋ جۇمىستارىن جالعاستىرۋ قاجەت. جىلىتۋ ماۋسىمىنىڭ ۇزدىكسىز ءوتۋىن قامتاماسىز ەتۋ, سونىڭ ىشىندە گازداندىرۋ, كومىرمەن جەتكىلىكتى كولەمدە قامتۋ ماسەلەسى دە ايتىلدى. الەۋمەتتىك ءمانى بار ازىق-تۇلىك باعاسىنىڭ كوتەرىلۋىنە جول بەرمەۋ قاتاڭ تاپسىرىلدى.