ەلدە كوروناۆيرۋستان تاعى 20 ادام قايتىس بولدى

دەنساۋلىق ساقتاۋ مينيسترلىگى 3 جەلتوقسان كۇنگى ەپيدەميولوگيالىق جاعداي تۋرالى اقپاراتتى جاريالادى.

مينيسترلىك مالىمەتىنشە, وتكەن تاۋلىكتە پتر تەست ارقىلى 686 ادامنان كوروناۆيرۋس, 112 ادامنان پنەۆمونيا انىقتالعان. ؛2 جەلتوقساندا 20 ادام كوروناۆيرۋستان كوز جۇمعان.

4 جەلتوقسانداعى مالىمەت بويىنشا, 24 326 ادام كوروناۆيرۋس ينفەكسياسىنان ەمدەلۋدە, ولاردىڭ ىشىندە 4 994 پاسيەنت ستاسيوناردا, 19 332 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 349 ادامنىڭ جاعدايى اۋىر, 96 پاسيەنتتىڭ جاعدايى وتە اۋىر, 60 ناۋقاس ءوجج اپپاراتىندا جاتىر.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس, سولتۇستىك قازاقستان وبلىسى "قىزىل" ايماقتا.

نۇر-سۇلتان قالاسى, پاۆلودار, اقمولا, قاراعاندى, قوستاناي وبلىستارى ؛"سارى" ايماقتا.

"جاسىل" ايماقتا: ؛الماتى, شىمكەنت قالالارى, اتىراۋ, اقتوبە, الماتى, باتىس قازاقستان, تۇركىستان, جامبىل, قىزىلوردا, ماڭعىستاۋ, شىعىس قازاقستان وبلىستارى.

4 جەلتوقسانداعى مالىمەت بويىنشا 8 771 142 ادام ۆاكسينانىڭ ؛i كومپونەنتىن, 8 166 067 ادام ؛ii كومپونەنتىن سالدىرعان.