پارلامەنت راقىمشىلىق زاڭىن قابىلدادى

پارلامەنت ؛سەناتىنىڭ جالپى وتىرىسىندا تاۋەلسىزدىكتىڭ وتىز جىلدىعىنا بايلانىستى راقىمشىلىق جاساۋ تۋرالى زاڭ قابىلداندى.

ىشكى ىستەر ءمينيسترى ەرلان تۇرعىمباەۆ زاڭ جوباسىنىڭ ماقساتى &ndash؛ اسا اۋىر ەمەس جانە اۋىرلىعى ورتاشا قىلمىس ءۇشىن جازادان بوساتۋ جانە كەيبىر اۋىر, اسا اۋىر قىلمىستار ءۇشىن جازا مەرزىمىن قىسقارتۋ ەكەنىن اتاپ ءوتتى.

&ndash؛ ؛راقىمشىلىق ارداگەرلەرگە, كامەلەتكە تولماعاندارعا, جاسى ۇلكەندەرگە, ءبىرىنشى جانە ەكىنشى توپتاعى مۇگەدەكتەرگە, قوعامعا ءقاۋىپ توندىرمەيتىن ادامدارعا قولدانىلادى, &ndash؛ دەدى مينيستر.

تۇرعىمباەۆتىڭ ايتۋىنشا, ءقازىر ەلدە 64 مەكەمە مەن 16 تەرگەۋ يزولياتورىندا 34 مىڭ ادام بار. ونىڭ ىشىندە 30 مىڭ ازاماتقا سوت ۇكىمى شىققان. قالعان 4 مىڭ ادام تەرگەۋدە قاماۋدا وتىر. 93 پايىزى اۋىر جانە اسا اۋىر قىلمىس جاساعانى ءۇشىن قاماۋدا وتىر. 45 پايىزى ونىڭ الدىندا بىرنەشە رەت سوتتالعان. سونىمەن قاتار, 32 مىڭ ادام پروباسيالىق باقىلاۋدا تۇر.

&ndash؛ ؛زاڭ جوباسى بويىنشا 2 292 سوتتالۋشىعا, پروباسيالىق باقىلاۋدا تۇرعان 11 753 ادامعا راقىمشىلىق جاسالادى. ناتيجەسىندە 1 مىڭ ادام قاماۋدان بوستاندىققا شىعادى. 3881 ادام پروباسيالىق باقىلاۋدان بوساتىلادى. ەكىنشىدەن, 1330 سوتتالۋشىنىڭ, پروباسيادا تۇرعان 7492 ادامنىڭ جازا مەرزىمى قىسقارتىلادى. ؛ۇشىنشىدەن, سوتقا دەيىنگى تەرگەۋ وندىرىسىندەگى 5 مىڭ قىلمىستىق ءىس قىسقارتىلادى. ونىڭ ىشىندە 1674 ادام قىلمىستىق جاۋاپكەرشىلىكتەن بوساتىلادى, 1471 ادامعا سوت ورگاندارى جازا مەرزىمىن قىسقارتۋ نەمەسە بوساتۋ ەرەجەلەرى قولدانىلادى, ؛&ndash؛ دەدى ەرلان تۇرعىمباەۆ.

قىلمىستىق كودەكستىڭ 78-بابىنا سايكەس اۋىر جانە اسا اۋىر قىلمىس جاساعان ادامدارعا راقىمشىلىق جاسالمايدى.