13 قاراشا, 2021 news
فوتو: اقتوبە وبلىسى اكىمىنىڭ ءباسپاسوز قىزمەتى
12 قاراشا, جۇما كۇنى وبلىس اكىمى وڭداسىن ورازالين اقتوبە قالاسىنداعى كوشەلەردى تۇنگى جارىقتاندىرۋ جانە قوعامدىق كەڭىستىكتەردى دامىتۋ جوباسىنىڭ جۇزەگە اسىرىلۋىمەن تانىستى.
وڭىر باسشىسى قالانى ارالاۋدى قوبىلاندى گۇل باعى ارقىلى وتەتىن, شەرنياز كوشەسىنەن جانگەلدين گۇل باعىنا دەيىنگى, ءارى قاراي قۇرىلىسشىلار اپپاراتى" ساياباعىنا دەيىنگى جانە دراما تەاترى اينالاسىنداعى جاياۋ جۇرگىنشىلەر جولى - "احتانوۆ شارشىسىنىڭ" قالپىنا كەلتىرۋ جۇمىستارىن قاراۋدان باستادى.
"بارلىق جەردە جارىق بار, جاياۋجول الماستىرىلدى. جۇمىس بىتۋگە قالدى, ەندى ورىندىقتاردى ورناتۋ كەرەك. ءبىرىنشى ءدارىحانانىڭ ماڭىنا جاڭا باسپالداق سالىنىپ, ونى اربامەن وتۋگە ىڭعايلادىق",- دەيدى "امك جارىق" جشس مەردىگەر مەكەمەسىنىڭ ديرەكتور ورىنباسارى الەكساندر گالسەۆ.
سونداي-اق, ءوڭىر باسشىسى عاشىقتار اللەياسى مەن № 1 حقو اۋدانىنداعى تۋرگەنەۆ كوشەسى بويىنداعى گۇل باعىنىڭ اباتتاندىرىلۋ بارىسىن قاراپ شىقتى.
بۇدان وزگە, تۇرعىندار قالاشىعىندا وبلىس اكىمى كوپقاباتتى ۇيلەردىڭ قاسبەتتەرىن دەكوراتيۆتى جارىقپەن قامتاماسىز ەتۋ بويىنشا اۋقىمدى جوبانىڭ اعىمداعى جۇزەگە اسىرىلۋىمەن تانىستى. قازىرگى تاڭدا جۇمىستار ءابىلقايىر حان مەن ءا.مولداعۇلوۆا داڭعىلدارىندا, تۋرگەنەۆ پەن ساتپاەۆ كوشەلەرىندە جالعاسۋدا.
"كمك ستروي" جشس مەردىگەر مەكەمەسىنىڭ وكىلى ۇلان قوزباقوۆ: "جۇمىستىڭ 90 پايىزى ورىندالدى. شامامەن 150 ءۇي يلليۋميناسيالانادى",- دەپ ەسەپ بەردى.
وبلىس اكىمى جوبانى جوعارى ساپادا قامتاماسىز ەتىپ, بيىل جەلتوقسان ايىنا دەيىن اياقتاۋدى تاپسىردى.
؛
اقتوبە وبلىسى اكىمىنىڭ ءباسپاسوز قىزمەتى
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر