01 جەلتوقسان, 2021 بارلىق ايماقتار
فوتو: اشىق دەرەككوز
رەسەي پرەزيدەنتى ۆلاديمير پۋتين ناتو ۋكراينادا اسكەرى مەن قارۋ-جاراعىن ورنالاستىرعانىنا بايلانىستى ەسكەرتۋ جاسادى. ول بۇل ارەكەت رەسەي ءۇشىن قىزىل سىزىق بولىپ ەسەپتەلەتىنىن جانە وعان قاتاڭ جاۋاپ بەرىلەتىنىن مالىمدەدى.
باتىس ەلدەرى رەسەي ۋكرايناعا باسىپ كىرە يمە دەپ قاۋىپتەنىپ وتىر. ال پۋتين ناتو-نىڭ رەسەي شەكارالارى ماڭىنداعى جاتتىعۋلارىنا الاڭدايتىنىن جەتكىزدى.
ونلاين-ينۆەستيسيالىق فورۋمعا قاتىسۋشىلارمەن سويلەسۋ كەزىندە رەسەي پرەزيدەنتى ناتو-نىڭ شىعىسقا قاراي كەڭەيۋى ماسكەۋدىڭ نەگىزگى قاۋىپسىزدىك مۇددەلەرىنە قاتەر توندىرگەنىن ايتتى. ول "ناتو ۋكراينا اۋماعىن رەسەيدىڭ باسقارۋ ورتالىقتارىنا نەبارى بەس مينۋتتا جەتۋگە قابىلەتتى زىمىرانداردى ورنالاستىرۋ ءۇشىن پايدالانا الادى" دەپ الاڭداۋشىلىق ءبىلدىردى.
"مۇنداي قاۋىپتەردىڭ پايدا بولۋى ءبىز ءۇشىن قىزىل سىزىقتى بىلدىرەدى. جاھاندىق قوعامداستىق ءۇشىن پاراساتتىلىق پەن جاۋاپكەرشىلىك جەڭەدى دەپ ۇمىتتەنەمىن" دەدى پۋتين.
ول ماسكەۋ جاڭا گيپەردىبىستىق قارۋدى جاساۋ ارقىلى كۇشەيىپ كەلە جاتقان قاۋىپتەرگە قارسى تۇرۋعا ءماجبۇر بولعانىن ايتتى.
"بىز نە ىستەۋىمىز كەرەك؟ بىزگە ءقاۋىپ توندىرەتىندەردىڭ وزدەرىنە سونداي جاعداي ازىرلەيمىز. ءبىز مۇنى ءقازىر دە جاساي الامىز" دەدى پۋتين.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر