• usd 468.56

  • eur 497.56

  • rub 7.3

  • cny 67.18

29 ناۋرىز, 04:17:31
الماتى
+35°

الماتى قالاسى قالقامان ىقشاماۋدانىنداعى ءمايىتحانا الدىندا اكەسى ارون اتابەكتىڭ مۇردەسىن كۇتىپ تۇرعان ؛ايدانا ايدارحان قامشى تىلشىسىنە اكەسىمەن سوڭعى رەت كورىسكەندە ول سويلەي الماعانىن, ءبىراق قارالى حابارعا ءبارى شوك بولعانىن جەتكىزدى.

&ndash؛ ءبىز ۇلكەن شوك اسەرىندەمىز. ءبىز ونىڭ اۋرۋحانادا بولعان سەبەبى, ءولىمىنىڭ سەبەبى تۋرالى ەشتەڭە بىلمەيمىز. بىزگە ەشتەڭە ايتپاي جاتىر. ءبىز ءمايىتتى سويعاننان كەيىنگى ساراپتاما ناتيجەسىنىڭ اشىق جانە زاڭدى بولاتىنىنا سەنبەيمىز. ؛سوڭعى رەت مەن ونى (ارون اتابەكتى - رەد) كورگەندە ونىڭ تاماعىندا تۇتىكشە بولدى. ول سويلەي المادى. ءبىراق مەنى بىردەن تانىدى. وعان سۇراق قويعانىمدا ماعان ىممەن عانا جاۋاپ بەرە الدى. ول ەسىن بىلەتىن, ءبىراق ول وتە ارىق جانە جۇدەپ كەتكەن ەدى. سەنبى كۇنى دە ءبىز كەزدەسۋگە تىرىستىق. ونى ەمدەيتىن دارىگەر وعان ەشكىمدى كىرگىزبەيتىنىن ايتتى. ماعان دارىگەرلەر اكەمنىڭ دەنساۋلىعىنا قاتىستى ەشقانداي اقپارات بەرمەدى. مەن ونىڭ دياگنوزى مەن قانداي ەم قابىلداپ جاتقانىن دا بىلمەدىم. ءقازىر ەكسپەرتتەردىڭ ناتيجەسىن كۇتىپ وتىرمىز, ؛&ndash؛ دەيدى ول.

بۇعان دەيىن بەلسەندىلەر ؛ارون اتابەكتى تۇرمەدە ۋلاعان بولۋى مۇمكىن ەكەنىن ايتقان.

اقىن, ديسسيدەنت, وپپوزيسيونەر, شاڭىراق وقيعاسىنان كەيىن 18 جىلعا سوتتالىپ, جۋىردا دەنساۋلىق جاعدايىنا بايلانىستى بوساتىلعان ارون اتابەك كەشە قايتىس بولعان.

بيىل 1 قازاندا پاۆلودار سوتى 2006 جىلعى شاڭىراق وقيعاسىنان كەيىن 18 جىلعا سوتتالعان ارون اتابەكتىڭ قالعان جازا مەرزىمىن بوستاندىعىن شەكتەۋ جازاسىنا اۋىستىرىپ, اقىندى "دەنساۋلىق جاعدايىنا بايلانىستى" تۇرمەدەن شىعارعان. اقىن بۇعان قارسىلىق تانىتىپ, ءوزىن تولىق اقتاۋدى تالاپ ەتكەن.

5 قازان كۇنى بەلسەندىنىڭ جاعدايى كۇرت ناشارلاپ, اۋرۋحاناعا شۇعىل جەتكىزىلگەن. كەيىن اتابەكتىڭ اۋرۋحاناعا جاتۋدان باس تارتقانى بەلگىلى بولدى. ارتىنشا ول ۇيىندە جاساندى تىنىس الۋ اپپاراتىمەن دەمالىپ جاتقانى حابارلاندى.

ارتىنشا ارون اتابەكتىڭ دەنساۋلىعى ناشارلاپ كوماعا تۇسكەنى, جەكە كلينيكادا جاتقانى حابارلانعان. ۇزاماي بەتى بەرى قاراعانى تۋرالى اقپارات شىققان.

ارون اتابەك 15 جىلدان استام ۋاقىت تۇرمەدە وتىردى. ول 2006 جىلعى "شاڭىراق" وقيعاسىنان كەيىن 18 جىلعا سوتتالعان. سوت اتابەكتى "شاڭىراق" وقيعاسى كەزىندە قازا تاپقان پوليسيا قىزمەتكەرىنىڭ ولىمىنە ايىپتى دەپ تانىعان.

كەي بەلسەندىلەر اقىننىڭ تۇرمەدەن بوساتىلۋىن "بيلىك ارون تۇرمەدە ءولىپ قالدى دەپ جامان اتتى بولماس ءۇشىن بوساتتى" دەپ تۇسىندىرەدى.

"قامشى" سىلتەيدى
ىلمەك سوزدەر: ارون اتابەك

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر