• usd 424.85

  • eur 504.21

  • rub 5.84

  • cny 65.86

05 جەلتوقسان, 04:44:12
الماتى
+5°

كەشە قايتىس بولعان اقىن, ديسسيدەنت ارون اتابەكتىڭ دەنەسى جاقىندارىنا ءالى بەرىلگەن جوق, دەپ حابارلايدى قامشى ءتىلشىسى.

قازىرگى ۋاقىتتا الماتى قالاسى قالقامان ىقشاماۋدانىنداعى ءمايىتحانا الدىندا مارقۇمنىڭ جاقىندارى مەن بەلسەندىلەردەن تۇراتىن 40 شاقتى ادام تۇر. ولاردىڭ اراسىندا اروننىڭ قىزدارى الما مەن ايدانا دا بار. الايدا ولار جۋرناليستەرمەن سويلەسۋدەن باس تارتتى.

تەك بەلسەندى, ارون اتابەكتىڭ سەنىمدى سەرىگى مۇراتبەك ەسەنعازى عانا جاعداي تۋرالى پىكىر ءبىلدىردى.

ول ارون اتابەكتى تۇرمەدە ۋلاعان بولۋى مۇمكىن دەگەن كۇدىگى بارىن جەتكىزدى.

&ndash؛ ساپ-ساۋ, زىڭگىتتەي ادامنىڭ سوڭعى جەتى ايدا ناشارلاي باستاعانى كۇدىك تۋدىرادى. ول ءوزى ماعان ورىسشالاپ "زدوروۆ كاك بىك" دەپ ايتقان. جاتتىعۋ جاساپ تۇرعانىن دا ءوز اۋزىنان ەستىگەم. الايدا ول 7 ايدىڭ ىشىندە السىرەي باستادى. ءبىر كۇنى تاڭەرتەڭ تۇرعاندا "قۇلاعىم تاسكەرەڭ بولىپ قالدى", دەدى. ودان كەيىن ەكى قولى ىستەمەي قالۋدى شىعارعان. ءسويتىپ 7 ايدىڭ ىشىندە كونسلاگەردەن شىققانداي بولىپ وتىر. شىنىن ايتقاندا بىزگە ءتىرى ولىك قىلىپ جىبەردى, ؛&ndash؛ دەيدى ول.

بەلسەندى تۇرمەدە ارون اتابەكتى گاز قولدانۋ, بولماسا تاعامىنا بىردەڭە قوسۋ ارقىلى بىرتىندەپ ءولتىرۋى مۇمكىن دەپ سانايدى. ول ء"بىرادامدىق كامەرادا جاتقان ادام قالاي عانا كوروناۆيرۋس جۇقتىرادى" دەپ تاڭدانادى. سوزىنشە, اروندى تۇرمەدەن بوساتقاندا ونىڭ وكپەسىنىڭ 16 پايىزى زاقىمدانعان.

"كوروناۆيرۋستى ادەيى جۇقتىرماعانىن دالەلدەسىن, بۇكىل جۇيەنى سوتقا بەرەمىز" دەيدى ول.

مۇراتبەك ەسەنعازى سونداي-اق داۋلاسىپ ءجۇرىپ تاۋەلسىز سوت-مەديسينالىق ساراپتاما جاساۋعا قول جەتكىزگەندەرىن, الايدا وعان كەدەرگى جاساۋعا تىرىسىپ جاتقاندار بارىن ايتادى. بەلسەندى قازاقستانداعى تاۋەلسىز ساراپشىلاردى مايىتكە تاۋەلسىز ساراپتاما جاساۋعا, ونىڭ ناتيجەسىن بۇقپاسىز جاريالاۋعا شاقىردى.

بەلسەندى ساراپتاما اياقتالعان سوڭ ارون اتابەكتىڭ دەنەسى قارىنداسى ءرازيانىڭ ۇيىنە ارنايى جەدەل جاردەم كولىگىمەن جەتكىزىلەتىنىن ايتتى.

&ndash؛ شاريعات زاڭىنا ساي, بۇگىن جامباسىن ءبىر كۇن ۇيىنە تيگىزىپ, ەرتەڭ جانازاسىن شىعارامىز دەپ وتىرمىز. ەندى تاعى بىردەڭە شىعىپ قالماسا, ؛&ndash؛ دەيدى مۇراتبەك ەسەنعازى.

 ؛

 ؛

"قامشى" سىلتەيدى
ىلمەك سوزدەر: ارون اتابەك

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر