• usd 468.56

  • eur 497.56

  • rub 7.3

  • cny 67.18

28 ناۋرىز, 14:18:10
الماتى
+35°

قازىر كوپ جىگىتتەر ماتەريالدىق جاعدايعا بايلانىستى ۇيلەنۋگە اسىقپايدى دەگەن پىكىر بار. وسى رەتتە الماتىلىق قىز-كەلىنشەكتەردەن وتباسى قۇرۋ ءۇشىن ەر ادام ايىنا قانشا تابۋى كەرەك ەكەنىن سۇراپ كوردىك.

سوڭعى ۋاقىتتا ەر ادامعا قىز-كەلىنشەكتەر, قوعام تاراپىنان ارتىلعان الەۋمەتتىك جۇك اۋىرلاپ كەتكەنى تۋرالى اڭگىمە ءجيى قوزعالاتىن بولعان. عالىمدار "ەر ادام مىقتى بولۋى كەرەك, كەز كەلگەن ماسەلەنى شەشە الۋى قاجەت, كوز جاسىن كورسەتپەۋى كەرەك, تابىسى جوعارى بولۋى كەرەك" دەگەن سياقتى تۇسىنىك سالدارىنان ەر-ازاماتتار ۇدايى مورالدىق, پسيحولوگيالىق قىسىم جاعدايىندا جۇرەتىنىن ايتادى.

الەمدە, سونىڭ ىشىندە قازاقستاندا ەرلەر اراسىندا سۋيسيد ءجيى كەزدەسەدى. رەسمي ستاتيستيكاعا ساي, 2020 جىلى ەل بويىنشا 3515 ادام وزىنە قول سالعان. ونىڭ ء2765-ى ەر-ازامات. 2075 ەر ادام بۇل ارەكەتكە الكوگولدىڭ, ەسىرتكى زاتىنىڭ ىقپالىنسىز, ياعني ساۋ كۇيىندە بارعان.

الەۋمەتتانۋشى, ؛ال-فارابي اتىنداعى قازاق ۇلتتىق ۋنيۆەرسيتەتىنىڭ دوكتورانتى ايتۋار كوسپاكوۆ ەر ازاماتتارعا قوعام تاراپىنان قويىلاتىن تالاپتار ءالى دە جوعارى ەكەنىن ايتسا, پسيحولوگيا عىلىمدارىنىڭ دوكتورى بالابەك ساقتاعانوۆ "قازىرگى تاڭدا قوعامنىڭ اشىق بولۋ ءتۇسۋى, دەموكراتيالىق قۇندىلىقتاردىڭ ەنۋى ەر ادامدارعا دەگەن تالاپتى تومەندەتتى" دەيدى.

&ndash؛ 30 جاسقا دەيىن ەر ادام مىنانى جاساپ ۇلگەرۋى كەرەك, قارجىلىق جاعدايى تۇراقتى, قاندايدا ءبىر جەتىستىككە جەتۋى كەرەك دەگەن سياقتى كوزگە كورىنبەيتىن قوعامدىق پىكىر, تالاپ ادامدار, توپتار اراسىندا ءالى دە بار, &ndash؛ دەيدى الەۋمەتتانۋشى.

ال بالابەك ساقتاعانوۆ ەر ادامنىڭ قوعامدا ورنى مەن وتباسىن اسىراۋدا, ادامدارمەن قارىم-قاتىناستا بەلگىلى ءبىر ءرولى بولعانىمەن, بۇگىندە جانۇياداعى بارلىق ماسەلەنى تەك ەر ادام شەشۋى كەرەك دەگەن تۇسىنىك, ستەرەوتيپ جوق دەگەن پىكىردە.

&ndash؛ قازىرگى تاڭدا ايەل ازاماتتار ەر ادامدارمەن بىرگە جۇمىس ىستەيدى, بىردەي اقشا تابادى. بۇدان بولەك, قوعام, قىز-كەلىنشەكتەر تاراپىنان قانشا جۇك ارتىلعانىنا قاراماستان, ونى قابىلداۋ, سەزىنۋ جانە سونى ورىنداۋ ەر ادامنىڭ تۇلعالىق ەرەكشەلىگىنە بايلانىستى بولادى. ەگەر ەر ادام ءوزىنىڭ الەۋمەتتىك رولىنە جاۋاپكەرشىلىكپەن قاراسا, وندا قاندايدا ءبىر الەۋمەتتىك جۇكتى, جاۋاپكەرشىلىكتى سەزىنەدى, &ndash؛ دەيدى ول.

"ەر بالا ءوسىپ كەلە جاتقان كەزدە "سەن ەر-ازاماتسىڭ", "سەن مىقتى بولۋىڭ كەرەك", "السىزدىگىڭدى كورسەتپەۋىڭ كەرەك" دەپ بالا كەزدەن ساناسىنا بەلگىلى ءبىر ستەرەوتيپتەردى قالىپتاستىرۋ ءالى دە بارى جاسىرىن ەمەس" دەگەن پسيحولوگ ەر ادامنىڭ بەينەسى تۋرالى تۇسىنىك ادامداردىڭ ساناسىنداعى ماسەلە ەكەنىن, بۇگىنگى ۋاقىتتا "ەر ادام مىنانداي بولۋى كەرەك", "مىنانى جاساۋى كەرەك" دەگەن تۇسىنىك قوعام تالابىنا دا, جاڭا ترەندتەرگە دە سايكەس كەلمەيتىنىن ايتادى.

وقي وتىرىڭىز:

&diams؛ ؛ەر ادامدار قوعام پىكىرىنەن قالاي زارداپ شەگەدى؟

ايزادا بيدان

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى
ىلمەك سوزدەر: املاتى تابىس ايلىق

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر