21 قاراشا, 2021 news
فوتو: ۆيدەودان سكرينشوت
اقمولا وبلىسى شورتاندى اۋىلىندا گاز باللوننىڭ جارىلۋىنان زارداپ شەككەن 13 جاستاعى بالا قايتىس بولدى. بۇل تۋرالى نۇر-سۇلتان قالاسىنىڭ ؛قوعامدىق دەنساۋلىق ساقتاۋ باسقارماسى حابارلادى.
"شورتاندى اۋىلىنداعى جارىلىستان زارداپ شەككەن 2009 جىلعى بالا 20 قاراشا ساعات 21:34-تە نۇر-سۇلتان قالالىق بالالار اۋرۋحاناسىنىڭ جانساقتاۋ بولىمىندە كوز جۇمدى. بالا دەنەسىنىڭ 70%-ىن كۇيىك شالعان" دەلىنگەن باسقارما تاراتقان حابارلامادا.
ەسكە سالا كەتەيىك, اقمولا وبلىسىنا قاراستى شورتاندى اۋىلىندا گاز باللونى جارىلىپ, ءۇش ادام قازا تاۋىپ, كۇيىك شالعان 10 ادام اۋرۋحاناعا جەتكىزىلگەن. ونىڭ ىشىندە بەسەۋى بالا بولعان.
قايعىلى وقيعا 16 قاراشادا شورتاندى اۋىلىنىڭ لينەينايا كوشەسىندە بولعان. ءورت كازارمالىق ۇلگىدەگى پاتەردەن شىعىپ, شاتىردى جالىن شارپىعان. ءورت اۋماعى شامامەن 350 شارشى مەتردى قۇراعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر