كوۆيد داعدارىسى: ەۋروپا ءتورتىنشى كوۆيد تولقىنى كەلە جاتقانى تۋرالى دابىل قاقتى

گەرمانيا كانسلەرى انگەلا مەركەل ايماق باسشىلارىمەن كوۆيد داعدارىسى جونىندەگى كەزدەسۋ الدىندا ؛ "درامالىق" ءتورتىنشى كوۆيد تولقىنى كەلە جاتقانىن ايتتى.

سارسەنبىدە گەرمانيادا كۇندەلىكتى ۆيرۋس جۇقتىرۋ سانى 52826-عا جەتىپ, جاڭا رەكورد تىركەلدى.

ال بەلگيا لوكداۋن بولدىرماۋ ءۇشىن ءبىرقاتار شارالاردى جاريالادى.

"بارلىق دابىل سيگنالدارى قىزىل" دەدى پرەمەر-مينيستر الەكساندر دە كرو. ول ادامدارعا جەكە بايلانىستاردى شەكتەۋدى ايتتى.

"ەۋروپا كارتاسى تەز قىزىلعا اينالادى, ءبىز دە سولايمىز" دەدى ول.

بەلگيادا بالالار  ؛قازىرگى شارالار بويىنشا 12 جاستان ەمەس, 10 جاستان باستاپ ماسكا كيۋگە مىندەتتەلمەك. سەنبىدەن باستاپ اپتاسىنا ءتورت كۇن ۇيدە جۇمىس ىستەۋ ەنگىزىلمەك. تەاترلاردا, كينوتەاترلاردا جانە مۇراجايلاردا "covid safe" بيلەتتەرى دەپ اتالاتىن بيلەتتەر قاجەت بولادى.

ۇشىنشى ەكپە 2022 جىلدىڭ ءساۋىر ايىنىڭ سوڭىنا قاراي بارلىق بەلگيالىقتار ءۇشىن ەنگىزىلەدى.

دۇيسەنبىدە ەكپە الماعان ەكى ميلليونعا جۋىق ادامعا توسقاۋىل قويعان اۆستريا سارسەنبىدە كۇندەلىكتى ينفەكسيالاردىڭ رەكوردتىق كورسەتكىشى تۋرالى حابارلادى. رەكوردتىق جاعدايلار تۋرالى حابارلاعان نيدەرلاندى ءىشىنارا لوكداۋن ەنگىزدى.

شۆەسيا 1 جەلتوقساننان باستاپ العاش رەت 100-دەن استام ادام قاتىساتىن كونسەرتتەر مەن باسقا دا جابىق ءىس-شارالار ءۇشىن كوۆيدكە قارسى ۆاكسيناسيا بيلەتىن ەنگىزەدى. "ۆاكسيناسيالانباعاندار ادەتتەگىدەي جۇرە المايدى؛ ءسىزدىڭ ەڭ ماڭىزدى ۇلەسىڭىز - ۆاكسيناسيالانۋ" دەدى شارانى قابىلداعان الەۋمەتتىك ىستەر ءمينيسترى لەنا حاللەنگرەن. دەگەنمەن ول شۆەسيا الەمنىڭ باسقا ەلدەرىنەن وقشاۋلانباعانىن ايتتى.

چەحيانىڭ پرەمەر-مينيسترى اندرەي بابيس ۆاكسينا سالدىرماعان كەز كەلگەن ادامعا قوعامدىق ءىس-شارالارعا نەمەسە قىزمەتتەرگە كىرۋگە تىيىم سالىناتىنىن ايتتى. دۇيسەنبىدەن باستاپ تەرىس سىناقتار بۇدان بىلاي جەتكىلىكسىز بولادى.

سارسەنبىدە رەكوردتىق 8,342 جاعداي تىركەلگەن كورشىلەس سلوۆاكيا وسىنداي شارالاردى جوسپارلاپ وتىر: "جۇمىس ورىندارى مەن ماڭىزدى ەمەس دۇكەندەر تەك ۆاكسيناسيالانعان قىزمەتكەرلەرگە نەمەسە ساۋىعىپ كەتكەنىن دالەلدەي الاتىن ادامدارعا عانا قول جەتىمدى بولادى" دەيدى پرەمەر-مينيستر ەدۋارد حەگەر.

ۆاكسيناسيا دەڭگەيى كونتينەنتتە ءارتۇرلى. سلوۆاكيانىڭ ۆاكسينا قابىلداۋ دەڭگەيى ەڭ تومەن بولىپ, 44%-دى قۇرادى. بۇل چەحيادا 58%, اۆستريادا 65% جانە گەرمانيادا 68%.