17 قاراشا, 2021 الەم
فوتو: اشىق دەرەككوز
16 قاراشا كۇنى ارمەنيا مەن ازەربايجان شەكاراسىندا ءىرى قاقتىعىس بولىپ, سونىڭ سالدارىنان ەكى جاقتا دا قازا تاۋىپ, جارالانعاندار بار, دەپ حابارلادى ؛ haqqin.az اقپارات اگەنتتى.
ازەربايجان قورعانىس مينيسترلىگى ءوز كەزەگىندە ارمەنيا قارۋلى كۇشتەرىن شەكاراداعى جاعدايدى ۋشىقتىرۋ ماقساتىندا "تاعى ءبىر ارانداتۋ ارەكەتىن" جاسادى دەپ ايىپتاپ وتىر.
"ازەربايجاننىڭ قارۋلى كۇشتەرى شۇعىل اسكەري وپەراسيا جۇرگىزدى" دەپ حابارلادى ازەربايجان قورعانىس مينيسترلىگىنىڭ ءباسپاسوز قىزمەتى.
"بىرىنشىدەن, جاۋدىڭ قوزعالىسى شەكتەلدى, قارسىلاستىڭ كۇشتەرى مەن قۇرالدارىنا زيان كەلتىرىلدى. قابىلدانعان شەشۋشى شارالاردىڭ ناتيجەسىندە ارميان اسكەرلەرى قارۋسىز قالىپ ۇستالدى, ءارتۇرلى قارۋ-جاراقتارى الىندى. ؛اۋقىمدى ارانداتۋشىلىق ارقىلى قىسقا مەرزىمدە جەڭىسكە ۇمتىلعان ارميان اسكەري بولىمشەلەرىنىڭ شابۋىلى, جەدەل-تاكتيكالىق تۇرعىدان تولىق ساتسىزدىككە ۇشىرادى, ال رەسمي ەرەۆاننىڭ ارانداتۋشىلىققا بارۋداعى كەزەكتى ارەكەتى ءساتسىز اياقتالدى", دەپ جازادى haqqin.az پورتالى.
رەسەي قورعانىس مينيسترلىگى سوعىس ءمينيسترى سەرگەي شويگۋ مەن ونىڭ ارميان جانە ازەربايجان ارىپتەستەرىنىڭ تەلەفون ارقىلى سويلەسۋىنىڭ ناتيجەسىندە تاراپتار شايقاستى توقتاتقانى حابارلاندى.
ارمەنيا پرەمەر-مينيسترى نيكول پاشينيان سەيسەنبى كۇنى كەشكە ارمەنيا-ازەربايجان شەكاراسى ءقازىر سالىستىرمالى تۇردە تىنىش ەكەنىن, ءبىراق جاعداي شيەلەنىسىپ تۇرعانىن ايتقان.
رەسەي پرەزيدەنتى ۆلاديمير پۋتينمەن تەلەفون ارقىلى سويلەسكەن پاشينيان شەكاراداعى سوڭعى وقيعالاردى ەگجەي-تەگجەيلى بايانداپ, "ازەربايجان كۇشتەرىنىڭ ارەكەتى ارمەنياعا قارسى اگرەسسيادان باسقا ەشتەڭە ەمەس" دەپ جەتكىزدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر