• usd 424.85

  • eur 504.21

  • rub 5.84

  • cny 65.86

05 جەلتوقسان, 05:00:00
الماتى
+5°

كەز كەلگەن ادامدى "بانك تاراتىلعان جاعدايدا, ودان العان نەسيەنىڭ تاعدىرى نە بولادى" دەگەن سۇراق مازالاۋى مۇمكىن. كەيبىرى اي سايىنعى قارىزدى تولەۋ جاۋاپكەرشىلىگىنەن قۇتىلامىن دەپ ويلاسا, ەندى ءبىرى كرەديتتى وتەۋ مىندەت دەپ سانايدى.

بانك تاراتىلسا كرەديت كەشىرىلە مە؟ ؛

قانداي دا ءبىر سەبەپتەرمەن ەكىنشى دەڭگەيلى بانك جابىلىپ قالسا, ودان العان نەسيە كەشىرىلمەيدى. كليەنت ءوز قارىزىن تولىعىمەن وتەۋگە مىندەتتى. ؛

قارجى نارىعىن رەتتەۋ جانە دامىتۋ اگەنتتىگى "قازاقستان زاڭناماسىندا تاراتىلاتىن بانكتەردىڭ قارىز الۋشىلارىن كرەديتتەن نەمەسە وزگە دە مامىلەلەر بويىنشا مىندەتتەمەلەردى ورىنداۋدان بوساتۋعا مۇمكىندىك بەرەتىن نورما جوق" ەكەنىن ايتادى.

ەگەر بانككە قارىزى بار ادام اي سايىنعى كرەديتىن تولەمەسە, وندا دەبيتورلىق بەرەشەك سوت تارتىبىمەن ءوندىرىپ الىنادى.

كرەديتتى تولەۋدى كەشىكتىرسە نە بولادى؟

بانكتەر تۋرالى زاڭعا سايكەس, بورىشكەر بانك ليسەنزيادان ايىرىلعان كۇننەن باستاپ نەگىزگى بەرەشەكتى, سىياقى مەن ءوسىمپۇلدى وتەۋ بويىنشا مىندەتتەمەلەردى بۇعان دەيىن جاسالعان كەلىسىمشارتقا سايكەس ورىندايدى.

ەگەر كليەنت اي سايىنعى تولەمدى توقتاتسا, وندا تولەم مەرزىمى كەشىگىپ, ءوسىمپۇل ەسەپتەلەدى. بانك تاراتىلعانىمەن, كرەديت بويىنشا پروسەنت, ايىپپۇلدار مەن ءوسىمپۇلدار توقتاتىلمايدى.

اگەنتتىك كرەديتتىك مىندەتتەمەلەردى ورىنداماۋ قوسا قارىز الۋشىعا, كەپىلگەرگە جانە كەپىل بەرۋشىگە ايتارلىقتاي قيىندىق كەلتىرۋى مۇمكىن ەكەنىن ەسكەرتتى. ويتكەنى ولار دا قارىز الۋشى سياقتى قارجى ۇيىمدارىنىڭ الدىندا جاۋاپتى بولادى.

جابىلاتىن بانكتىڭ كرەديتتەرىمەن كىم اينالىسادى؟

بانكتى ليسەنزياسىنان ايىرۋ تۋرالى شەشىم قابىلدانعاننان كەيىن, ۋاكىلەتتى ورگان ۋاقىتشا اكىمشىلىكتى تاعايىندايدى. ۋاقىتشا اكىمشىلىك بۇرىن بەرىلگەن كرەديتتەردىڭ قايتارىلۋىن باقىلايدى. بانكتى ماجبۇرلەپ تاراتۋ تۋرالى سوت شەشىمى كۇشىنە ەنگەن سوڭ, كليەنتتەردىڭ اقشانى قايتارۋىن باقىلاۋدى تاراتۋ كوميسسياسى جۇزەگە اسىرادى.

تاراتۋ كوميسسياسى تاراتىلاتىن بانكتىڭ اتىنان ارەكەت ەتەدى. ونىڭ قۇزىرەتىنە كرەديتورلار ءتىزىمىن جاساۋ, مۇلىكتى ساتۋ بويىنشا ساۋدا-ساتتىق ۇيىمداستىرۋ, كرەديتتەر بويىنشا بەرەشەكتى ءوندىرىپ الۋ كىرەدى. كوميسسيا ءار ماسەلە بويىنشا دەربەس شەشىم قابىلداي الادى.

بانك ماجبۇرلەپ تاراتىلاتىن كەزدە كرەديتورلاردىڭ مۇددەسىن قامتاماسىز ەتۋ جانە ولاردىڭ قاتىسۋىمەن شەشىم قابىلداۋ ءۇشىن كرەديتورلار كوميتەتى قۇرىلادى. ونىڭ نەگىزگى وكىلەتتىكتەرى &ndash؛ بانك اكتيۆتەرىن (مۇلكىن) وتكىزۋ جوسپارىن بەكىتۋ جانە تاراتۋ شىعىستارىنىڭ سمەتاسىن بەكىتۋ.

قارجى نارىعىن رەتتەۋ اگەنتتىگى باسقارماسىنىڭ 2020 جىلعى 30 قاراشاداعى № 114 قاۋلىسىنا سايكەس, جابىلاتىن بانكتىڭ بارلىق مامىلەسىن اياقتاۋمەن تاراتۋ كوميسسياسى اينالىسادى. ول بانكتىڭ كرەديتتىك پورتفەلىن ءۇشىنشى تاراپقا, ياعني باسقا بانككە, كوللەكتورلىق اگەنتتىككە نەمەسە يپوتەكالىق كومپانياعا ساتۋ تۋرالى شەشىم قابىلدايدى. نەمەسە ليسەنزيادان ايىرىلعان بانكتىڭ كرەديتتىك پورتفەلىن باسقارۋدى جالعاستىرادى.

سونداي-اق تاراتۋ كوميسسياسى كرەديتورلار كوميتەتىمەن كەلىسىپ, ءوسىمپۇلدى ەسەپتەن شىعارۋ تۋرالى شەشىم قابىلداي الادى. بۇعان قوسا سىياقىنى, ايىپپۇلدار مەن ءوسىمپۇلداردى ەسەپتەۋدى توقتاتا تۇرا الادى.

ەسكە سالساق, قازاقستاندا ءقازىر توعىز بانك تاراتىلۋ پروسەسىندە تۇر. ولار: ۆاليۋت-ترانزيت بانك, قازينۆەستبانك, delta bank, ەكسيمبانك قازاقستان, استانا بانكى, qazaq banki, tengri bank, asiacredit bank جانە capital bank kazakhstan. بۇل بانكتەردىڭ ليسەنزيالارى كەرى قايتارىپ الىنعان.

دەرەككوز: sputnik قازاقستان

"قامشى" سىلتەيدى
ىلمەك سوزدەر: بانكتەر قازاقستان

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر