اقتاۋداعى ەڭ بيىك تۋدىڭ تۇبىندە «كوك تۋدىڭ جەلبىرەگەنى» ءانى شىرقالدى

بۇگىن, 10 قاراشا كۇنى اقتاۋ جاستارى مەملەكەتتىك رامىزدەر الاڭىنداعى تۋتۇعىردىڭ تۇبىندە «؛كوك تۋدىڭ جەلبىرەگەنى»؛ ءانىن اۆتورمەن بىرگە شىرقادى, دەپ حابارلايدى ماڭعىستاۋ وبلىسى اكىمدىگىنە قاراستى قوعامدىق كوممۋنيكاسيا ورتالىعى.

اقتاۋدا وتكەن ۇلتتىق پاتريوتتىق شاراسى ەل تاۋەلسىزدىگىنىڭ 30 جىلدىعى اياسىندا ۇيىمداستىرىلدى.

وتانسۇيگىشتىك رۋحتاعى كەزدەسۋگە بەلگىلى اقىن, مادەنيەت قايراتكەرى «؛كوكتۋدىڭ جەلبىرەگەنى»؛ اتتى ولەڭنىڭ اۆتورى الماس احمەتبەكۇلى, ارناۋلى وقۋ ورىندارىنىڭ ستۋدەنتتەرى, اسكەري قىزمەتكەرلەر مەن زيالى قاۋىم وكىلدەرى قاتىستى.

كەدەسۋ بارىسىندا الماس احمەتبەكۇلى پاتريوتتىق جالىندى جىرلارىن وقىپ, جاستاردى تۋعان جەردى سۇيۋگە, وتانعا ادال قىزمەت ەتۋگە شاقىردى.

-ازاتتىقتان ۇلكەن بايلىق جوق. ءبىزدىڭ كەلەر ۇرپاعىمىزعا قازاقتىڭ مىنا بايتاق جەرى باقىت پەن بايلىقتىڭ مەكەنى بولۋ كەرەك. تاۋەلسىزدىگىمىزدى باياندى ەتەتىن, تۋىمىزدى كوككە كوتەرىپ, ەلىمىزدىڭ وسىپ-وركەندەۋىنە ۇلەس قوساتىن جاستار لەگىن تاربيەلەپ شىعارۋىمىز كەرەك. سەبەبى بولاشاق &ndash؛ جاستاردىڭ قولىندا, دەدى الماس احمەتبەكۇلى.

اقىننىڭ «؛مارقاكولدەن ماڭعىستاۋعا»؛ اتتى شىعارماشىلىق ساپارى اياسىندا وبلىستاعى ەسەنوۆ ۋنيۆەرسيتەتىنىڭ ستۋدەنتتەرىمەن جانە وڭىردەگى مۇنايشىلارمەن كەزدەسۋ كەشى وتكىزىلەدى.