جاڭا ەرەجە. جۇرگىزۋشى كۋالىگىن العىسى كەلەتىندەر نەنى بىلۋگە ءتيىس؟

قازاقستاندا جۇرگىزۋشى كۋالىگىن الۋدىڭ قازىرگى ءتارتىبى مەن الداعى وزگەرىستەر تۋرالى ؛ەرەجەلەر جاريالاندى.

ەمتيحانعا ءوز بەتىنشە وقىعان ادامدار كىرە الادى

قازاقستاندا زاڭ بويىنشا جۇرگىزۋشى كۋالىگى 18 جاستان باستاپ بەرىلەدى. ونى الۋ ءۇشىن الدىمەن جول قوزعالىسى ەرەجەلەرىن وقىپ, كولىك جۇرگىزۋدى ۇيرەنۋ كەرەك.

"ا", "ۆ", "س", "د" مەن "e" ساناتىنداعى كولىك قۇرالدارىن, ترامۆايلاردى جانە تروللەيبۋستاردى باسقارۋ ءۇشىن وقۋ ۇيىمدارىندا تولىق دايارلىق كۋرسىنان ءوتۋ قاجەت. الايدا "ا" جانە "ۆ" ساناتىنا تاپسىراتىندار ءۇشىن جەڭىلدىك قاراستىرىلعان. ەگەر ولار تۇراتىن جەردە جۇرگىزۋشىلەردى دايارلاۋ جانە قايتا دايارلاۋ ۇيىمدارى بولماسا, ءتيىستى باعدارلامالار اياسىندا تەوريالىق جانە پراكتيكالىق تۇرعىدا ءوز بەتىنشە دايىندالۋعا مۇمكىندىك بار. ولار ەمتيحاندى مەملەكەتتىك كورپوراسيا عيماراتتارىندا جانە اۆتوماتتاندىرىلعان اۆتودرومدا تاپسىرادى.

بولاشاق جۇرگىزۋشىلەر ەمتيحانعا دەيىن مەديسينالىق تەكسەرىستەن وتەدى. انىقتاما ەمحانادا نەمەسە مامانداندىرىلعان حالىققا قىزمەت كورسەتۋ ورتالىعىندا بەرىلەدى. قازىرگى كەزدە مەديسينا قىزمەتكەرلەرى حقكو-دا وتىرىپ, تەكسەرىس جاسايدى.

ەمتيحاندى تۇراقتى تىركەلگەن جەردە تاپسىرادى. ال ۋاقىتشا تىركەۋ بولسا, مەرزىمى 6 ايدان ارتىق بولۋى شارت. اسكەري قىزمەتشiلەر اسكەري ءبولiمنىڭ ورنالاسقان جەرىندە ەمتيحانعا كىرەدى.

ەمتيحاننان وتە الماعاندار نە ىستەيدى؟

جۇرگىزۋشى كۋالىگىن الۋ ءۇشىن ەكى ەمتيحان تاپسىرۋ قاجەت. ءبىرىنشىسى &ndash؛ تەوريالىق, ەكىنشىسى &ndash؛ پراكتيكالىق. تەوريالىق ەمتيحان تاپسىرماعان ادام پراكتيكالىق ەمتيحانعا جىبەرىلمەيدى. ال ەمتيحاننان وتە الماعاندار جەتى كۇننەن كەيىن عانا قايتا تاپسىرا الادى.

دەگەنمەن كەيبىر ادامدار ءۇشىن ەمتيحاندى ءۇش كۇننەن كەيىن قايتا تاپسىرۋ مۇمكىندىگى قاراستىرىلعان. ولار:

• تۇرعىلىقتى جەرىن اۋىستىراتىندار؛
• اسكەري قىزمەتكە شاقىرىلعاندار؛
• وقۋعا باراتىندار؛
• ۇزاق مەرزىمدى ء(ۇش ايدان ارتىق) iسساپارعا كەتەتiندەر.

ەمتيحاندى ءۇش كۇننىڭ ىشىندە قايتا تاپسىرۋ ءۇشىن راستايتىن قۇجاتتاردى كورسەتۋ كەرەك. ؛

تەوريالىق ەمتيحاننىڭ باعاسى ءۇش ايدىڭ ىشىندە جارامدى بولادى. ودان كەيىن ەمتيحاندى قايتا تاپسىرۋعا تۋرا كەلەدى. ال پراكتيكالىق ەمتيحان دا ءساتتى تاپسىرىلسا, جۇرگىزۋشى كۋالىگىنە قۇجات تاپسىرۋعا بولادى.

جۇرگىزۋشى كۋالىگىن الۋ ءتارتىبى

بۇگىندە جۇرگىزۋشى كۋالىگىن راسىمدەۋ شارالارى مامانداندىرىلعان حالىققا قىزمەت كورسەتۋ ورتالىعىندا جاسالادى. ول جەردە بىرنەشە قۇجات ۇسىنۋ قاجەت. ولار:

1. جەكە كۋالىك؛

2. مەديسينالىق انىقتاما جانە ونىڭ كوشىرمەسى؛

3. دايىندىق كۋرسىن اياقتاعانى تۋرالى كۋالىك جانە ونىڭ كوشىرمەسى نەمەسە اۆتوماتتاندىرىلعان اقپارات جۇيەسى ارقىلى الىنعان قۇجات؛

4. مەملەكەتتىك باجدىڭ تولەنگەنىن راستايتىن قۇجات؛

5. "س", "d1", "d", "تم", "تب" قوسىمشا ساناتتارىن بەرۋ ءۇشىن جۇمىس ءوتىلىن راستايتىن قۇجات (جۇمىس ورنىنان انىقتاما)؛

جۇرگىزۋشى كۋالىگىن الۋ ءۇشىن تولەنەتىن مەملەكەتتىك باجدىڭ كولەمى ؛ 1,25 اەك (3 646 تەڭگە) قۇرايدى.

جۇرگىزۋشى كۋالىگىنىڭ مەرزىمى اياقتالعاننان كەيىن ونى اۋىستىرۋ كەزىندە تەوريالىق جانە پراكتيكالىق ەمتيحان تاپسىرۋدىڭ قاجەتى جوق. ال كولىك قۇرالىن باسقارۋ قۇقىعىنان ايىرىلعان جاعدايدا جازانىڭ مەرزىمى اياقتالعاننان كەيىن تەوريالىق ەمتيحان تاپسىرۋعا تۋرا كەلەدى.

بيىلدان باستاپ مەديسينالىق تەكسەرىس كەزىندە فليۋوروگرافياعا ءتۇسۋدىڭ قاجەتى جوق. بۇدان بولەك, كولىك جۇرگىزۋشىلەرى وزىمەن بىرگە تەك جەكە كۋالىگىن الىپ جۇرە الادى. باسقا قۇجاتتاردى كورسەتۋدىڭ قاجەتى جوق.

جۇرگىزۋشى كۋالىگىن ايىرباستاۋ

قازىرگى كەزدە مامانداندىرىلعان حقكو-عا بارماي-اق, جۇرگىزۋشى كۋالىگىن ايىرباستاۋعا بولادى. ول ءۇشىن "ەلەكتروندى ۇكىمەت" پورتالى ارقىلى جۇرگىزۋشى كۋالىگىن ايىرباستاۋعا ءوتىنىمدى ونىڭ قولدانىلۋ مەرزىمى وتكەنگە دەيىن جىبەرۋ كەرەك:

• مىنا ؛سىلتەمەگە ؛وتۋ؛
• اۆتوريزاسيا جاساۋ نەمەسە پورتالدا تىركەلۋ؛
• ەلەكتروندى ءوتىنىمنىڭ الاڭدارىن تولتىرۋ؛
• فوتوسۋرەتتى جانە قولتاڭبانىڭ سكانەرلەنگەن ۇلگىسىن قوسۋ؛
• تولەم كارتوچكانىڭ كومەگىمەن ونلاين قىزمەتتىڭ اقىسىن تولەۋ ؛
• وتىنىمگە ەلەكتروندى سيفرلىق قولتاڭبانى قويۋ.

ونلاين تاپسىرىس بەرگەننەن كەيىن جاڭا جۇرگىزۋشى كۋالىگىن الۋ ءۇشىن مامانداندىرىلعان حقكو-عا بارىپ, بىرنەشە قۇجاتتى تاپسىرۋ قاجەت. ولار:

• جەكە قۇجات؛
• بۇرىنعى جۇرگىزۋشى كۋالىگى؛
• 083-ۋ نىساندى مەديسينالىق انىقتاما.

ايتا كەتەرى, دەنساۋلىق ساقتاۋ ءمينيسترىنىڭ سوڭعى بۇيرىعى بويىنشا جۇرگىزۋشى كۋالىگىنىڭ مەرزىمىن ۇزارتۋ ءۇشىن تەراپەۆت, وكۋليست, لور, پسيحياتر مەن ناركولوگتىڭ تەكسەرىسىنەن وتسە دە جەتكىلىكتى.

بيومەتريالىق تەكسەرىس بولادى

جاقىندا سيفرلىق دامۋ, يننوۆاسيالار جانە اەروعارىش ونەركاسىبى ءمينيسترى باعدات مۋسين حالىققا قىزمەت كورسەتەتىن مامانداندىرىلعان ورتالىقتا جۇرگىزۋشى كۋالىگىن ەمتيحانسىز بەرۋ فاكتىلەرىن ءوز كوزىمەن كورگەنىن مالىمدەدى.

&ndash؛ 24 قازاندا نۇر-سۇلتان قالاسىنىڭ حالىققا قىزمەت كورسەتەتىن مامانداندىرىلعان ورتالىعىندا بولدىم. شىنىمدى ايتسام, جۇمىسىنا كوڭىلىم تولمادى. سەبەبى كەيبىر فاكتىلەر انىقتالدى. ونى جەمقورلىققا جاتقىزىپ وتىرمىن. ويتكەنى ادامدارعا تەوريالىق جانە پراكتيكالىق ەمتيحانسىز جۇرگىزۋشى كۋالىگىن الۋعا مۇمكىندىك جاسالدى. ءيا, ونداي جاعدايلار از شىعار. ءبىراق ءبىز شىن مانىندە قانشا رەت بولعانىن بىلمەيمىز عوي, &ndash؛ دەدى مۋسين ورتالىق كوممۋنيكاسيالار قىزمەتىندە وتكەن ونلاين بريفينگتە.

مينيستر جۇرگىزۋشى كۋالىگىن الۋ پروسەدۋراسىنان ءوزى دە وتكەن. سول كەزدە ەمتيحانسىز قۇجاتتى قالاي الۋعا بولاتىنىن كورىپتى. قازىرگى كەزدە باقىلاۋ شارالارى كۇشەيتىلىپ وتىر. الداعى ۋاقىتتا ەمتيحانعا كىرەتىن ادامداردى بيومەتريالىق تەكسەرىستەن وتكىزەدى.