facebook قازاقستان بيلىگىنىڭ مالىمدەمەسىن جوققا شىعاردى

facebook الەۋمەتتىك جەلىسىنە يەلىك ەتەتىن ؛"meta" ("facebook") كومپانياسىنىڭ ازيا-تىنىق مۇحيتى ايماعى بويىنشا وڭىرلىك كەڭسەسىنىڭ كوممۋنيكاسيالار جونىندەگى ديرەكتورى بەن ماككونەحي قازاقستان ۇكىمەتىنىڭ الەۋمەتتىك جەلىدەگى كونتەنتتى حابارلاۋ جۇيەسىنە ەكسكليۋزيۆتى تۇردە قول جەتكىزگەنىن تەرىستەدى.

قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ سايتىندا كەشە, 1 قاراشادا مينيستلىك پەن facebook ينتەرنەتتەگى بالالاردىڭ قۇقىقتارىن قورعاۋعا باسا نازار اۋدارا وتىرىپ, زياندى كونتەنتكە قارسى ءىس-قيمىل ماسەلەلەرى بويىنشا تىعىز ىنتىماقتاستىق تۋرالى كەلىسىمگە كەلگەنى حابارلانعان.

مينيسترلىك مالىمدەمە ؛facebook-پەن بىرلەسىپ جاسالىپ وتىرعانىن, ىشكى "كونتەنتتى حابارلاۋ جۇيەسىنە" ("content reporting system" (crs)) تىكەلەي ەكسكليۋزيۆتى قولجەتىمدىلىك بەرىلگەنىن, بۇل ۇلتتىق زاڭنامانىڭ بۇزۋشىلىقتارى بار كونتەنت تۋرالى جەدەل حابارلاۋعا مۇمكىندىك بەرەتىنىن جازعان.

الايدا ؛بەن ماككوناگي ؛اگەنتتىگىنە جولداعان حاتتا ؛facebook قازاقستان ۇكىمەتىمەن بىرلەسكەن مالىمدەمە جاساماعانى, قازاقستان مالىمدەمەنى تالقىلاۋ نەگىزىندە جاساعانى ايتىلادى.

 ؛

اقپارات جانە قوعامدىق دامۋ ءمينيسترى ايدا بالاەۆا facebook-تىڭ بىرلەسكەن مالىمدەمەنى تەرىستەۋىنە بايلانىستى پىكىر ءبىلدىرىپ, "نەگىزگى كەلىسسوزدەر گونكونگ قالاسىندا ورنالاسقان قىتاي, موڭعوليا جانە ورتالىق ازيا ءوڭىرى بويىنشا "meta" ("facebook") كومپانياسىنىڭ وڭىرلىك وفيسىمەن جۇرگىزىلگەنىن, 1 قاراشادا جاريالانعان بىرىككەن مالىمدەمەنىڭ ءماتىنى مەن ونىڭ باق-دا جارنيالانۋى اتالعان ايماقتىق كەڭسەنىڭ باسشىلىعىمەن تولىقتاي كەلىسىلگەنىن" اتاپ ءوتتى.

reuters سونداي-اق قازاقستان پارلامەنتى قىركۇيەكتە بيلىكتىڭ ارىز-شاعىمىن قاراستىرۋ ءۇشىن الەۋمەتتىك جەلى مەن حابار الماساتىن قوسىمشالار قازاقستاندا كەڭسەلەرىن اشىپ, جەتەكشى تاعايىنداماسا, ۇكىمەتكە ولاردى ؛بۇعاتتاۋعا مۇمكىندىك بەرەتىن زاڭ جوباسىن ("بالالار قۇقىعىن قورعاۋ ماسەلەلەرى جونىندەگى كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ" تۋرالى زاڭ) ؛ازىرلەۋدى باستاعانىن ەسكە سالدى.

زاڭ جوباسىن ازىرلەۋشىلەردىڭ ءبىرى دەپۋتات ايدوس سارىم, دۇيسەنبىدە زاڭ تەحنولوگيا الپاۋىتتارىمەن كەلىسسوز جۇرگىزۋگە جول اشقانىن, ەندىگىدە قازاقستان بيلىگى زاڭ ەرەجەلەرىن جەڭىلدەتۋگە ءازىر ەكەنىن مالىمدەگەن.

زاڭنامانى سىناۋشىلار جاڭا ەرەجە سەنزۋرا مەن بيلىكتىڭ الەۋمەتتىك جەلىدەگى باقىلاۋىن كۇشەيتەدى دەپ سانايدى. ال زاڭ جوباسىن دايىنداعاندار بۇل شارالار كيبەرقورلاۋ مەن وزگە ءقاۋىپتى كونتەنتتىڭ تارالۋىنا جول بەرمەۋگە مۇمكىندىك بەرەتىنىن ايتادى.

زاڭ جوباسى بۇگىندە ماجىلىستە ماقۇلدانىپ, سەنات قاراۋىندا جاتىر.