الماتىنىڭ كاسىپورىندارىندا ۇجىمداردى ۆاكسينالاۋ قاجەتتىلىگى تۇسىندىرىلۋدە

الماتى اكىمى باقىتجان ساعىنتاەۆتىڭ توراعالىعىمەن كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى قالالىق جەدەل شتابتىڭ وتىرىسى ءوتتى.

حابارلانعانداي, اعىمداعى جىلدىڭ 7 قىركۇيەگىندە قر اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا ۆاكسينالاۋ بويىنشا رەيدتەر الگوريتمىن بەكىتكەن بولاتىن.

الماتىنىڭ مونيتورينگتىك توپتارى 10 قىركۇيەكتەن باستاپ 302 بيزنەس نىسانى مەن مەگاپوليستىڭ جوعارى وقۋ ورىندارىن تەكسەردى. بۇلاردا 65 536 قىزمەتكەر بار, ولاردىڭ 55 ء618-ى (84,8%) ۆاكسينالانعان, 4 439-ى (6,8%) ەكپە الماعان, اۋىرىپ جازىلعاندار نەمەسە مەديسينالىق قارسى كورسەتىلىمدەرى بارلار &ndash؛ 5 479 (8,4%).

بارلىق كاسىپورىنداردا كوروناۆيرۋسقا قارسى ۆاكسينالانۋدىڭ قاجەتتىلىگى مەن ماڭىزى تۋرالى اڭگىمەلەر جۇرگىزىلدى, ويتكەنى ۆاكسينالانباعان قىزمەتكەرلەردىڭ باسىم بولىگى ۇجىمداردا دەرتتىڭ كەزەكتى ۋشىعۋىنا اكەلۋى مۇمكىن.

11-17 قازان ارالىعىنداعى وتكەن اپتادا مونيتورينگتىك توپتار 35 كاسىپورىندى تەكسەرىپ, 12 541 ادامدى قامتىدى. ولاردىڭ ىشىندە 9987 ادام ۆاكسينالانعان, 1240-ى ەكپە الماعان, 1314 ادامنىڭ مەديسينالىق قارسى كورسەتىلىمدەرى بولعان.

تەكسەرۋشىلەر مونيتورينگ بارىسىندا مەديسينالىق قارسى كورسەتىلىمدەرى بار قىزمەتكەرلەر اراسىندا بەكىتىلگەن 026-ۋ فورماسىنىڭ سايكەسسىزدىگىنە بايلانىستى ءبىرقاتار بۇزۋشىلىقتار انىقتالعانىن اتاپ ءوتتى, سوندىقتان مەديسينالىق انىقتامالاردىڭ دۇرىستىعىن تەكسەرۋ ءۇشىن شارالار قابىلداناتىن بولادى. ونىڭ ۇستىنە, الماتىدا ءبىرقاتار ساۋدا-ويىن-ساۋىق ورتالىقتارى مەن ساۋدا ۇيلەرى قىزمەتكەرلەرىنىڭ ashyq-تىڭ «؛كوك»؛ مارتەبەسى بويىنشا جۇمىس ىستەيتىنى, ولاردىڭ ءالى كۇنگە دەيىن «؛جاسىل»؛ مارتەبەنى الماعانى انىقتالدى.

رەسپۋبليكالىق ەلەكتروندىق دەنساۋلىق ساقتاۋ ورتالىعىنىڭ الماتى فيليالى ۇسىنعان ۆاكسينالانۋ كارتاسىنىڭ نەگىزىندە قىزمەتكەرلەر سانى 50 ادامنان اساتىن جانە ۆاكسينالانعان قىزمەتكەرلەردىڭ سانى 60%-دان تومەن كاسىپورىنداردا ۆاكسينالاۋ جوسپارى جاسالدى.

ەسكە سالساق, 17 قازاننان باستاپ دەنساۋلىق ساقتاۋ مينيسترلىگىنىڭ بۇيرىعى كۇشىنە ەندى, وعان سايكەس ۆاكسينالانعان, ۆاكسينالانباسا دا (جەتى كۇندە ءبىر رەت) پتر-تەستىسى جانە تۇراقتى مەديسينالىق قارسى كورسەتىلىمى جونىندە انىقتاماسى بار نەمەسە ءۇش اي ىشىندە كۆي-مەن اۋىرعان قىزمەتكەرلەرگە جۇمىس ىستەۋگە رۇقسات ەتىلەدى.

الماتى كاسىپكەرلەر پالاتاسىنىڭ ديرەكتورى ا. قوشمامبەتوۆ حابارلاعانداي, «؛اتامەكەن»؛ كۆي پاندەمياسىمەن كۇرەسۋدىڭ جالعىز قۇرالى رەتىندە حالىقتى جاپپاي ۆاكسيناسيالاۋ قاجەتتىلىگىن قولدايدى. دەنساۋلىق ساقتاۋ مينيسترلىگىنىڭ جاڭا بۇيرىعىن تالقىلاۋ كەزىندە «؛اتامەكەن»؛ ساراپتامالىق قورىتىندىدا ءوز ۇستانىمىن ءبىلدىردى. جالپى, كاسىپكەرلەر پالاتاسى كاسىپورىن باسشىلارىنان ۇجىمداردى ۆاكسينالاۋعا بارىنشا كومەك كورسەتۋدى جانە جاعداي جاساۋدى سۇرايدى.

بۇدان وزگە, اعىمداعى جىلدىڭ 28 شىلدەسىنەن باستاپ جولاۋشىلار مەن قوعامدىق كولىك جۇرگىزۋشىلەرىن تەكسەرۋ جالعاسۋدا. تەكسەرۋدىڭ بارلىق كەزەڭىندە 1 618 اۆتوبۋس پەن تروللەيبۋسقا مونيتورينگ جۇرگىزىلدى, ونىڭ ىشىندە وتكەن اپتادا &ndash؛ 283 كولىك بىرلىگى.

قوعامدىق كولىكتە بەتپەردە رەجيمىن ساقتاماعانى ءۇشىن قر اقبتك-نىڭ 425-بابىنىڭ 1-بولىگىنە سايكەس 224 جەكە تۇلعاعا جانە ءبىر زاڭدى تۇلعاعا اكىمشىلىك حاتتامالار تولتىرىلدى. ونىڭ ىشىندە وتكەن اپتادا 11 جولاۋشى جاۋاپكەرشىلىككە تارتىلدى.

قوعامدىق كولىكتە بەتپەردە تاعۋ ينفەكسيا ءقاۋپىن ازايتاتىنى بەلگىلى. ينفەكسيانى ازايتۋ ءۇشىن تۇنگى ۋاقىتتا قوعامدىق كولىك سالوندارىن دەزينفەكسيالاۋ ۇيىمداستىرىلدى.

دەرتتىڭ تومەندەۋىنە قاراماستان ەپيدەميولوگيالىق احۋال بۇرىنعىداي كۇردەلى بولىپ قالۋدا. كۇن سايىن قالادا 300-دەن استام كۆي جۇقتىرعاندار انىقتالادى, ينفەكسيالىق ستاسيونارلاردا 1368 ادام, ونىڭ ىشىندە 28 بالا بار.

سوندىقتان ماماندار الماتى تۇرعىندارى مەن قوناقتارىن الەۋمەتتىك قاشىقتىق پەن بەتپەردە تاعۋ ەرەجەلەرىن قاتاڭ ساقتاۋعا شاقىرادى. ايتا كەتەرلىگى, دەرتتىڭ ءوسۋىن توقتاتۋدىڭ جالعىز ءارى ءتيىمدى ءادىسى &ndash؛ ۆاكسينالانۋ ارقىلى ۇجىمدىق يممۋنيتەتتى قالىپتاستىرۋ.