27 قازان, 2021 news
فوتو: شىمكەنت قالاسى اكىمىنىڭ ءباسپاسوز قىزمەتى
شىمكەنتتە دەنساۋلىق ساقتاۋ ۇيىمدارىندا مەديسينا قىزمەتكەرلەرى بالالارعا مانتۋ سىناماسى, بسج (تۋبەركۋلەزگە قارسى) جانە 16 جاستاعى جاسوسپىرىمدەر اراسىندا ادس-م (ديفتەريا, سىرەسپەگە قارسى) ەكپە جۇرگىزۋ بويىنشا ءتۇسىندىرۋ جۇمىسىن جۇرگىزۋدە.
شىمكەنت قالالىق №6 ەمحانانىڭ دارىگەرلەرى مەكتەپ مەدبيكەلەرى جانە اتا-انالارمەن جوسپارلى ەكپە قابىلداۋ بويىنشا كەزدەسۋلەر وتكىزدى.
&mdash؛ بالالار جانە جاسوسپىرىمدەر اراسىندا جوسپارلى ەكپەنى قابىلداۋدىڭ ماڭىزدىلىعى بويىنشا ەمحاناعا قاراستى جەتى مەكتەپتىڭ مەيىرگەرلەرىمەن باسقوسۋ ۇيىمداستىردىق. سونداي-اق №136, 137 جالپى ءبىلىم بەرەتىن مەكتەپتەردە اتا-انالارمەن كەزدەسىپ, بالالارعا سالىناتىن ەكپەنىڭ قاجەتتىلىنىن تۇسىندىردىك. 100-گە جۋىق اتا-انا قاتىستى. بالالارعا ەگىلەتىن ەكپەگە قارسى بولىپ كەلگەن اتا-انالار ءتۇسىندىرۋ جۇمىسىنان كەيىن ءوز كەلىسىمدەرىن بەردى, &mdash؛ ؛دەيدى ەمحانانىڭ ءبولىم مەڭگەرۋشىسى لاززات قۇربانوۆا.
ايتا كەتەيىك, ءتۇسىندىرۋ جۇمىسى ەمحاناعا قاراستى №87,56,52,51,77 مەكتەپتەردە سانيتارلىق تالاپتارعا بايلانىستى zum پلاتفورماسى ارقىلى ونلاين ءوتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر