"؛وقۋى قۇرسىن, اقشا تاپسىن"؛. پاۆلودارلىق تۇرعىن بالاسىن وقۋعا جىبەرمەي قويدى

پاۆلودار وبلىسىنىڭ تۇرعىنى 17 جاسار بالاسىن كوللەدجگە وقۋعا جىبەرمەي, اقشا تابۋعا ماجبۇرلەگەن. ؛

پاۆلودار وبلىسى ۋسپەن اۋدانىنىڭ پوليسياسىنا كوللەدج باسشىلىعىنان ستۋدەنتتەردىڭ ءبىرى 2 ايعا جۋىق سەبەپسىز ساباققا قاتىسپاعانى تۋرالى ءوتىنىش تۇسكەننەن كەيىن جاعداي جاريا ەتىلدى.

&ndash؛ ءىستىڭ بارلىق ءمان-جايلارىن قاراۋ ءۇشىن ءبىز اتالعان ستۋدەنتتى, سونداي-اق پاۆلودار وبلىسىنىڭ اقسۋ قالاسىندا تۇراتىن ونىڭ اناسىن انىقتادىق, &ndash؛ دەدى ۋسپەن اۋدانىنىڭ يۋۆەنالدىق پوليسيا اعا ينسپەكتورى داميرا بۋكاەۆا.

17 جاستاعى ءجاسوسپىرىمنىڭ اناسىنىڭ ايتۋىنشا, بالا شارۋا قوجالىقتارىنىڭ بىرىندە كوكونىس جيناۋ ءۇشىن جۇمىس ىستەگەندىكتەن ساباققا قاتىسپاعان جانە ساباققا بارۋعا ۋاقىتى بولماعان.

&ndash؛ كامەلەتكە تولماعان بالانى تاربيەلەۋ جانە ءبىلىم بەرۋ بويىنشا مىندەتتەرىن ورىنداماعانى ءۇشىن اتا-انا اكىمشىلىك قۇقىق بۇزۋشىلىق 127-بابىنىڭ 1-بولىگى (كامەلەتكە تولماعاندار جاساعان نەمەسە كامەلەتكە تولماعاندارعا قاتىستى قۇقىققا قارسى ىس-ارەكەتتەر تۋرالى حابارلاماۋ) بويىنشا, اكىمشىلىك جاۋاپكەرشىلىككە تارتىلدى, &ndash؛ دەدى پاۆلودار وبلىسى پوليسيا دەپارتامەنتى.

وتباسىنىڭ وقۋ ورنىنان قۇجاتتاردى الىپ كەتەتىنى اتاپ ءوتىلدى, ويتكەنى ءجاسوسپىرىم جيەنىنە قاراۋ كەرەك. مەملەكەتتىك ورگاندار بۇل جاعدايدا وتباسىنا كومەكتەسۋگە دايىن با, جوق پا ءالى حابارلانعان جوق.

بۇل جالعىز جاعداي ەمەس. پاۆلودار پوليسەيلەرى 2021 جىلى كامەلەتكە تولماعان بالالاردى تيىسىنشە تاربيەلەمەگەنى ءۇشىن 382 زاڭدى وكىلدى اكىمشىلىك جاۋاپكەرشىلىككە تارتتى.