نۇر-سۇلتاندا بورىشكەر سوت ورىنداۋشىسىنا بالتامەن شابۋىل جاسادى (ۆيدەو)

نۇر-سۇلتاندا بورىشكەر تولەنبەگەن ايىپپۇلى ءۇشىن كولىگىن الۋعا كەلگەن جەكە سوت ورىنداۋشىسىنا بالتامەن شابۋىل جاسادى. ؛بۇل تۋرالى جەكە سوت ورىنداۋشىلاردىڭ وڭىرلىك پالاتاسى حابارلادى. ؛

ەلوردانىڭ جەكە سوت ورىنداۋشىسى وزىنە ن ەسىمدى بورىشكەردىڭ اتقارۋشىلىق قۇجاتتاردى ورىنداۋ بارىسىندا شابۋىل جاساپ, ومىرىنە قاۋىپ-قاتەر توندىرگەنىن ايتىپ, ونى جاۋاپكەرشىلىككە تارتۋ ءۇشىن پوليسيا باسقارماسىنا شاعىم تۇسىرگەن.

وقيعا 26 قازان كۇنى ساعات 8.45-تە بولعان. ۇيىمنىڭ مالىمەتىنشە, ەر ادام بانككە 196 545 تەڭگە جانە 358 728 تەڭگە كولەمىندەگى 17 اكىمشىلىك ايىپپۇلدى تولەمەگەن. جەكە سوت ورىنداۋشىلار پالاتاسى بورىشكەرگە قاماۋعا الۋ جانە شەكتەۋ شارالارى كومەكتەسپەگەنىن, سوندىقتان ۆاز-2115 اۆتوكولىگىن تاركىلەۋ تۋرالى شەشىم قابىلدانعانىن ايتقان. ؛

ال كولىكتىڭ قوجايىنى كولىكتى ءوز ەركىمەن بەرۋدەن باس تارتىپ, قولىنا تەمىر بالتا الىپ, سوت ورىنداۋشىسى مەن پوليسيا قىزمەتكەرلەرىنە شابۋىل جاساعان. وقيعا ۆيدەوعا ءتۇسىپ قالعان. ؛

&ndash؛ وسى كەزدە پوليسيا قىزمەتكەرلەرى بۇرىش شاشاتىن بالوندى پايدالانىپ, ونى زالالسىزداندىردى, ءقاۋىپتى تۇلعا پوليسيا بولىمشەسىنە جەتكىزىلدى, &ndash؛ دەدى جەكە سوت ورىنداۋشىلار وڭىرلىك پالاتاسى باسشىسىنىڭ ورىنباسارى ءمادينا جاناساەۆا.

بۇعان دەيىن 20 قىركۇيەك كۇنى الماتىنىڭ الاتاۋ اۋدانىنداعى "اقبۇلاق" ىقشام اۋدانىندا جەكە سوت ورىنداۋشىسى ءوز مىندەتىن اتقارۋ كەزىندە 54 جاستاعى ەر ادامنىڭ قولىنان قازا تاپقان. قاقتىعىس كەزىندە تاعى 4 ادام مەرت بولعان. اتالعان وقيعادان كەيىن "كىسى ءولتىرۋ" جانە "بيلىك وكىلىنە شابۋىل جاساۋ" دەگەن ەكى باپ بويىنشا تەرگەۋ باستالعان. ؛

ال 4 قازان كۇنى ؛ الماتىدا جەكە سوت ورىنداۋشىسى ءادىل ەرمەكوۆ ءوز مىندەتىن اتقارۋ كەزىندە باۋىر تۇسىنان اۋىر سوققى العان. بورىشكەر ماقسوت ىسقاقوۆ ءوز كەزەگىندە پوليسياعا جەكە سوت ورىنداۋشىسى مەن ونىڭ كومەكشىلەرىنىڭ ارەكەتتەرىنە ارىز جازىپ, ءوزىن كىنالى دەپ سانامايتىنىن مالىمدەگەن بولاتىن. ؛

 ؛