• usd 424.85

  • eur 504.21

  • rub 5.84

  • cny 65.86

05 جەلتوقسان, 05:18:29
الماتى
+5°

17 قىركۇيەكتە كورسەتىلىمگە شىققان "كالمار ويىنى" سەريالى netflix ستريمينگ سەرۆيسى تاريحىنداعى ەڭ ءساتتى جوباعا اينالدى. ستريمينگ سەرۆيستىڭ وزىندە ۆەب-سەريالدى 142 ميلليون ادام كورگەن. ءونىمدى ءتۇرلى پيراتتىق سايتتار مەن بەيرەسمي تەلەگرام كانالدار ارقىلى ؛ تاماشالاعاندار دا از ەمەس. الايدا ونىڭ ناقتى سانىن انىقتاۋ قيىن. سەريال ءقازىردىڭ وزىندە بارلىق دەرلىك رەكوردتاردى جاڭارتىپ ۇلگەرگەن. ؛ دەسە دە ونى الەۋمەتتىك جەلىلەردە قىزۋ تالقىلاپ, ءتۇرلى سىن ايتىپ جاتقاندار دا بارشىلىق. سوعان قاراماستان كوپ سەريالدى ءفيلمنىڭ جالعاسىن كۇتۋشىلەر كوپ. قامشى ءتىلشىسى ساراپشىلاردان سەريالدىڭ از ۋاقىت ىشىندە فەنومەنگە اينالۋ سەبەبىن سۇراپ كوردى.

فيلمنىڭ سيۋجەتى نە تۋرالى؟

فيلم سەناريسى حۆان دە حەك فيلم يدەياسى 2008 جىلى اناسى جانە اجەسىمەن بىرگە تۇرىپ, قاراجاتتان قىسىلعان شاقتا پايدا بولعانىن ايتادى.

سەناريي بويىنشا ومىردە قارىزعا بەلشەسىنەن باتقان 456 ادام ەشكىم بىلمەيتىن, جۇمباق ويىنعا قاتىسۋعا شاقىرتۋ الادى. ولار 38,5 ميلليون اقش دوللارىن ۇتىپ الۋ ءۇشىن ءوز ءومىرىن قاتەرگە تىگەدى. العاشىندا قاتىسۋشىلار ويىن قۇنى ومىرىنە پارا-پار ەكەنىن تۇسىنبەيدى. ءبىراق ەكىنشى رەت ولار ويىنعا قاتىسۋعا, ۇتىلسا ءولىمدى سول كۇيىندە قابىلدايتىنىنا كەلىسەدى. ويتكەنى قاتىسۋشىلار ول جەردەگى ويىنداردىڭ شىنايى ومىردەن ەش ايىرماسى جوعىن تۇسىنەدى. سەريالداعى باس كەيىپكەرلەردى لي چون چجە, پاك حە سۋ, حو ёن چجون, حو سون تە, كيم چجۋ رёن, انۋپام تريپاتي جانە لي يۋ مي سىندى اتاقتى اكتەرلەر سومدايدى.

فيلمنەن سوڭ نە وزگەردى؟

  • تەلەحيكايا كورەرمەنگە ۇسىنىلعان 10 كۇننىڭ ىشىندە الەمنىڭ 90 ەلىندە ەڭ كوپ قاراعان فيلمدەر قاتارىنا ەنگەن؛
  • فيلم از عانا ۋاقىت ىشىندە 110 ميلليوننان استام قارالىم جيناعان؛
  • 10 جىل ىشىندە netflix-كە دەيىن تۋىندىنى ەشكىم قارجىلاندىرۋعا نيەت بىلدىرمەگەن؛
  • كەيبىر كورەرمەندەر اۆاتارلارىنا سەريالداعى كەيىپكەرلەردى قويعان؛
  • تيكتوكەرلەر سەريالداعى ءبىرىنشى ويىندى قايتالاپ, 200 مىڭ ۆيدەو جۇكتەگەن؛
  • سەريالداعى كەيىپكەرلەردىڭ ءبىرى &ndash؛ مودەل حو ەن چوننىڭ instagram-داعى جازىلۋشى سانى 10 كۇندە 11 ميلليونعا جەتكەن؛
  • الەۋمەتتىك جەلى قولدانۋشىلارى سەريالداعى قانتتان جاسالعان ءتاتتىنى ۇيدە جاساپ, ودان ءۇشبۇرىش, دوڭگەلەك نەمەسە قولشاتىردىڭ فورماسىن شىعارىپ كورىپ جاتىر؛
  • سەريالدا كورسەتىلەتىن بايلانىس ءنومىرى ويدان شىعارىلماعان. كۇنىنە سول نومىرگە 4 مىڭ قوڭىراۋ كەلەتىن كورىنەدى. ءتىپتى, تانىمال بايلانىس ءنومىرىن مىڭداعان دوللارعا ساتىپ العىسى كەلەتىندەر دە تابىلعان.

 ؛ ؛بۇكىل الەمنىڭ ءدال وسى فيلمگە اۋزىن اشىپ, قاراپ وتىرۋى ؛&ndash؛ تاڭعالارلىق جاعداي

كينوتانۋشى دانا امىربەكوۆا فيلمگە ؛10/6 دەگەن باعا بەرىپ, ۆەب-سەريال سيۋجەتىنە قاتتى تاڭعالماعىنىن ايتتى.

qamshy

&ndash؛ ءدال وسى فيلمدە قوزعالاتىن الەۋمەتتىك ساتىلار, بۇگىنگى زاماندا قالىپتاسقان جۇيە, ءدال سول جۇيەنىڭ ادام ەركىندىگىنە تۇساۋ سالۋى جايلى فيلمدەر بۇعان دەيىن دە تۇسىرىلگەن بولاتىن. ولارعا امەريكالىق ەڭ اتاقتى "the hunger games" (گولودنىە يگرى), "يگرا نا ۆىجيۆانيە" فيلمدەرىن جاتقىزۋعا بولادى. ؛

فيلنىڭ نەگىزگى ەرەكشەلىگى ادامعا "ۇرەي, قورقىنىش" تۋدىراتىن سەزىمدەرمەن ءوز كورەرمەنىن جيناي الۋىندا. ويتكەنى كۇندەلىكتى ومىردە ادامداردا ونداي سەزىم كوپ كەزدەسە بەرمەيدى. ەكراننىڭ قۇدىرەتتى باسىڭىزدى قاتەرگە تىكپەي-اق, سول سەزىمدەردى سەزىنۋگە, ادرەنالين الۋعا مۇمكىندىك بەرەدى. ياعني, فيلم ارقىلى ءسىز بۇكىل ۇرەيدى سەزىنە الاسىز. سوندىقتان وسىنداي فيلمدەر كورەرمەن تاراپىنان قىزىعۋشىلىق تۋدىرادى.

"كالمار ويىنى" ۆەب-سەريالىنىڭ سيۋجەتى دراماتۋرگيالىق تۇرعىدا مەنى قاتتى ؛ تاڭعالدىرا المادى. فيلمدە وقيعا باستالماي جاتىپ ونىڭ نە جايلى بولاتىنىن, سوڭى قالاي اياقتالاتىنىن الدىن الا بىلە الاسىز. ويتكەنى ولاردىڭ ءبارى جاتتاندى شابلونداردان قۇرىلعان. جانە دە بۇكىل الەمنىڭ ءدال وسى فيلمگە اۋزىن اشىپ قاراپ وتىرۋى تاڭعالارلىق جاعداي. وزىمە سەريال تىم ۇزاق بولىپ كەتكەن سياقتى كورىندى. كەيبىر تۇستارىن قىسقارتىپ كورسەتسە دە بولاتىن ەدى, &ndash؛ دەيدى كينوتانۋشى.

مامان ۆەب-سەريالداعى تۇستەردىڭ ەرەكشەلىگى مەن مانىنە توقتالا كەتتى.

&ndash؛ فيلمدە اشىق, جارقىن, ەرەكشە تۇستەر بىردەن كوزگە تۇسەدى. امەريكالىق تۋىندىلاردا "كۇڭگىرت, قارا" تۇستەر كوپ كەزدەسەتىندىكتەن ول فيلمدەردىڭ "قانتوگىس پەن ۇرەيلى" ەكەنىن بىردەن بىلۋگە بولادى. ال "كالمار ويىنى" ۆەب-سەريالىندا بولاشاعىنان ءۇمىت كۇتپەيتىن ادامداردى كورسەتۋ ارقىلى شىنايى ءومىردى كورسەتە ءبىلدى. ؛ فيلمدەگى ويىنعا قاتىسۋشىلار ويىن ويناۋعا بارعاندا "اشىق, جارقىن" بالا-باقشادا پايدالانىلاتىن تۇستەر قولدانىلعانىن بايقاۋعا بولادى. ويىنشىلار ول جەرگە ؛ بارعان كەزدە دە ونداي جەردە قاتەرلى ويىن بولادى دەپ ويلامايدى.

كەيدە ءدال سولاي ومىردە "قاۋىپتە ەمەس" ؛ دەپ ويلاعان نارسە قيىنشىلىق تۋعىزۋى مۇمكىن. ءقازىر حالىققا نەشەتۇرلى نەسيەلەر بەرىلەدى. ەڭ باسىندا اقشا العاندا ادامدارعا ءبارى جاقسى بولىپ كورىنۋى مۇمكىن. سودان كەيىن اقشانى قايتارا الماي سونىڭ قازانىنا قايناپ, ەڭ سوڭىندا ءومىر قۇرتىلىپ, بىت-شىت بولىپ كەتكەنىن سەزبەي دە قالادى, &ndash؛ دەيدى دانا امىربەكوۆا.

كينوتانۋشىنىڭ سوزىنشە, ۆەب-سەريالداعى كەيىپكەرلەردىڭ كيگەن كيىمدەرىنەن-اق ولاردىڭ الەۋمەتتىك جاعدايىن بىردەن اڭعارۋعا بولادى.

&ndash؛ فيلمدەگى ؛ كەيىپكەرلەر جاۋاپكەرشىلىگى جوق ادامدار. مىسالى, ولاردىڭ ءبىرى ويىننىڭ جەتەگىندە كەتكەن, ەكىنشىسى ادامداردى الداۋ ارقىلى ءومىر سۇرسە, ۇشىنشىلەرى ادام ولتىرۋگە دەيىن بارعان. ولار ءوز ومىرلەرىن ءدال وسىنداي جاعدايعا وزدەرى جەتكىزگەن ؛ كەيىپكەرلەردەن قۇرالعان.

ۆەب-سەريالدا ويىنشىلارعا اقشا تىككەن, "ارىستان, بۇعى, جاپالاق, تۇلكىنىڭ" بەتپەردەسىن كيگەن ويىن ۇيىمداستىرۋشىلارىنا قاراپ ولاردىڭ كىم ەكەنىن شامامەن بولجاپ كورەيىك.

"ارىستان" بەتپەردەسىندەگى ادام ەڭ جوعارىداعى ءبارىن باسقارۋشى بولۋى مۇمكىن. سەبەبى ارىستان &ndash؛ اڭ پاتشاسى, سول ارقىلى ءبىز بىلە بەرمەيتىن كۇش-قۋاتقا يە.

"بۇعى" بەتپەردەسىنە قاراپ, جاسىرىلعان ادام مادەنيەت, ءدىن سالاسىنىڭ وكىلى بولۋى مۇمكىن دەپ بولجام جاسار ەدىم. سەبەبى "بۇعى" ورتا ازيا مەن كورەي مادەنيەتىندە رۋحاني دەڭگەيى جوعارى ادامنىڭ سيمۆولى. ءدىن, مادەنيەت سالاسىندا جۇرگەن ادامدار ادەمى سويلەپ, بەتى جىلتىر بولىپ كورىنگەنىمەن, كوپ نارسەنىڭ ارتىندا سولار تۇرۋى دا مۇمكىن. ؛

تاعى ءبىر بەتپەردە ول "جاپالاق". جاپالاق &ndash؛ وتە اقىلدى, ءبارىن بىلگىش ادامنىڭ سيمۆولى. جاپالاقتىڭ بەتپەردەسىندەگى ادام اقىلىمەن الەمدى بيلەپ وتىرعان, الەۋمەتتىك جەلىنى ويلاپ تاپقان ادام بولۋى دا مۇمكىن. ونداي ادامدار وزدەرى ويلاپ تاپقان نارسەلەر ارقىلى ادامداردىڭ ومىرىنە ىقپال ەتە الادى.

"تۇلكى" بەتپەردەسىن كيگەن ادامعا قاراپ وسى ويىندى ۇيىمداستىرۋشى ەكەنىن بىردەن بولجاۋعا بولادى. بۇل بەتپەردەنىڭ ەرەكشەلىگىنە قاراپ ونىڭ اۋقاتى مەن كۇش قۋاتىنىڭ وتە جوعارى ەكەن اڭعارامىز. تۇلكى ؛&ndash؛ قۋ, وتە ايلاكەر جانۋار. قۋلىعى ارقىلى كوپتەگەن جانۋارلاردى الداپ, ارباپ, ويىنداعىسىن جاساتىپ ءبارىن باسقارىپ وتىراتىن جانۋارلاردىڭ ءبىرى. سوندىقتان بەتپەردە كيگەن ويىن ۇيىمداستىرۋشىلارى قولىندا بيلىگى بار وسىنداي كۇشكە يە دەپ ايتار ەدىم, ؛&ndash؛ دەيدى ول.

 ؛فيلم كورەرمەنگە ماتەريالدىق قۇندىلىقتى جوعارى قوياعا ناسيحاتتايدى

پسيحولوگ ۇلمەكەن ساندىبەكقىزى "كالمار ويىنى" ءفيلمىن بالالارعا عانا ەمەس, ۇلكەندەرگە دە كورمەۋگە شاقىرادى.

qamshy

&ndash؛ قازىرگى ۋاقىتتا &ldquo؛كالمار ويىنى&rdquo؛ ءفيلمى وتە ۇلكەن تانىمالدىلىققا يە بولىپ, تالقىلانىپ جاتىر. بۇل ءفيلمدى تەك بالالارعا عانا ەمەس, ەرەسەكتەرگە دە كورمەۋگە شاقىرامىن. وعان سەبەپ, تەلەسەريال بالا كەزدەگى ويىنداردى ەسكە سالا وتىرىپ, ادامنىڭ پسيحولوگياسىنا كەرى اسەر ەتەدى. فيلم باستاپقىدا قىزىقتى بولعانىمەن, سانالى تۇردە ويعا سالىپ قاراعاندا كورەرمەنگە ماتەريالدىق قۇندىلىقتى جوعارى قويۋدى ناسيحاتتايدى. مىسالى, ويىن تابىستى جەڭىل جولمەن تابۋعا, ياعني &ldquo؛اۋىردىڭ ۇستىمەن, جەڭىلدىڭ استىمەن&rdquo؛ جۇرۋگە ۇيرەتەدى.

كوپشىلىك قاتەلىك جاساۋدى تراگەديا كورىپ جاتادى. سونىڭ ىشىندە بالالاردىڭ پسيحولوگياسى ءالى ءالسىز بولعاندىقتان وسى قاتەلىك جاساۋعا دەگەن قورقىنىشتىڭ سوڭى ومىرىنە ءقاۋىپ تۋدىرۋى مۇمكىن. فيلمدە قاتەلىك جاساعان ادامعا كەشىرىم بەرمەي, ولاردى ولتىرگەنىن كورگەن بالانىڭ پسيحولوگياسى "قاتىگەزدىك, جاۋىزدىق, ساتقىندىق, اگرەسسيا" سياقتى مىنەزدى بويىنا سىڭىرەدى. مىنەز-قۇلقىنا وزگەرىستەر الىپ كەلەدى. بالا پسيحولوگياسى گۋبكا ءتارىزدى سىڭىرگىش بولعاندىقتان ولاردا ءالى فيلتردەن وتكىزەتىن مۇمكىندىك جوق. ءفيلمدى بارلىق بالا كورىپ, سول تۋرالى ايتقاندىقتان ولار قىزىعۋشىلىقپەن كورۋى مۇمكىن. سول سەبەپتى ءاربىر اتا-انا بالاسىنىڭ پسيحولوگياسىنا تەرىس اسەر ەتەتىن فيلمدەردى كورسەتۋگە تىيىم سالۋى كەرەك دەگەن ويدامىن, ؛&ndash؛ دەيدى پسيحولوگ.

 ؛

مارحابات ءىلياس

الماتى وبلىسى رايىمبەك اۋدانى قىزىلشەكارا اۋىلىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىن, تۇركياداعى انكارا حادجى بايرام ۆەلي ۋنيۆەرسيتەتىن بىتىرگەن. 2017-2018 جىلدارى ەۋرازيا ءبىرىنشى ارناسىندا رەداكتور بولىپ ىستەگەن. 2018 جىلى qazaq times سايتىندا سمم مامان بولعان. 2021 جىلدان بەرى قامشى پورتالىندا قىزمەت اتقارادى.

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى
ىلمەك سوزدەر: كالمار ويىنى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر