دجەفف بەزوس "؛عارىشتىق بيزنەس-پارك"؛ جوسپارلارىن جاريالادى

"amazon" كومپانياسىنىڭ نەگىزىن قالاۋشى دجەفف بەزوسقا تيەسىلى "blue origin" عارىشتىق تۋريستىك كومپانياسى كوممەرسيالىق عارىش ستانسياسىن ۇشىرۋ جوسپارىن جاريالادى.

بەزوس دۇيسەنبىدە "وربيتالىق ريف" دەپ اتالاتىن ستانسيا ونجىلدىقتىڭ سوڭىنا دەيىن دايىن بولاتىنىنا ۇمىتتەنەتىنىن ايتتى.

كومپانيا شىعارعان جارناما ستانسيانىڭ عارىشتاعى "ارالاس ىسكەرلىك پارك" بولاتىنىن جانە 10 ادامعا دەيىن قابىلدايتىنىن ايتادى.

كومپانيا ونى سالۋ ءۇشىن "sierra space" جانە "boeing" كومپانيالارىمەن سەرىكتەس بولادى.

"blue ءorigin"-دىڭ 32 000 شارشى فۋت ستانسياسى تۇتىنۋشىلارعا "ميكروگراۆيتاسيادا فيلم ءتۇسىرۋ" نەمەسە "ەڭ وزىق زەرتتەۋلەر جۇرگىزۋ" ءۇشىن تاماشا ورىندى قامتاماسىز ەتەتىنىن ايتتى جانە ونىڭ قۇرامىنا "عارىش قوناق ءۇيى" دە كىرەتىنىن مالىمدەدى.

باسپاسوز ءماسليحاتىندا "blue origin" جانە "sierra space" باسشىلارى قۇرىلىس قۇنىن ايتۋدان باس تارتتى, دەگەنمەن جوباعا 1 ميلليارد دوللار جۇمساۋعا مىندەت العان بەزوس ۇلكەن قارجى بولەتىنىنە سەنىمدى سياقتى. ؛

حابارلاندىرۋ nasa 20 جىل بۇرىنعى حالىقارالىق عارىش ستانسياسىن (حعس) اۋىستىرۋ بويىنشا ۇسىنىستاردى ىزدەستىرۋ كەزىندە جاريالاندى. ستانسيانى 2030 جىلعا دەيىن ؛قارجىلاندىرۋعا كەپىلدىك بەرىلگەنىمەن, ؛ ول كوپتەگەن جوندەۋدى قاجەت ەتەدى.

رەسەي شەنەۋنىكتەرى وزەرىنىڭ عارىشكەرلەرى 2025 جىلعا قاراي ستانسيادان كەتۋى مۇمكىن ەكەنىن ەسكەرتكەن, سەبەبى ەسكىرگەن جابدىقتار اپاتتى وقيعالارعا سەبەپ بولۋى ىقتيمال.

جاۋاپ رەتىندە ناسا ەسكىرگەن جابدىقتاردى اۋىستىرۋعا كومەكتەسۋ ءۇشىن عارىش كومپانيالارىنا 400 ميلليون دوللار جەكە كەلىسىم-شارتتار بەرۋ جوسپارىن جاريالادى.

دەگەنمەن, قارجىلاندىرۋ ءۇشىن قاتاڭ باسەكە بولۋى مۇمكىن. وسى اپتانىڭ باسىندا "nanoracks", "voyager space" جانە "lockheed martin" سەرىكتەستىگى 2027 جىلعا قاراي عارىش ستانسياسىن تومەن وربيتاعا شىعارۋ تۋرالى ءوز جوسپارلارىن جاريالادى.