• usd 424.85

  • eur 504.21

  • rub 5.84

  • cny 65.86

05 جەلتوقسان, 05:48:11
+5°

فوتو: اشىق دەرەككوز

اقىن, ديسسيدەنت ارون اتابەك كومادان شىقتى. بۇل تۋرالى قوعام بەلسەندىسى, ساياساتكەر جاسارال قۋانىشالين ءوزىنىڭ ؛facebook پاراقشاسىندا حابارلادى.

قوعام بەلسەندىسى ؛ 15 مينۋت بۇرىن ؛ تەلەفون ارقىلى اروننىڭ قارىنداسى رازيامەن سويلەسكەنىن ايتتى.

&ndash؛ ارون ويانىپ, كومادان شىقتى. سويلەيدى. ءبىراق ءالى ءالسىز, سوندىقتان جاساندى دەم الۋ اپپاراتىنان ءازىر ايىرعان جوق. جانە ارون تاعى دا ۇيىقتاپ قالماۋى ءۇشىن دارىگەرلەر ونى جاساندى كوماعا كىرگىزبەيمىز, &ndash؛ دەگەن اروننىڭ قارىنداسى جاسارال قۋانىشالينگە.

بەلسەندى اروننىڭ جاعدايىندا, بۇل وتە جاقسى جاڭالىق ەكەنىن ؛ ايتىپ, قۋانىش ؛ ۇزاعىنان بولسىن دەگەن تىلەگىن ءبىلدىردى.

بۇعان دەيىن, ارون اتابەكتىڭ دەنساۋلىعى ناشارلاپ كوماعا تۇسكەنى, جەكە كلينيكادا جاتقانى حابارلانعان.

بيىل 1 قازاندا پاۆلودار سوتى 2006 جىلعى شاڭىراق وقيعاسىنان كەيىن 18 جىلعا سوتتالعان ارون اتابەكتىڭ قالعان جازا مەرزىمىن بوستاندىعىن شەكتەۋ جازاسىنا اۋىستىرىپ, اقىندى "دەنساۋلىق جاعدايىنا بايلانىستى" تۇرمەدەن شىعارعان.

5 قازان كۇنى بەلسەندىنىڭ جاعدايى كۇرت ناشارلاپ, اۋرۋحاناعا شۇعىل جەتكىزىلگەن. كەيىن اتابەكتىڭ اۋرۋحاناعا جاتۋدان باس تارتقانى بەلگىلى بولدى. ارتىنشا ول ۇيىندە جاساندى تىنىس الۋ اپپاراتىمەن دەمالىپ جاتقانى حابارلاندى.

10 قازان كۇنى ءبىر توپ بەلسەندى ارون اتابەك كىتابىنىڭ تۇساۋكەسەرىن وتكىزدى. ولار تۋىندىنى ارون اتابەكتىڭ بوستاندىققا شىعۋىنا وراي جاسالعان سىيلىق ەكەنىن ايتقان.

ارون اتابەك 15 جىلدان استام ۋاقىت تۇرمەدە وتىردى. ول 2006 جىلعى "شاڭىراق" وقيعاسىنان كەيىن 18 جىلعا سوتتالعان. سوت اتابەكتى "شاڭىراق" وقيعاسى كەزىندە قازا تاپقان پوليسيا قىزمەتكەرىنىڭ ولىمىنە ايىپتى دەپ تانىعان.

"قامشى" سىلتەيدى
ىلمەك سوزدەر: ارون اتابەك

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر