23 قازان, 2021 news
فوتو: شىمكەنت قالاسى اكىمىنىڭ ءباسپاسوز قىزمەتى
شىمكەنتتىڭ بىلىكتى دارىگەرلەرى 55 جاستاعى ءنۇريلا اسقاربەكقىزىن امان الىپ قالدى. ناۋقاستىڭ وكپەسىنىڭ
80 پايىزى زاقىمدالعانى انىقتالعان.
ول 9 قىركۇيەك كۇنى شىمكەنت قالالىق جۇقپالى اۋرۋلار ورتالىعىنا جەدەل جاردەم قىزمەتى ارقىلى كەلىپ
تۇسكەن بولاتىن. ناۋقاستىڭ جاعدايى اۋىر بولعاندىقتان, دارىگەرلەر ونى بىردەن جانساقتاۋ بولىمىنە
جاتقىزادى.
ناۋقاس كوروناۆيرۋس ينفەكسياسى مەن تىنىس جەتىسپەۋشىلىگىنىڭ سالدارىنان جاساندى تىنىس الۋ
اپپاراتىنا قوسىلادى. وعان قوسا ناۋقاستىڭ قانداعى وتتەگى مولشەرى شامالى كوتەرىلگەندىگى بايقالادى.
اۋرۋحانادا دارىگەرلەر وعان حاتتاما بويىنشا تولىق ەم كورسەتىپ, انتيكواگۋليانتتى جانە
انتيباكتەريلدىق تەراپيا بويىنشا كومەك كورسەتەدى.
قازىرگى كەزدە ناۋقاستىڭ جاعدايى جاقسى. دارىگەرلەر تىنىس الۋ جيىلىگى جاقسارعان, وزدىگىمەن تىنىس الۋدا
دەيدى.
بۇگىندە دەنساۋلىعى جاقسارعان ناۋقاس وتباسىمەن قاۋىشتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر