• usd 424.85

  • eur 504.21

  • rub 5.84

  • cny 65.86

05 جەلتوقسان, 05:54:32
الماتى
+5°

پاندەمياعا قاراماستان قازاقستاندىقتاردىڭ قارجىلاي تابىسى ارتىپ, 2021 جىلعى ءىى توقسان قورىتىندىسى بويىنشا 205 مىڭ تەڭگەگە جەتكەن. بۇل ؛&ndash؛ سايكەس كەزەڭمەن سالىستىرعاندا 12,6 پايىزعا جوعارى. الايدا قىمباتشىلىق سالدارىنان تاپقان تابىستى تۇتىنۋ تاۋارلارىنا جۇمساۋ كورسەتكىشى دە الدىڭعى جىلدارعا قاراعاندا ەداۋىر كوپ. جىلدىق ءوسىم 17,9 پايىزعا تەڭ. سايكەسىنشە, اقشانىڭ قۇنسىزدانۋى حالىق تۇرمىسىنىڭ تومەندەۋىنە اكەلىپ سوعۋدا. ؛2021 جىلعى ءىى توقسانداعى رەسمي ستاتيستيكاعا ساي, قازاقستان حالقىنىڭ 4,5 پايىزى (855 مىڭ ادام) كەدەي تۇرادى. الايدا كەدەيلىك دەڭگەيىن انىقتاۋدا قولدانىلاتىن قازاقستاندىق ءتاسىل كەدەيلىكتى تومەندەتىپ كورسەتۋگە مۇمكىندىك بەرەدى. كەدەيلىك شەگىن ولشەيتىن الەمدىك ستاندارتتار ەلدە 2 ميلليوننان استام ادام كەدەي تۇرمىس كەشەتىنىن كورسەتىپ وتىر.

كەدەيلىكتى انىقتاۋدىڭ بىرنەشە كونسەپسياسى بار. ەۋروپانىڭ دامىعان ەلدەرىندە سالىستىرمالى ءتاسىل قولدانىلادى. ول بويىنشا مەدياندىق تابىستىڭ (قىزمەتكەرلەردىڭ 50 پايىزىنان كوبى الاتىن ايلىق اقى) جارتىسى كەدەيشىلىك شەگىن قۇرايدى. ستاتيستيكا كوميتەتىنىڭ مالىمەتىنشە, قازاقستانداعى مەدياندىق جالاقى 142 مىڭ تەڭگە. وسىلايشا, ەۋروپالىق كونسەپسياعا ساي, ايلىق جالاقىسى 71 مىڭ تەڭگە دەيىنگى ازاماتتار كەدەيلەر قاتارىندا.

تمد ەلدەرىندە, سونىڭ ىشىندە قازاقستاندا ءابسوليۋتتى كونسەپسيا قولدانىلادى. بۇل ءتاسىل ەڭ مينيمالدىق قاجەتتىلىكتەرگە سۇيەنەدى. وعان ساي, تابىسى مينيمالدىق قاجەتتىلىكتەردىڭ قۇنىنان تومەن ادام كەدەي دەپ سانالادى.

قازاكستاندا ايىنا ەڭ تومەنگى كۇنكورىس دەڭگەيىنىڭ (40 725 تەڭگە) 70 پايىزىنان از تاباتىندار كەدەي بولىپ ەسەپتەلەدى. ياعني ايىنا 28 507 تەڭگەگە ءومىر سۇرەتىن ادام كەدەي تۇرادى. اتاۋلى الەۋمەتتىك كومەك تاعايىنداۋ بارىسىندا وسى كورسەتكىش باسشىلىققا الىنادى.

ال دۇنيەجۇزىلىك بانك ەسەبى بويىنشا قازاقستاندا كەدەيلەر سانى رەسمي دەرەكتەگىدەن الدەقايدا كوپ. دۇنيەجۇزىلىك بانك كۇنىنە 5,5 دوللاردان نەمەسە ايىنا 70 مىڭ تەڭگەدەن از تاباتىنداردىڭ ءبارىن كەدەي دەپ ەسەپتەيدى. قازاقستان ەكونوميكاسى تۋرالى 2021 جىلعى 8 قاڭتاردا جاريالانعان "داعدارىستان كەيىن قالىپقا كەلۋدىڭ ۇزاق جولى" اتتى باياندامادا قازاقستاندا كەدەيلىك دەڭگەيى 12-14 پايىزعا دەيىن جەتۋى مۇمكىن ەكەنى ايتىلادى.

ەگەر قازاقستان جوعارىدا اتالعان وزگە كونسەپسيالاردىڭ بىرىنە وتسە, وندا كەدەيلىك دەڭگەيى جوعارىلايدى دا, مەملەكەتكە اتاۋلى الەۋمەتتىك كومەك ءۇشىن بيۋدجەتتەن قوسىمشا قارجى بولۋگە تۋرا كەلەدى.

ەكونوميست ماقسات حالىق ەۋروپالىق ءتاسىل مەن دۇنيەجۇزىلىك بانك كونسەپسياسى شىنايى جاعدايدى كورسەتۋگە مەيلىنشە جاقىن ەكەنىن ايتادى.

 ؛

"قازاقستان دا وسى تاسىلدەرگە ءوتۋ كەرەك" دەگەن ول وسى فورمۋلا بويىنشا ەسەپتەگەندە قازاقستاندا ەڭ تومەنگى جالاقى 75 مىڭ تەڭگە, ودان تومەن ەڭبەكاقى الاتىندار كەدەيلىك شەگىندە بولۋى كەرەك دەپ سانايدى. الايدا مۇنداي ەسەپ بويىنشا قازاقستاندا كەدەيلىك شەگىندە تۇرمىس كەشىپ جاتقاندار سانى 2 ميلليوننان اسىپ كەتەدى.

 ؛

ساراپشى قازاقستان كەدەيلىكتى ەسەپتەۋدىڭ مۇنداي ءتاسىلىن الەمدىك رەيتينگتە جاقسى كورسەتكىشكە يە بولۋى ءۇشىن جاساپ وتىر دەگەن پىكىردە.

سونداي-اق ول كەدەيلىك شەگىن انىقتاۋدا ەڭ تومەنگى كۇنكورىس دەڭگەيىن نەگىز ەتىپ, سونىڭ 70 پايىزىن باسشىلىققا الۋ ەش قيسىنعا كەلمەيتىنىن, بۇدان دەرەۋ باس تارتۋ كەرەكتىگىن اتاپ ءوتتى.

&ndash؛ رەسەيدىڭ ءوزى الەمدىك تاجىريبەگە ءوتىپ, تومەنگى جالاقىنى مەدياندىق جالاقىنىڭ جارتىسىنا, كەدەيلىك شەگىن مەدياندىق جالاقىنىڭ 40 پايىزىنا تەڭەستىرىپ وتىر. ءبىز دە وسىعان ءوتىپ, ەڭ تومەنگى كۇنكورىس دەڭگەيىنىڭ نەگىزىندە شىعارىلاتىن تاسىلدەن باس تارتۋىمىز كەرەك, &ndash؛ دەيدى ول.

رەسەيدە تاياۋعا دەيىن ؛كەدەيلىك شەگى قازاقستاندىق تاسىلگە ۇقساس كونسەپسيامەن انىقتالىپ كەلگەن. الايدا ول جاقتا كەدەيلىك دەڭگەيى ەڭ تومەنگى كۇنكورىس دەڭگەيىنىڭ 100 پايىزىمەن پارا-پار بولعان.

مەلىس سەيداحمەتوۆ

الماتى وبلىسى كەربۇلاق اۋدانى قىزىلجار اۋىلىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتىن بىتىرگەن. 2015-2019 جىلدارى «پرەزيدەنت جانە حالىق» گازەتىندە ءتىلشى, شەف-رەداكتور بولىپ ىستەگەن. 2019 جىلدان بەرى قامشى پورتالىندا قىزمەت اتقارادى.

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر