• usd 468.56

  • eur 497.56

  • rub 7.3

  • cny 67.18

29 ناۋرىز, 17:11:58
الماتى
+35°

قوعام بەلسەندىسى ايگۇل ورىنبەك ادامدار وزىنە جۋرناليست ماقپال قاراتايعا الدانىپ قالدىق دەپ حابارلاسىپ جاتقانى تۋرالى ءمالىم ەتتى. سوزىنشە, جۋرناليست "تۇركيادان تاۋار الىپ بەرەمىن" دەپ 310 ادامدى الداعان. بۇل تۋرالى ول facebook ؛ پاراقشاسىندا جازدى.

&ndash؛ گەنيي, كوۋچ, پسيحولوگ ماقپال قاراتايقىزى! قازاق ايەلدەرىن ءومىردى سۇيۋگە, ميلليونەر بولۋعا, بيزنەس باستاۋعا ۇيرەتكەن وتە دۇرىس شىعار, ءبىراق ارام جولمەن ەمەس! ەلگە تانىمال ادام بولعان سوڭ, حالىقتى ۇلكەن ءىستى باستاۋعا شاقىرعان سوڭ پايداسىنان بۇرىن, شىعاتىن شىعىنىن اشىق ايتۋ كەرەك!

پاندەميانىڭ ارقاسىندا كوپتەگەن كاسىپ توقتاپ, ءوز كۇنىن ارەڭ كورىپ, قالاي اقشا تاۋىپ ءبىر تيىندى ەكى تيىن قىلسام دەپ وتىرعان حالىقتىڭ جۇيكەسىمەن ويناۋدى دوعارۋ كەرەك! ادامنىڭ جەكە باسىنا ءوتۋدى ۇناتپايتىن اداممىن, ءسىزدىڭ جەكە ومىرىڭىزدە شارۋام جوق! تەك وزىڭىزگە سەنىپ, قارىزعا اقشا الىپ, بانكتەردەن كرەديتكە كىرگەن ايەلدەردىڭ اقشاسىن قايتارىڭىز.

سىز ءۇشىن 350 مىڭ تەڭگە اقشا ەمەس شىعار, اۋىل ايماقتا بالا باعىپ وتىرعان ايەلدەرگە ول ۇلكەن اقشا! كۇيەۋىنە ايتۋعا قورقىپ, كرەديتىن تولەي الماي كۇيزەلىسكە ءتۇسىپ وزدەرىنە قول جۇمساسا, ادام ولىمىنە كىنالى بولام دەپ ويلامايسىز با؟ ءبىر ايدان بەرى جەكە پاراقشام شاعىمعا تولدى, وزدەرىڭ ميسىزسىڭدار دەپ قاراپ وتىرا بەرگىم كەلدى!

الداعى ۋاقىتتا تۇرىكتەردىڭ الدىندا ۇلتىمدى ونىڭ ىشىندە قازاق ەر ازاماتتارى ۇياتقا قالماسىن دەپ اشىق جازۋىما تۋرا كەلىپ وتىر! بايىسا قازاق بايىسىن قىزعانىپ وتىرعانىم جوق!

بايەرلىك جۇمىسقا قىزداردى اياماي شاقىرىپ جاتسىز, تۇرىكتەردىڭ ءبارى ورىس ءتىلىن, ءتىپتى قازاق ءتىلىن جاقسى مەڭگەرگەن. ولارعا ءدال ءقازىر بايەرلەردىڭ كەرەگى شامالى! تاۋار ساۋدالايمىز دەپ بارعان قىزدارىمىز, ەلگە قايتۋعا اقشالارى بولماي تاندەرىن ساۋدالاپ, قورلانىپ كەتپەيتىندىكتەرىنە 100 پايىز كەپىلدىك بەرەسىز بە؟

قازاقستاننىڭ وزىندە ءسىزدىڭ جىبەرگەن تاۋارلارىڭىزعا كوڭىلى تولماي, اقشالارىن قايتارۋدى سۇراپ جاتقاندار سانى 300 دەن اسادى. اقىماقتارعا اقىل ايتىپ, &ldquo؛ولاردى بايىتامىن&rdquo؛ دەپ قازاق ايەلدەرىن كرەديتكە تىعىپ حالىققا پايداڭىز بۇلاي تيمەي اق قويعانى دۇرىس ماقپال حانىم!

بىر ادام بولسا مەيلى, شاعىم ايتىپ جىلاپ وتىرعاندار سانى وتە كوپ! حالىققا پايداڭ تيمەسە دە, زيانىڭ تيمەسىن! بۇل جازبامدى ءجاي ەسكەرتۋ دەپ قابىلداڭىز! ءۇش ءجۇز ايەلدىڭ بەسەۋى ۇستىڭىزگە ارىز تۇسىرسە, الاياقتىق بابى بويىنشا قىلمىستىق ءىس اشىلادى!, - دەپ جازدى ايگۇل ورىنبەك.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر