• usd 424.85

  • eur 504.21

  • rub 5.84

  • cny 65.86

05 جەلتوقسان, 04:59:04
الماتى
+5°

قازاقستاندا قازان ايىنان باستاپ پروبلەمالىق بەرەشەكتى سوتقا دەيىن رەتتەۋدىڭ جاڭا تەتىگى ىسكە قوسىلدى. بۇل تۋرالى قارجى نارىعىن رەتتەۋ جانە دامىتۋ اگەنتتىگى حابارلادى.

"1 قازاننان باستاپ بانكتەر جانە بانك قىزمەتى, سونداي-اق ميكروقارجىلىق قىزمەت تۋرالى زاڭدارعا بانكتەر مەن ميكروقارجى ۇيىمدارىنىڭ (مقۇ) قارىز الۋشىنىڭ پروبلەمالىق بەرەشەگىن ءبىرىڭعاي قۇقىقتىق رەتتەۋ رەجيمىن ەنگىزۋ بولىگىندەگى تۇزەتۋلەر كۇشىنە ەندى. ەندى مەرزىمى وتكەن بەرەشەگى بار قارىز الۋشى-جەكە تۇلعالار ءوز كرەديتتەرىن نەمەسە ميكروقارىزدارىن قايتا قۇرىلىمداۋ ماسەلەلەرىن قۇقىقتىق شەڭبەردە ازاماتتاردىڭ وتىنىشتەرىن قاراۋعا مىندەتتەلگەن كرەديتورلارمەن تىكەلەي شەشە الادى" دەلىنگەن اگەنتتىك حابارلاماسىندا.

قارىز الۋشىلار, ءوز كەزەگىندە, مەرزىمى وتكەن كۇننەن باستاپ ؛30 كۇن ؛ىشىندە قارىزداردى قايتا قۇرىلىمداۋ ءۇشىن كرەديتتىك ۇيىمعا ؛جازباشا وتىنىشپەن ؛نەمەسە كرەديتتىك شارتتا كورسەتىلگەن ؛باسقا تاسىلمەن ؛جۇگىنۋى كەرەك. وتىنىشتە مەرزىمىن وتكىزىپ الۋدىڭ ؛نەمەن بايلانىستى ؛بولعانىن كورسەتۋ, ىقتيمال قايتا قۇرىلىمداۋدىڭ ءوز نۇسقالارىن ۇسىنۋ جانە كىرىستەردىڭ تومەندەگەنىن جانە ءوز مىندەتتەمەلەرى بويىنشا تولەم جاساۋدىڭ مۇمكىن ەمەستىگىن كۋالاندىراتىن ؛راستايتىن قۇجاتتاردى ؛ۇسىنۋى قاجەت.

اگەنتتىكتىڭ حابارلاۋىنشا, قارىز الۋشىنىڭ ءوتىنىشى مىندەتتى تۇردە قابىلدانۋعا, تىركەلۋگە, ەسەپكە الىنۋعا جانە بانك پەن مقۇ تاراپىنان قارالۋعا ءتيىس. تولىق ەمەس مالىمەتتەر ۇسىنىلعان كەزدە قارىز الۋشى ولاردى قارجى ۇيىمىنان حابارلاما العان كۇننەن باستاپ 5 جۇمىس كۇنى ىشىندە ۇسىنادى.

كرەديتور قارىز الۋشىدان قۇجاتتاردىڭ تولىق پاكەتىن العاننان كەيىن ءوتىنىشتى قارايدى, بۇل رەتتە قارىز الۋشىنىڭ قارجىلىق جاعدايى (تولەم جاساۋعا قابىلەتتىلىگى), الەۋمەتتىك جاعدايى, كەپىلگە سالىنعان باسپانانىڭ جالعىز بولۋى, قارىز بويىنشا مىندەتتەمەلەردى ادال ورىنداۋ سياقتى فاكتورلاردى ەسكەرەدى.

كرەديتور ءوزىنىڭ جاۋابىن كۇنتىزبەلىك 15 كۇن ىشىندە ۇسىنۋى كەرەك. ۇسىنىستاردىڭ تومەندەگىدەي نۇسقالارى بار.

  • قارىز الۋشى ۇسىنعان بانكتىك قارىز/ميكروكرەديت شارتىنىڭ تالاپتارىنا وزگەرىستەردى قابىلداي وتىرىپ, كەلىسەدى؛ ؛
  • بانكتىك قارىز/ميكروكرەديت شارتىنىڭ تالاپتارىن وزگەرتۋ جونىندەگى ءوز ۇسىنىستارىن جولدايدى؛ ؛
  • سەبەپتەردىڭ دالەلدى نەگىزدەمەسىن كورسەتە وتىرىپ, باس تارتا الادى.

قارىز الۋشى نەمەسە كرەديتور ۇسىنعان قايتا قۇرىلىمداۋ تالاپتارى تومەندەگىدەي تۇردە بولۋى مۇمكىن: ؛سىياقى مولشەرلەمەسىن تومەندەتۋ, تولەمدى كەيىنگە قالدىرۋ, وتەۋ ءادىسىن وزگەرتۋ, قارىز مەرزىمىن ۇلعايتۋ, بورىش جۇكتەمەسىن ازايتۋ (مەرزىمى وتكەن نەگىزگى بورىش, سىياقى, ايىپاقى جانە تولەمدەر مەن كوميسسيالاردىڭ وزگە دە تۇرلەرى), يپوتەكانىڭ ءمانى بولىپ تابىلاتىن جىلجىمايتىن مۇلىكتى دەربەس وتكىزۋ نەمەسە كەپىل مۇلكىن كرەديتورعا بەرۋ, ساتىپ الۋشىعا مىندەتتەمەنى بەرە وتىرىپ, جىلجىمايتىن مۇلىكتى وتكىزۋ ارقىلى باس تارتۋ تولەمىن بەرۋ.

شارتتىڭ تالاپتارىنا وزگەرىستەر ەنگىزۋ بانك وسىنداي شەشىم قابىلداعان كۇننەن باستاپ كۇنتىزبەلىك 15 كۇن ىشىندە جۇزەگە اسىرىلادى.

"قامشى" سىلتەيدى
ىلمەك سوزدەر: كرەديت قارىز الۋشى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر