• usd 424.85

  • eur 504.21

  • rub 5.84

  • cny 65.86

05 جەلتوقسان, 04:45:31
الماتى
+5°
بۇگىن اقش ۇكىمەتى اقش حالىقارالىق دامۋ جونىندەگى اگەنتتىگى (usaid) ارقىلى قازاقستانعا covid-19 ىندەتىنە قارسى كۇرەسكە كومەك كورسەتۋ ماقساتىمەن 2,4 ميلليون اقش دوللارىن ءبولۋ تۋرالى جاريالادى, دەپ حابارلادى قازاقستانداعى اقش ەلشىلىگىنىڭ رەسمي سايتى.

اقپاراتتىق حابارلامادا اتالعان كومەك ناقتى دەرەكتەر نەگىزىندە ۆاكسينالاردى ەنگىزۋ بويىنشا شەشىمدەر قابىلداۋعا, ۆاكسينالار تۋرالى جالعان اقپاراتقا دەن قويۋ بويىنشا جەرگىلىكتى الەۋەتتى دامىتۋعا, covid-19 ناقتىلاۋدى جۇزەگە اسىرۋ ءۇشىن زەرتحانالىق جۇيەلەردى جەتىلدىرۋگە, سونداي-اق, قازاقستاننىڭ ۆاكسينالاردى پايدالانۋعا دايىندىعىن ارتتىرۋعا جانە ولاردى جەتكىزۋ پروسەدۋرالارىن جەتىلدىرۋگە ىقپال ەتەتىن بولاتىنى ايتىلادى.

"بۇل كومەك پاندەميا باستالعاننان بەرى covid-19 ىندەتىنە قارسى كۇرەس باعدارلاماسى شەڭبەرىندە قازاقستانعا جىبەرىلگەن 6,8 ميلليون اقش دوللارىنان استام مولشەردەگى قارجىلاندىرۋدى تولىقتىراتىن بولادى. بۇگىنگى تاڭدا usaid 5000 استام مەديسينا قىزمەتكەرىنە covid-19 ىندەتىنە بايلانىستى تاقىرىپتار بويىنشا, سونىڭ ىشىندە اۋرۋدىڭ الدىن-الۋ جانە باقىلاۋ, سونىمەن قاتار بيولوگيالىق قاۋىپسىزدىكتى قامتاماسىز ەتۋ پرينسيپتەرى بويىنشا وقىتۋدى ۇيىمداستىردى. ءوز قىزمەتىندە usaid حالىقتىڭ حاباردارلىعىن ارتتىرۋ جانە جالعان اقپاراتپەن كۇرەسۋ ءۇشىن بەلسەندى توپتاردى جۇمىلدىرۋ ارقىلى 8,2 ميلليوننان استام ادامدى قامتىدى" دەلىنگەن اقپاراتتىق حابارلامادا.

ەكى ونجىلدىقتان استام ۋاقىت بارىسىندا اقش قازاقستانعا 2 ميلليارد دوللار, سونىڭ ىشىندە تۋبەركۋلەز بەن ايتۆ/جيتس الدىن الۋ جانە ەمدەۋ سياقتى سالالارداعى دەنساۋلىق ساقتاۋ باعدارلامالارىن قولداۋعا 92,8 ميلليون دوللاردان استام قاراجات بولگەن.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر