سۋرەتتى تۇسىرگەن ج.قۇسپانوۆ
بۇگىن ءماجىلىس سپيكەرى نۇرلان ءنىعماتۋليننىڭ توراعالىعىمەن وتكەن جالپى وتىرىستا دەپۋتاتتار ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ ماسەلەلەرىنە قاتىستى زاڭ جوباسىن ءبىرىنشى وقىلىمدا ماقۇلدادى.
بۇل زاڭ جوباسىنىڭ نەگىزگى ماقساتى - جالپى ىشكى ءونىمنىڭ ەنەرگيا سىيىمدىلىعىن تومەندەتۋ بويىنشا ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىنداعى جۇرگىزىلەتىن ساياساتتىڭ تۇپكى ناتيجەسىنە قول جەتكىزۋ.
ماجىلىس ءتوراعاسى نۇرلان نىعماتۋلين زاڭ جوباسى سۋ پايدالانۋدى باقىلاۋ جۇيەسىن قاراستىرۋى ءتيىس ەكەنىن اتاپ ءوتىپ, جۇمىس توبىنا ەكىنشى وقىلىمعا دەيىن ازىرلەۋشىلەرمەن بىرلەسىپ وسى ماسەلەنى پىسىقتاۋ قاجەتتىگىن ايتتى.
نۇرلان ءنىعماتۋليننىڭ پىكىرىنشە, يندۋستريا جانە ينفراقۇرىلىمدىق دامۋ مينيسترلىگى زاڭ جوباسىنان ءتيىستى نورمالاردى الىپ تاستاۋ ۇسىنىسى ونەركاسىپتىك كاسىپورىنداردىڭ, كوممەرسيالىق جانە بيۋدجەتتىك ۇيىمداردىڭ سۋدى قالاي پايدالاناتىنىن باقىلاۋعا مۇمكىندىك بەرمەيدى.
سوندىقتان نۇرلان نىعماتۋلين ؛ دەپۋتاتتاردىڭ قولدانىستاعى سۋ تۇتىنۋدى باقىلاۋ جۇيەسىن ساقتاۋ قاجەتتىلىگى تۋرالى تۇزەتۋلەرىن قولداۋ كەرەكتىگىن اتاپ ءوتتى.
جالپى, زاڭ جوباسىمەن ەكسپرەسس-ەنەرگواۋديت جانە ماقساتتى ەنەرگواۋديت ەنگىزىلەدى. نىسانعا بارماي الدىن الۋ باقىلاۋ ءتارتىبى بەكىتىلەدى. سونىمەن قاتار, ؛وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارىنىڭ قۇزىرەتى ەنەرگيا ۇنەمدەۋ جونىندەگى جول كارتالارىن ازىرلەۋ جانە بەكىتۋ جونىندەگى نورمامەن تولىقتىرىلادى.
؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر