• usd 424.85

  • eur 504.21

  • rub 5.84

  • cny 65.86

18 قازان, 11:24:43
الماتى
+11°

ماجىلىس ءnوراعاسى نۇرلان نىعماتۋلين سلوۆاكيا رەسپۋبليكاسىنىڭ cىرتقى جانە ەۋروپالىق ىستەر ءمينيسترى يۆان كورچوكپەن كەزدەسىپ, ەكى ەل اراسىنداعى ىنتىماقتاستىقتىڭ نەگىزگى باسىمدىقتارىن تالقىلادى.

كەزدەسۋ بارىسىندا نۇرلان نىعماتۋلين سلوۆاكيا قازاقستان ءۇشىن ماڭىزدى سەرىكتەس ەل ەكەنىن, ەكى ەل اراسىنداعى ديپلوماتيالىق قارىم-قاتىناستاردىڭ ورناعان جىلدار ىشىندە ەلدەر اراسىندا سەنىمدى ساياسي ديالوگ جولعا قويىلىپ, ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى دامىتۋ ءۇشىن قولايلى جاعدايلار جاسالعانىن اتاپ ءوتتى.

نۇرلان نىعماتۋلين مارتەبەلى مەيمانعا كەزدەسۋلەر بارىسىندا قول جەتكىزىلگەن بارلىق كەلىسىمدەردى ىسكە اسىرۋ قازاقستان مەن سلوۆاكيا اراسىنداعى جەمىستى ىنتىماقتاستىقتى ودان ءارى دامىتۋعا ىقپال ەتەتىنىن جەتكىزدى.

سونىمەن قاتار, وتىرىستا ءماجىلىس ءتوراعاسى پارلامەنت ءماجىلىسىنىڭ زاڭ شىعارۋشىلىق جۇمىسى تۋرالى ايتىپ, مەملەكەت باسشىسى قاسىم-جومارت توقاەۆ باستاماشى بولعان ساياسي جۇيەنى جاڭعىرتۋ ۇدەرىستەرىن قولداۋ, ازاماتتىق قوعامدى دامىتۋ ءۇشىن زاڭنامالىق بازا قۇرۋ جونىندەگى جۇمىستارعا توقتالدى.

نۇرلان نىعماتۋلين اتاپ وتكەندەي, بۇگىندە ەكى ەلدىڭ پارلامەنت وكىلدەرى ەۋروپاداعى قاۋىپسىزدىك جانە ىنتىماقتاستىق ۇيىمى پارلامەنتتىك اسسامبلەيالارى, ەۋروپا كەڭەسى, پارلامەنتارالىق وداق سياقتى پارلامەنتارالىق ۇيىمدار اياسىندا ءوزارا ءىس-قيمىل جاساۋدا.

وز كەزەگىندە, يۆان كورچوك قازاقستان مەن سلوۆاكيا اراسىنداعى بايلانىس, ونىڭ ىشىندە پارلامەنتارالىق قارىم-قاتىناستى نىعايتۋعا نيەتتى ەكەنىن ايتتى. سونىمەن قاتار, سلوۆاكيا رەسپۋبليكاسىنىڭ سىرتقى ىستەر ءمينيسترى قازاقستان تاۋەلسىزدىگىنىڭ 30 جىلدىعىمەن قۇتتىقتاپ, قازاقستان ورتا ازيا بويىنشا جاڭعىرۋ, ادام قۇقىعى, ازاماتتىق قوعام جاعىنان كوش باستاپ كەلە جاتقانىن اتاپ ءوتتى.

نۇرلان نىعماتۋلين مەن يۆان كورچوك پارلامەنتارالىق ديالوگتى نىعايتۋ قازاقستان مەن سلوۆاكيا اراسىنداعى ءوزارا ءتيىمدى ىنتىماقتاستىقتى دامىتۋعا ىقپال ەتەتىنىنە سەنىم ءبىلدىردى.

ماجىلىستىڭ ءباسپاسوز قىزمەتى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر