• usd 424.85

  • eur 504.21

  • rub 5.84

  • cny 65.86

24 قازان, 17:28:10
الماتى
+10°

بۇگىن پارلامەنت ماجىلىسىندەگى ۇكىمەت ساعاتىندا دەنساۋلىق ساقتاۋ ءمينيسترى الەكسەي سوي بيىل ەلدە ءبىرقاتار ءقاۋىپتى اۋرۋلار تىركەلمەگەنىن حابارلادى.

&ndash؛ 2021 جىلعى 8 ايدا وبا, تىرىسقاق, ءىش سۇزەگى, پاراتيف, تۋليارەميا, ديفتەريا, قىزامىق, پوليوميەليت, سىرەسپە اۋرۋلارى تىركەلگەن جوق. 2020 جىلدىڭ وسىنداي كەزەڭىمەن سالىستىرعاندا, 23 نوزولوگيا بويىنشا سىرقاتتانۋشىلىقتىڭ, ونىڭ ىشىندە ءجىتى ۆيرۋستىق گەپاتيتتەرمەن 3 ەسە, مەنينگوكوكك ينفەكسياسىمەن 2,6 ەسەگە تومەندەۋى بايقالدى. بيىل قىزىلشامەن سىرقاتتانۋشىلىق ءبىرلى-جارىم جاعدايعا دەيىن تومەندەدى, ؛&ndash؛ دەدى ا. سوي.

قازاقستان رەسپۋبليكاسىنىڭ اۋماعىندا اسا ءقاۋىپتى ينفەكسيالاردىڭ تابيعي وشاقتارى: وبا, تۋليارەميا, ءسىبىر جاراسىنىڭ, كونگو-قىرىم گەمورراگيالىق قىزباسىنىڭ, بۇيرەك سيندرومى بار گەمورراگيالىق قىزبانىڭ جانە باسقالاردىڭ توپىراقتاعى وشاقتارى بار.

&ndash؛ وبانىڭ تابيعي وشاقتارى رەسپۋبليكا اۋماعىنىڭ 39%-ىن الىپ جاتىر. وباعا قارسى قىزمەت جىل سايىن ەپيزووتولوگيالىق مونيتورينگ جۇرگىزەدى جانە تابيعي وشاقتاردىڭ بەلسەندىلىگى انىقتالاتىن اۋماقتاردا پروفيلاكتيكالىق ءىس-شارالار, ونىڭ ىشىندە ۆاكسيناسيا جۇرگىزىلەدى, &ndash؛ دەدى دەنساۋلىق ساقتاۋ ءمينيسترى.

مينيستر سوڭعى 3 جىلدا كونگو-قىرىم گەمورراگيالىق قىزباسىمەن سىرقاتتانۋ ءبىر دەڭگەيدە ساقتالاتىنىن ەسكە سالدى. جىلدىڭ وتكەن كەزەڭىندە اۋرۋدىڭ 18 راستالعان جاعدايى انىقتالعان. جىل سايىن حالىق اراسىندا ءسىبىر جاراسىنىڭ كەزدەيسوق جاعدايلارى تىركەلەدى. 2021 جىلدىڭ وتكەن كەزەڭىندە 6 وبلىستىڭ تۇرعىندارى اراسىندا ءسىبىر جاراسىنىڭ 17 جاعدايى تىركەلگەن.

"قامشى" سىلتەيدى
ىلمەك سوزدەر: الەكسەي سوي

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر