فوتو: اشىق دەرەككوز
"نوبەل سىيلىعى مەنىكى ەمەس, ول ومىردەن وزعان رەسەيلىك جۋرناليستەردىكى". ويىن وسىلاي جەتكىزگەن رەسەيلىك جۋرناليست دميتريي مۋراتوۆ نوبەل بەيبىتشىلىك سىيلىعىن قىزمەت بارىسىندا قازا تاپقان رەسەيلىك جۋرناليستەرگە ارنايتىنىن ايتتى.
فيليپپيندىك جۋرناليست ماريا رەسامەن بىرگە ماراپاتتالعان دميتريي مۋراتوۆ ماسكەۋدىڭ ءباسپاسوز بوستاندىعىن شەكتەيتىن زاڭناماسىن سىنعا الىپ, رەسەيدەگى تاۋەلسىز باق جاعدايىن "وتە قيىن جانە كۇردەلى" دەپ سيپاتتايدى.
رەسەيدە سوڭعى بىرنەشە اي ىشىندە ونداعان جۋرناليست پەن بۇقارالىق اقپارات قۇرالى قىسىمعا ۇشىراپ, "شەتەل اگەنتى" نەمەسە "قاجەتسىز ۇيىم" رەتىندە ۇكىمەتتىڭ قارا تىزىمىنە ەنگەن. ؛
دميتريي مۋراتوۆ رەسەيدەگى جۋرناليستيكانىڭ جاعدايى قيىنداعانىن, سەنزۋرالىق رەپرەسسياعا ۇشىراۋ جيىلەگەنىن ايتادى. ؛ول ماسكەۋدىڭ ءباسپاسوز بوستاندىعىن شەكتەيتىن زاڭناما ارقىلى كاسىبي جۋرناليستەردى ەلدەن كەتۋگە ماجبۇرلەۋىن "كاسىبي تۇرعىدا تراگەديا" دەپ اتادى.
جۋرناليست نوبەل سىيلىعىنان الاتىن 1 ميلليون دوللارلىق سىياقىسىنىڭ ءبىر بولىگىن تاۋەلسىز جۋرناليستەرگە قولداۋ كورسەتۋگە جۇمساۋ تۋرالى جوسپارى بار ەكەنىن جەتكىزدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر