• usd 424.85

  • eur 504.21

  • rub 5.84

  • cny 65.86

24 قازان, 17:54:39
الماتى
+10°

10 قازان كۇنى ءبىر توپ بەلسەندى اقىن, ديسسيدەنت, شاڭىراق وقيعاسى بويىنشا 18 جىلعا سوتتالىپ, جاقىندا عانا شارتتى جازامەن بوستاندىققا شىققان ارون اتابەك كىتابىنىڭ تۇساۋكەسەرىن وتكىزدى.

بەلسەندىلەر كىتاپ ارون اتابەكتىڭ بوستاندىققا شىعۋىنا وراي جاسالعان سىيلىق ەكەنىن ايتادى. قۇراستىرۋشىلار تۋىندىعا "بۇلىكشى-اقىن, قازاق سامۋرايى" (كىتاپتىڭ ءتۇپنۇسقا اتى "پوەت-بۋنتار, كازاحسكيي سامۋراي!" - رەد) دەگەن اتاۋ بەرگەن. ەڭبەك اقىننىڭ ءار جىلدارى جازىلىپ, aronatabek.com سايتىندا جاريالانعان شىعارمالاردان تۇرادى. كىتاپ مۇقاباسى جۇمساق قاعازدان جاسالعان. ازىرگە 500 دانامەن تارالىپ وتىر. كىتاپ "اتاجۇرت" قوزعالىسىنىڭ قارجىلاي قولداۋىمەن شىققان.

 ؛فوتو:qamshy.kz

تۇساۋكەسەر راسىمىندە ءسوز العان قۇراستىرۋشىلاردىڭ ءبىرى, بەلسەندى, جۋرناليست, وپپوزيسيالىق ساياساتكەر جاسارال قۋانىشالين "كىتاپ شىعارۋ يدەياسى 2 جىل بۇرىن تۋدى, بيلىك ارون اتابەكتى اياق-استىنان امالسىزدان بوساتقاندىقتان, كىتاپتى شۇعىل شىعارۋعا تۋرا كەلدى" دەيدى.

 ؛

سونداي-اق ول اقىننىڭ ۇيىنە ورالعانى قۋانعانىشتى جاعداي بولعانىمەن, قوعام, جاقتاستارى, باستىسى ارون اتابەكتىڭ ءوزى تولىق اقتالعانىن تالاپ ەتەتىنىن, ازىرگە بيلىك بۇعان قۇلاق اسپاي وتىرعانىن جەتكىزدى. ارون اتابەك دەنساۋلىعىن تۇزەگەن سوڭ ءوزىن كىناسىز دەپ تاۋىپ, ماتاريالدىق وتەماقى تولەتۋ ءۇشىن كۇرەس جولىن جالعاستىراتىنىن ءمالىم ەتتى.

 ؛

ىس-شارا بارىسىندا شاڭىراق وقيعاسىنان كەيىنگى تەرگەۋدىڭ قالاي جۇرگەنى, ارون اتابەكتىڭ قازىرگى دەنساۋلىق جاعدايى مەن ونى ەمدەۋ تۋرالى كوبىرەك ايتىلدى.

فوتو:qamshy.kz

قوعامدىق باقىلاۋشى رەتىندە شاڭىراق وقيعاسىنان كەيىنگى سوت ىستەرىنىڭ بەل ورتاسىندا بولعان جاسارال قۋانىشالين "شاڭىراق ءىسى" ساياسي ءىس بولدى, شەشىم ساياسي تاپسىرىس بويىنشا شىقتى" دەپ سانايدى.

ايتۋىنشا, 9 ايعا جالعاسقان سوت پروسەسى كەزىندە كىنالى دەپ تانىلىپ, "پوليسەيدى ورتەپ ءولتىردى" دەگەن ايىپ بويىنشا 14 جىلدان 18 جىلعا دەيىن باس بوستاندىعىنان ايىرىلعان 4 ازاماتتىڭ كىنالى ەكەنىن دالەلدەيتىن فوتو نە ۆيدەو ايعاق جوق. (ارون اتابەك 2007 جىلعى مامىر-ماۋسىمدا تەرگەۋ يزولياتورىندا وتىرىپ جازعان ماقالاسىندا "سوت پروسەسى كەزىندە 5 اي بويى كۇدىكتى 25 ادامنىڭ تىم قۇرىعاندا بىرەۋى كىنالى ەكەنى دالەلدەيتىن بىردە-بىر بۇلتارتپاس دالەل تابىلمادى" دەپ جازادى. ماقالا جاڭا كىتاپقا ەنگەن.)

&ndash؛ قاقتىعىس كەزىندە ىشكى ىستەر ورگاندارى, ۇلتتىق قاۋىپسىزدىك كوميتەتى قىزمەتكەرلەرى تۇسىرگەن كوپتەگەن ۆيدەولاردىڭ بىردە-بىرىندە پوليسەيدىڭ ورتەنگەن ۆيدەوسى جوق. سوت اعايىندى كۋالەردىڭ جالعان كۋالىك ەتۋىن نەگىز ەتىپ, شەشىم شىعاردى, &ndash؛ دەيدى ول.

وپپوزيسيالىق ساياساتكەردىڭ سوزىنشە, سوت پروسەسى اياقتالعان سوڭ 2007 جىلى ارونعا قارسى كۋا بولعان اعايىندى ايباتىر, باۋىرجان يبراگيموۆتەر پرەسس-كونفەرەنسيا وتكىزىپ, تەرگەۋ كەزىندە وزدەرىن ازاپتاعانىن ايتىپ, جالعان كۋالىك ەتۋگە ءماجبۇر بولعانىن ءمالىم ەتكەن.

 ؛

&ndash؛ ولار باسىندا قىسىممەن جالعان كۋالىك ەتۋگە ءماجبۇر بولعان. الايدا ارى مازا بەرمەگەنگە ۇقسايدى. اقىرى شىندىقتى جايىپ سالدى. ءتىپتى كۋا بولعان بىرەۋى كەيىن ءىشىپ كەتكەنىن ەستىدىك, &ndash؛ دەگەن جاسارال قۋانىشالين زاڭ جۇمىس ىستەيتىن قوعامدا كۋالەر ءوزىنىڭ ايتقانىن تەرىستەيتىن بولسا, ءىس قايتا قارالاتىنىن ايتادى.

 ؛

بىراق ولاردىڭ شىعىمى بويىنشا ءىستى قايتا قاراۋ تۋرالى جوعارعى سوتقا تۇسىرىلگەن ارىز قارالماي, الماتى قالاسى سوتىنىڭ شەشىمى كۇشىندە قالعان.

"وسى كەزدە سوت ساياسي تاپسىرىستى ورىنداعانى انىق بولدى" دەيدى ساياساتكەر. ؛

فوتو:qamshy.kz

شاڭىراق وقيعاسىنان كەيىن بيلىك "جەر تەلىمدەرىن زاڭسىز باسىپ الدى" دەگەن ازاماتتاردىڭ جەرىن زاڭداستىرۋمەن اينالىسقان زاڭگەر, ادۆوكات شىنبولات بايجانوۆ تا اروننىڭ كىنالىلىگىن دالەلدەيتىن تىكەلەي دالەل جوق, ال تىكەلەي دالەلسىز ادامدى سوتتاۋعا بولمايتىنىن ءمالىم ەتتى.

ونىڭ ايتۋىنشا, قىلمىستىق ىستە "پوليسەيدى ارون ورتەدى" دەگەن ءسوز جوق. سوت شەشىم شىعاراردا تەك كۋالەردىڭ ايتۋىنا عانا سۇيەنگەن.

سونداي-اق شىنبولات بايجانوۆ ارون اتابەك شاڭىراق وقيعاسى كەزىندە كەرىسىنشە بيلىكتى ديالوگقا كەلۋگە شاقىرعانىن ايتىپ, "ارون بولماسا, شاڭىراقتاعى ۇيلەردى ءسۇرىپ تاستايتىن ەدى" دەيدى.

&ndash؛ ارون بيلىك پەن حالىق اراسىندا كوپىر قۇرۋعا تىرىسىپ, "شاڭىراقتىقتار اۋىلدان كەلگەن جاعدايى جوق قازاقتار عوي, ۇيلەرىن سۇرسەڭدەر, ولار قاڭعىرىپ كەتەدى" دەپ اكىمشىلىكتەگىلەردى كوندىرۋگە بارىن سالدى. شىنىندا دا ول جەردە حالىقتىڭ ەش كىناسى جوق ەدى. ولار جەردى جەتىسۋ اۋداندىق جەر قاتىناستارى بولىمىنەن ساتىپ العان, &ndash؛ دەيدى زاڭگەر.

جيىن بارىسىندا ارون اتابەكتىڭ قازىرگى دەنساۋلىق جاعدايى اسا اۋىر ەكەنى, ونى شەتەلدە ەمدەتۋدىڭ جولدارى تۋرالى ءسوز قوزعالدى.

 ؛

جاقىندارىنىڭ سوزىنشە, ارون سوڭعى كۇندەرى كۇنىنە ەكى قاسىق سورپادان باسقا ەشتەڭە ىشە المايتىن كۇيگە تۇسكەن.

 ؛

زاڭگەر شىنبولات بايجانوۆ ارون اتابەك قۇزىرلى ورگان قاداعالاۋىندا ەكەنىنە قاراماستان, ونى شەتەلدە ەمدەتۋ ءۇشىن ەلدەن شىعارۋعا مۇمكىندىك بار ەكەنىن ايتادى.

 ؛

&ndash؛ اروندى ەمدەيتىن, قابىلدايتىن جەر تابىلسا, ونى ەلدەن شىعارۋدىڭ امالىن تابۋعا بولادى, &ndash؛ دەگەن ول اقىندى شەتەلدە ەمدەۋگە شۇعىل قولجەتكىزۋ كەرەكتىگىنە نازار اۋداردى.

 ؛

جيىنعا كەلگەن جۇرتشىلىق تا وسى ويعا قوسىلدى. ارون اتابەكتى ەمدەۋ ءۇشىن قارجى جيناۋ جالعاساتىنى حابارلانىپ, كىتاپ ساتىلىمىنان تۇسكەن قاراجات تا اروننىڭ قاجەتىنە جۇمسالاتىنى ايتىلدى.

فوتو:qamshy.kz

بەلسەندىلەر كىتاپ ارون اتابەكتىڭ قارىنداسى رازيا نۇتىشەۆاعا تاپسىرىلاتىنىن, ساتىپ الۋ, قارجى اۋدارۋ ماسەلەسى بويىنشا دا سوعان حابارلاسۋ كەرەكتىگىن جەتكىزدى.

رازيا نۇتىشەۆانىڭ بايلانىس نومەرى مەن رەكۆيزيتى تومەندەگىدەي:

تەلەفون نومەرى &ndash؛ 8747 832 29 36

كارتا نومەرى &ndash؛ 4400 4301 9446 4407

ارون اتابەك شاڭىراق وقيعاسىنان كەيىن "پوليسەيدى ءولتىردى" دەگەن ايىپپەن 18 جىلعا سوتتالىپ, 2021 جىلعى 1 قازاندا "ايىقپاس اۋرۋعا شىلدىعۋىنا بايلانىستى" بوستاندىققا شىعارىلعان. پاۆلودار سوتى ونىڭ قالعان جازا مەرزىمىن بوستاندىعىن شەكتەۋ جازاسىنا اۋىستىرعان. اقىننىڭ ءوزى سوت شەشىمىنە نارازى. ول ءوزىن تولىق اقتاۋدى, تۇرمەدە وتكىزگەن جىلدار مەن كورگەن ازابى ءۇشىن ماتەريالدىق تولەم وتەۋدى تالاپ ەتەدى.

قىركۇيەكتىڭ سوڭىندا قۇقىققورعاۋشى باقىتجان تورەعوجينا ارون اتابەك اۋرۋحاناعا جاتقىزىلعانىن حابارلاعان. وعان دەيىن بىرنەشە قۇقىققورعاۋشى ارون اتابەكتىڭ دەنساۋلىق جاعدايىن ەسكەرىپ, وعان راقىمشىلىق جاساۋ تۋرالى پرەزيدەنت قاسىم-جومارت توقاەۆقا حات جازىپ, قول جيناعان. ارون اتابەكتىڭ دەنساۋلىعى ناشارلاعانى تۋرالى العاش 18 تامىز كۇنى ازاپتاۋعا قارسى ۇلتتىق الدىن الۋ تەتىگى توبىنىڭ وكىلدەرى پاۆلودار وبلىسىنداعى اپ-162/1 تۇزەتۋ مەكەمەسىنە بارعاندا بەلگىلى بولعان. الايدا ول كەزدە اقىن بيلىككە سەنبەيتىندىكتەن, تۇرمە اكىمشىلىگىنىڭ ەمدەمەك بولعان ارەكەتىنەن باس تارتقان.

شاڭىراق وقيعاسى بويىنشا, ارون اتابەكتەن بولەك ءۇش ادام سوتتالعان. ەرعانات تارانشيەۆ (15 جىل) پەن رۇستەم تۇياقوۆ (14 جىل) 2018 جىلى مەرزىمىنەن بۇرىن بوساپ شىقسا, 16 جىلعا بوستاندىعىنان ايرىلعان قۇرمانعازى وتەگەنوۆ ءالى تۇرمەدە وتىر.

مەلىس سەيداحمەتوۆ

الماتى وبلىسى كەربۇلاق اۋدانى قىزىلجار اۋىلىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتىن بىتىرگەن. 2015-2019 جىلدارى «پرەزيدەنت جانە حالىق» گازەتىندە ءتىلشى, شەف-رەداكتور بولىپ ىستەگەن. 2019 جىلدان بەرى قامشى پورتالىندا قىزمەت اتقارادى.

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر