فوتو: اشىق دەرەككوز
اقش يادرولىق سۇڭگۋىر كەمەسى وڭتۇستىك قىتاي تەڭىزى ماڭىنداعى سۋ استىندا "بەلگىسىز زاتقا" ءتيىپ, وننان استام امەريكالىق جاۋىنگەر جارالاندى. بۇل تۋرالى bbc حابارلادى. ؛
اقش شەنەۋنىكتەرىنىڭ حابارلاۋىنشا, سوقتىعىستان ون بەس اسكەري ادام جاراقات العان.
ولاردىڭ مالىمەتىنشە, قاقتىعىستىڭ نەدەن بولعانى ازىرگە بەلگىسىز.
"بۇل وقيعا قىتاي سوعىس ۇشاقتارى تايۆاننىڭ اۋە شابۋىلىنا قارسى قورعانىس ايماعىنا باسىپ كىرگەن كەزىنە تۇسپا-تۇس كەلدى" دەپ جازادى bbc. سوڭعى ۋاقىتتا قىتاي, تايۆان, اقش اراسىندا شيەلەنىس ۋشىعا تۇسكەن.
ۆاشينگتون اسكەري-تەڭىز كۇشتەرىنىڭ وكىلى سۋاستى كەمەسى اقش-تىڭ گۋام اۋماعىنا قاراي بەت العانىن ايتتى.
يادرولىق سوعىس كەمەسىنىڭ قوزعالتقىش قوندىرعىسى مەن كەمەنىڭ ءوزى ساۋ ەكەنى جانە تولىق جۇمىس ىستەپ تۇرعانى حابارلاندى.
بەيجىڭ وڭتۇستىك قىتاي تەڭىزىنىڭ كوپ بولىگىن بەرۋدى تالاپ ەتەدى, ءبىراق كورشى ەلدەر جانە اقش وعان كەلىسپەيدى.
فيليپپين, برۋنەي, مالايزيا, تايۆان جانە ۆەتنام ونداعان جىلدار بويى بەيجىڭمەن تەرريتوريا ءۇشىن داۋلاسىپ كەلەدى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر