پەداگوگتەر جانايقايى. توقاەۆ ساعان ايتام, سوي, ايماعامبەتوۆ, سەندەر تىڭداڭدار

الماتىداعى "الاتاۋ" رەسپۋبليكالىق بالالار كلينيكالىق شيپاجايىنىڭ پەداگوگ ماماندارى بىرنەشە جىلدان بەرى جالاقىلارىنىڭ كوتەرىلمەي كەلە جاتقانىن ايتىپ, پرەزيدەنت ق.توقاەۆتان كومەك سۇرايدى. سوزدەرىنشە, ولار ءبىلىم جانە مەديسينا سالاسى قىزمەتكەرلەرىنىڭ جالاقىسىن جوعارىلاتۋ تۋرالى ۇكىمەت قاۋلىلارىنا ىلىنبەي كەلەدى. مەديسينا سالاسىندا ۇستازدىق ەتەتىن ماماندار سالالىق مينيسترلىكتەرگە جولداعان تالاپ-تىلەك, ارىز-شاعىم ەش ناتيجە بەرەر ەمەس دەپ وتىر.

شيپاجاي پەداگوگتەرى ەلدىڭ تۇپكىر-تۇپكىرىنەن كەلگەن 3 پەن 14 جاس ارالىعىنداعى بالالارعا ەمدىك شارالار كورسەتۋمەن اينالىسادى. ساناتوريي 100 ورىنعا شاقتالعان. ەمدەۋ كۋرسى 21 كۇننەن تۇرادى. ساناتورييگە نەگىزىنەن برونح دەمىكپەسىنە شالدىققان بالالار تۇسەدى. 2020 جىلى 1813 بالا ساۋىقتىرۋ شارالارىنان وتكەن. ونىڭ 89 پايىزى مەكتەپ جاسىنداعى بالالار. مەكتەپ جاسىنا دەيىنگى بالالار ساناتورييدە باس-كوز بولاتىن اداممەن قالسا, مەكتەپ جاسىنداعى بالالار شيپاجايدا مەديسينالىق پەرسونال مەن وقۋ-تاربيە ءبولىمىنىڭ قاراۋىندا بولادى.

وقۋ-تاربيە ءبولىمى ساناتورييدەگى بالالاردىڭ ەموسيونالدىق جانە پسيحولوگيالىق تونۋسىن جوعارىلاتۋمەن شۇعىلدانادى. سوندىقتان بالالار مەكەمەسىندەگى پەداگوگيكالىق قىزمەتتىڭ ەمدىك اسەرى قاتار جۇرەدى. بۇل &ndash؛ ەمدەۋ كەشەنىنىڭ مىندەتتى بولىگى سانالادى.

 ؛

وسىلايشا, پەداگوگيكالىق قىزمەتپەن اينالىساتىن ماماندار بىرنەشە جىلدان بەرى ەڭبەكاقىنى جوعارىلاتۋ ىسىندە مۇلدە نازارعا الىنباي, ەش باعدارلاماعا ىلىنبەي, ورتا جولدا قالىپ قويعانىن ايتادى.

ۇكىمەتتىڭ "ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى" 2015 جىلعى 31 جەلتوقسانداعى № 1193 قاۋلىسىنا وزگەرىستەر مەن تولىقتىرۋلار ەنگىزۋ تۋرالى 2020 جىلعى 28 قاڭتارداعى № 11 قاۋلىسىنا ساي, قۇجاتتا اتالعان سالالارداعى مامانداردىڭ بازالىق لاۋازىمدىق جالاسى 2020 جىلعى 1 قاڭتاردان باستاپ 1,25 ەسەگە, 2021 جىلعى 1 قاڭتاردان باستاپ 1,5 ەسەگە وسكەن. الايدا ساناتوري پەداگوگتەرىنىڭ جالاقىسى سول كۇيى قالعان. ونى ساناتوريي دەنساۋلىق ساقتاۋ مينيسترلىگى تاراپىنان قارجىلاندىرىلمايتىنىمەن تۇسىندىرگەن.

بۇدان بولەك "پەداگوگ مارتەبەسى تۋرالى" زاڭ اياسىندا پەداگوگتەردىڭ جالاقىسى 2020 جىلى 25 پايىزعا, 2021 جىلعى 1 قاڭتاردان باستاپ تاعى 25 پايىزعا كوتەرىلگەندە دە ساناتوريي ۇستازدارى تىس قالعان. مەكەمە ەسەپشىسى پەداگوگتەر دەنساۋلىق ساقتاۋ سالاسىندا ىستەيتىندىكتەن, بالا وقىتۋعا ليسەنزيا بەرىلمەگەندىكتەن بۇل زاڭعا ەنبەي قالعانىن ايتقان.

ەكى بىردەي زاڭ اياسىنان تىسقارى قالىپ قويعان مەكەمە قىزمەتكەرلەرى 2020 جىلعى 1 قاڭتاردان باستاپ دارىگەر مارتەبەسىن كوتەرۋ ءۇشىن دارىگەرلەر جالاقىسىن 30 پايىزعا, ورتاشا مەديسينا پەرسونالى جالاقىسىن 20 پايىزعا كوتەرۋ تۋرالى مەملەكەت باسشىسىنىڭ تاپسىرماسىنا دا تەلمىرىپ قاراعان. ءبىراق بۇل جولى دا پەداگوگتەر نازارعا ىلىنبەگەن.

پەداگوگتەر سونداي-اق قازاقستان رەسپۋبليكاسى ۇكىمەتىنىڭ 2020 جىلعى 28 قاڭتارداعى №11 قاۋلىسىندا جازىلعان "پەداگوگتەرگە تۋبەركۋلەز (تۋبەركۋلەزگە قارسى) مەكەمەلەرىندە, ديسپانسەرلەرىندە, ساناتورييلەرىندە, ساناتوريي-پروفيلاكتورييلەرىندە, ورتالىق اۋداندىق اۋرۋحانالار بولىمشەلەرىندە جانە باسقا دا دەنساۋلىق ساقتاۋ ۇيىمدارى مەن ساناتوريي ۇلگىسىندەگى مەكتەپ ينتەرناتتاردا, مەكتەپكە دەيىنگى ءبىلىم بەرۋ ۇيىمدارىندا جۇمىس ىستەگەنى ءۇشىن بازالىق لاۋازىمدىق جالاقىنىڭ 60 پايىز مولشەرىندە جوعارىلاتۋ" تۋرالى پۋنكت نەلىكتەن ورىندالماعانىن تۇسىنە الماي دال.

"الاتاۋ" رەسپۋبليكالىق بالالار كلينيكالىق شيپاجايىنىڭ پەداگوگ ماماندارى اتالعان ماسەلە بويىنشا دەنساۋلىق ساقتاۋ ءمينيسترى الەكسەي سويعا حات جولداپ, ءتيىستى زاڭعا وزگەرىس ەنگىزۋ ماسەلەسى قارالاتىنى تۋرالى جاۋاپ العان.