• usd 424.85

  • eur 504.21

  • rub 5.84

  • cny 65.86

18 قازان, 11:25:55
الماتى
+11°
 ؛
مەملەكەت جانە قوعام قايراتكەرى وزبەكالى جانىبەكوۆكە ءوزىنىڭ تۋعان جەرى شىمكەنت قالاسىنان ەسكەرتكىش ورناتىلماق. بۇل تۋرالى شىمكەنت قالاسى اكىمىنىڭ ورىنباسارى شىڭعىس مۇقان الەۋمەتتىك جەلىدەگى پاراقشاسىندا حابارلادا.
 ؛
شىڭعىس مۇقان ەسكەرتكىش ورناتۋ ءۇشىن بايقاۋ جاريالانعانىن ءمالىم ەتتى. وعان ؛ قر مەملەكەتتىك سىيلىقتىڭ لاۋرەاتى ناسىر رۇستەموۆ اياعىن ايقاستىرىپ, تىزەسىن قۇشاقتاپ وتىرعان كورىنىستى, قر سۋرەتشىلەر وداعىنىڭ مۇشەسى ەرعالي مۇستافاەۆ ساياباقتا ورىندىقتا وتىرعانىن, سۋرەتشى, ءمۇسىنشى ءالىمجان ابىلاەۆ ءمۇسىننىڭ تۇرىپ تۇرعان بىرنەشە نۇسقاسىن ۇسىنعان.
 ؛
الايدا ؛وزبەكالى جانىبەكوۆتىڭ ۇلى باۋىرجان جانىبەكوۆ ؛مۇسىنشى تىلەۋبەردى بيناشەۆكە تاپسىرىس بەرىپ, ەسكەرتكىشتىڭ ءبىر نۇسقاسىن دايىنداتىپ قويعان. ول ەسكەرتكىشتىڭ تۇعىردا تۇرعانىن قالامايتىنىن جەتكىزگەن.
 ؛
"ەسكەرتكىشتىڭ بيىك مىنبەردە وتىرعانىن قالامايمىن. ول كىسى حالىقتىڭ اراسىندا بولعان. كورىسەم دەسە دە, كەزدەسەم دەسە دە, كەز كەلگەن ادامنىڭ قولى جەتكەن. سوندىقتان, ەسكەرتكىش ادامنىڭ بويىنداي بولىپ جاسالىپ, حالىق كوپ جۇرەتىن ءبىر ساياباققا قويۋدى ۇسىنامىن" دەيدى ؛باۋىرجان جانىبەكوۆ.
 ؛
شىمكەنت قالاسى اكىمىنىڭ ورىنباسارى جۇرتشىلىقتان قاي نۇسقانى قۇپ كورەتىنىن ايتۋىن, پىكىر ءبىلدىرۋدى سۇرايدى.
 ؛
وزبەكالى جانىبەكوۆكە شىمكەنت قالاسىنان ەسكەرتكىش ورناتۋ ماسەلەسىن العاش بولىپ قامشى پورتالى كوتەرگەن. 2020 جىلعى 28 تامىزدا ؛وزبەكالى جانىبەكوۆكە 90 جىلدىعىنا وراي ءوزى تۋعان, قىزمەت ەتكەن شىمكەنت قالاسىندا ەڭسەلى ەسكەرتكىش قويۋدى قوزعاپ, ارنايى بەينەماتەريال ازىرەگەن.
 ؛
ماتەريالدا وزبەكالى جانىبەكوۆتىڭ ۇلى ؛باۋىرجان جانىبەكوۆ, نەمەرەسى ازەل جانىبەكوۆ, شاكىرتى باحتيار كامالوۆ, جۋرناليست, قوعام قايراتكەرى مارات توقاشباەۆ ءسوز سويلەپ, ەسكەرتكىش قويۋ يدەياسىنىڭ ماڭىزى مەن مازمۇنى تۋرالى ايتقان.
 ؛
ارتىنشا شىمكەنت قالاسىنىڭ اكىمى مۇرات ايتەنوۆكە رەسمي ساۋال جولدانىپ, اكىمشىلىك تاراپىنان كەلگەن جاۋاپتا ماسەلەگە قاتىستى كەسىپ ەشتەڭە ايتىلماعان ەدى. ەندى مىنە, قامشى پورتالى العاش بولىپ كوتەرگەن باستاما ىسكە اسقالى جاتىر.
"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر