الماتىدا سوت ورىنداۋشىسى سوققىعا جىعىلعان, وعان بوكسشىنىڭ قاتىسى بولۋى مۇمكىن (ۆيدەو)

الماتىدا جەكە سوت ورىنداۋشىسى ءادىل ەرمەكوۆ سوققىعا جىعىلعان. بۇل ىسكە كاسىپقوي بوكسشى جانقوش تۇراروۆتىڭ قاتىسى بار, دەپ حابارلادى zakon.kz.

الەۋمەتتىك جەلىدە سوت ورىنداۋشىسى ءوز مىندەتىن اتقارۋ كەزىندە باۋىر تۇسىنان اۋىر سوققى الىپ, جان ۇشىرا ايعايلاپ, جەرگە دومالاي كەتكەن ۆيدەو تاراعان.

"پوليسيا قىزمەتكەرلەرىنىڭ جانىندا بەلگىسىز بىرەۋلەر سوت ورىنداۋشىسىنا قىسىم جاساي باستادى. ولار سوت ورىنداۋشىسىنا ءوز مىندەتىن ورىنداۋعا تىيىم سالىپ, قورقىتۋعا تىرىسقان. سوت ورىنداۋشىسى اتالعان دەرەك بويىنشا قىلمىستىق ءىس قوزعاۋ تۋرالى ءتيىستى ارىز جازدى" دەدى الماتى قالاسى جەكە سوت ورىنداۋشىلار پالاتاسى.

جەكە سوت ورىنداۋشىسىن ۇرعان ادام مۇنىمەن شەكتەلمەگەن. ؛ ول بوكسشى جانقوش تۇراروۆتى كومەككە شاقىرعان. ول ۇيگە كەلىپ, سوت ورىنداۋشىنى پوليسيادان ارىزدى الۋعا كوندىرمەك بولعان. قورقىتقان.

&ndash؛ بۇل ءىستىڭ ءماجبۇرلى تۇردە توقتاتىلۋى جاقىن ماڭدا تۇراتىن ءبىرقاتار ادامدارعا كەرى اسەر ەتەتىنىنە باسا نازار اۋدارۋ كەرەك. ەگەر قۇلايىن دەپ قاقىراپ تۇرعان قوسالقى نىسان كورشىلەردىڭ ءۇيىن قيراتاتىن بولسا, وندا ءبىرقاتار ادامداردىڭ دەنساۋلىعى مەن ومىرىنە زيان كەلتىرۋى ىقتيمال. وندايدا بۇل جاعدايدا سوت ورىنداۋشىسى جاۋاپتى بولادى, ؛&ndash؛ دەيدى ەرمەكوۆ.

الماتى قالاسى جەكە سوت ورىنداۋشىلار پالاتاسىنىڭ مالىمەتىنشە, ءادىل ەرمەكوۆ دارىگەرلەردىڭ كومەگىنە جۇگىنگەن. ءدال قازىرگى كەزدە ول جۇمىستا جوق.

بۇعان دەيىن سوت ورىنداۋشىسىنىڭ قاتىسۋىمەن ارتى قايعىلى جاعدايعا ۇلاسقان وقيعا بولعان. 20 قىركۇيەك كۇنى الماتىنىڭ الاتاۋ اۋدانىنداعى "اقبۇلاق" ىقشام اۋدانىندا جەكە سوت ورىنداۋشىسى ءوز مىندەتىن اتقارۋ كەزىندە 54 جاستاعى ەر ادامنىڭ قولىنان قازا تاپقان. قاقتىعىس كەزىندە تاعى 4 ادام مەرت بولعان. اتالعان وقيعادان كەيىن "كىسى ءولتىرۋ" جانە "بيلىك وكىلىنە شابۋىل جاساۋ" دەگەن ەكى باپ بويىنشا تەرگەۋ باستالعان. كىسى ولتىرگەنى ءۇشىن كۇدىكتى 20 جىلعا دەيىن باس بوستاندىعىنان ايىرىلۋى مۇمكىن.