• usd 424.85

  • eur 504.21

  • rub 5.84

  • cny 65.86

24 قازان, 19:25:02
الماتى
+5°

23 جاستاعى دانا ماراتوۆا 5 جىل بويى شاكىرتاقىسىن, قوسىمشا تاپقان اقشالاردى قۇراپ جاقىندا عانا الماتىدان باسپانالى بولدى. كەيىپكەرىمىز قامشى تىلشىسىنە ءۇي الۋداعى كەزدەسكەن قيىندىقتار مەن قارجى جيناۋداعى ءوزىنىڭ لايفكاحتارى تۋرالى ايتىپ بەردى.

دانا 2015 ؛ جىلى ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىنە وقۋعا تۇسەدى. سول كەزدەن باستاپ-اق الماتىدان ءۇي الۋ ارمانى, ارتىنشا ماقساتىنا اينالعان.

 ؛

&ndash؛ بىرىنشى كۋرس وقىپ بىتىرگەن 2016 جىلى دەپوزيت اشتىم. العاشقىدا شاكىرتاقامنىڭ جارتىسىن &ndash؛ 8500 تەڭگەنى اي سايىن سالىپ ءجۇردىم. ؛بىراق ول كەزدە ءۇي الۋدىڭ تالاپتارى ءبىراز قولجەتىمدى ەمەس ەدى. مىسالى, 2 جىل الماتى قالاسىندا تىركەۋدە تۇرۋىڭ كەرەك, تىركەۋ جوق بولسا, ءۇي قۇنىنىڭ 50 پايىزىن جيناۋ قاجەت دەگەن تالاپتار بولاتىن. ءبىراق سوعان قاراماستان اقشا جيناۋدى جالعاستىرا بەردىم. باكالاۆرياتتى ءتامامداپ, ماگيستراتۋراعا ءتۇستىم, سونىڭ اراسىندا تىنباي جۇمىس ىستەدىم, ؛&ndash؛ دەگەن دانا ۋاقىت وتە الماتىدا باسپانا الۋعا قولجەتىمدى باعدارلامالار شىعا باستاعانىن, ول تۇستا دەپوزيتتەگى قاراجات العاشقى جارناعا جارايتىنداي سوماعا جەتىپ قالعانىن ايتادى.

 ؛

دانانىڭ تاڭداۋى "الماتى جاستارى" باعدارلاماسىنا تۇسكەن. ول باعدارلاما بويىنشا باستاپقى جارنا رەتىندە ءۇي قۇنىنىڭ 10 پايىزىن تولەۋ جەتكىلىكتى. اكىمشىلىك قۇجات تاپسىرعانداردى بالل بويىنشا ىرىكتەپ, قالعان سومانى جىلىنا 5 پايىزبەن 25 جىلعا دەيىن يپوتەكا تۇرىندە راسىمدەيدى.

&ndash؛ باعدارلامانىڭ ءبىرىنشى لەگىندە سوڭعى 2 جىلدا الماتى قالاسىندا تىركەۋ بولۋى كەرەك دەگەن تالاپ بار ەدى. مەن وعان ساي كەلمەيتىندىكتەن قۇجات تاپسىرمادىم. باعدارلامانىڭ ەكىنشى لەگىندە بۇل تالاپتى الىپ تاستاپتى. ويتكەنى, ءبىرىنشى لەكتەگى تالاپقا ساي كەلەتىندەر وتە از بولعان ەكەن. ءبىراق ەكىنشى لەككە قۇجات تاپسىراردا قاتە جىبەرىپ, باعدارلاماعا وتە المادىم. ءۇشىنشى لەك باستالعاندا قۇجاتتاردى رەتتەپ, قايتادان تاپسىردىم. بۇل جولى ءوتىنىش بەرگەندەر كوپ بولىپ, باللىم جەتپەي, رەزەرۆكە قويىلدىم. ءسويتىپ جۇرگەندە باعدارلاما اياسىندا 1 جىلدا بەرىلۋگە ءتيىس 1000 پاتەردىڭ بارلىعى تاپسىرىلىپ قويدى دا مەن تاعى قالدىم, &ndash؛ دەيدى جاس قىز.

الايدا بۇل جايتتاردىڭ بارلىعى دانانىڭ ساعىن سىندىرا الماعان. ول باعدارلامانىڭ كەزەكتى لەگىن توسىپ, ءوز ءساتىن كۇتۋمەن بولدى. 2021 جىلى باعدارلاما اياسىندا كەزەكتى قۇجات قابىلداۋ باستالىپ, مۇنى ەستىگەن دانا قايتادان قۇجات جيناۋعا كىرىسكەن.

 ؛

&ndash؛ بۇل &ndash؛ ءۇشىنشى مارتە قۇجات تاپسىرۋىم بولدى. ۇمىتكەرلەر وسى جولى بىلتىرعىدان دا كوپ بولىپ, تاعى دا بالل جەتپەي, رەزەرۆكە قويىلدىم. سودان "وسى جولى دا ماعان ءۇي بۇيىرمايتىن شىعار" دەپ وزىمشە الماتىعا وكپەلەم استاناعا كەتىپ قالدىم. ول جاقتا پاتەر ىزدەپ جۇرگەنىمدە كەزدەيسوق رەزەرۆتە تۇرعاندارعا ماقۇلداۋ كەلگەنىن ءبىلىپ قالدىم. ءبىر دوسىم الەۋمەتتىك جەلىدە رەزەرۆتەگى تانىسىن ءۇي الۋىمەن قۇتتىقتاپ جاتىر ەكەن. ماقۇلدانعانداردىڭ ىشىندە مەنىڭ دە ءاتى-جونىم تۇر. سول كەزدە قۋانىپ, سەنەر سەنبەسىمدى بىلمەي, دوسىمنان "مىناۋ راس پا؟" دەپ سۇراي بەرىپپىن عوي. اقپاراتتىڭ راستىعىنا كوز جەتكىزىپ, الماتىعا قاراي قۇستاي ۇشتىم. 5 جىل بويى اقشا جيناپ, 5 جىل بويى كۇتكەن ارمانىمنىڭ قول سوزىم جەردە تۇرعانىنا توبەم كوككە جەتكەندەي بولدى. الماتىعا كەلىپ, ماعان بەرىلگەن جولدامانىڭ بىتۋىنە التى-اق كۇن قالعانىن كورىپ, دەرەۋ ءۇي ىزدەپ, قۇجاتتاردى دايىنداپ كەلىسىم-شارت جاساپ, ايتەۋىر اينالدىرعان ەكى اپتانىڭ ىشىندە ءۇيلى بولىپ شىعا كەلدىم. 1 بولمەلى پاتەرىم وزىمە كەڭ سارايداي كورىنەدى, &ndash؛ دەيدى ول.

 ؛

دانا پاتەرگە اقشا جيناي باستاعاندا تۋىستارى مەن تانىستارى "قىز بالاعا ءۇيدىڭ كەرەگى نە؟", "ودان دا سول اقشاعا ساياحاتتامايسىڭ با؟" دەپ ايتقان.

&ndash؛ ءقازىر ويلاپ قاراسام, ءۇي دەگەن كەز كەلگەن ۋاقىتتا ادامعا سەنىمدى تىرەك بولا الادى ەكەن. تۇراقتايتىن جەرىڭ بار, قالاساڭ ساتا الاسىڭ. سوندىقتان باسپانا الۋ ماڭىزدى نارسە دەپ ويلايمىن. ءۇي العان سوڭ ادام تۇسىنىگى بىردەن وزگەرىپ كەتەدى ەكەن. مىسالى, بۇرىن دوستارىمىزبەن سىرتتا كەزدەسكەندى, قىدىرعاندى جاقسى كورەتىنبىز. ال ءقازىر دوستارىمنىڭ كوبى ءۇي العاننان كەيىن اپتا سايىن دەمالىستا ءبىر-بىرىمىزدىڭ ۇيىمىزگە جينالىپ, وتىرىس جاسايتىن بولدىق. بۇرىن قاراجاتىمدى بوياناتىن زاتتارعا كوبىرەك جاراتاتىن بولسام, ءقازىر ۇيگە ارنالعان دۇكەندەردى كوبىرەك ارالايمىن, ؛&ndash؛ دەيدى دانا.

23 جاستاعى بويجەتكەن ۇيگە قارجى جيناۋ جولىندا ءوزىنىڭ قاجەتىنە جاراعان كەيبىر كەڭەستەر تۋرالى دا ايتا كەتتى.

&ndash؛ اقشانى 2 كۋرستان باستاپ جينادىم. باكالاۆرياتتا اي سايىن 8500 تەڭگەدەن جيناپ وتىردىم. ونى بىتىرگەن سوڭ, جۇمىسقا تۇرىپ, دەپوزيتكە ماناعى سومانى ەسەلەپ قويا باستادىم. ماگيستراتۋراعا تۇسكەننەن كەيىن ءتىپتى ءۇش ەسەلەپ قۇيىپ ءجۇردىم. قوسىمشا جۇمىستاردان اقشا تۇسە قالسا, سونى دا سالا قويام. نەگىزى اقشانى كۇشتى جيناي المايمىن. مەنىڭ "فيشكام" كوبىرەك اقشا تابۋدا دەپ ويلايمىن. ال كوپ اقشا تابۋدىڭ سىرى ەشكىمگە "جوق" دەپ ايتا الماۋىمدا. مىسالى, بىرەۋ ءبىر جۇمىستى "ىستەي الاسىڭ با نەمەسە ىستەپ كورشى" دەسە "جارايدى" دەي بەرەم. سوسىن كەلىسىپ قويعان سوڭ سوڭىنا دەيىن ىستەپ بەرەسىڭ. ستۋدەنت بولعاننان باستاپ گازەت-جۋرنال, نەشە ءتۇرلى سايتتا دا, تەلەارنا, راديو, كينو ءتۇسىرىلىمى مەن تيپوگرافيادا دا جۇمىس ىستەدىم. بىرنەشە كىتاپقا رەداكتور بولدىم. اراسىندا تاپسىرىسپەن ماقالا جازدىم. مۇنى "اقشا تابام" دەپ ەمەس, جاڭا تاجىريبە دەپ قابىلدادىم. ءقازىر تەگىن نارسە جوق قوي, ءبىراق از اقشاعا دا ىستەي بەرەتىنمىن. ەسەسىنە سول كەزدەگى داعدىلار كوپ نارسەگە ۇيرەتىپ, ءقازىر ەڭبەگىمنىڭ قۇنىن لايىقتى سۇراي باستادىم. اقشانى اركىم ءارتۇرلى جينايدى, بىرەۋ ۇنەمدەيدى, بىرەۋ ينۆەستيسيا قۇيىپ, اقىلدى تۇردە كوبەيتەدى, كەيبىرى كوپ اقشا تابادى دا, وزىنە جاراتادى. مەنىكى از-ازدان, ءبىراق ۇزدىكسىز دەگەن پروسەسسپەن جينالدى, ؛&ndash؛ دەدى ول.

مارحابات ءىلياس

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى
ىلمەك سوزدەر: ءۇي الۋ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر