• usd 429.57

  • eur 447.35

  • rub 6.94

  • cny 63.23

17 مامىر, 07:22:45
الماتى
+15°

بۇگىن الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن ونلاين رەجيمدە جاستار ۇيىمدارى مۇشەلەرىنىڭ قاتىسۋىمەن الماتى قالاسى اكىمى جانىنداعى جاستار ءىسى جونىندەگى كەڭەستىڭ وتىرىسى ءوتتى.

وتىرىستا الماتى جاستارىنىڭ دامۋىنا اسەر ەتەتىن وزەكتى ماسەلەلەر تالقىلاندى. ولاردىڭ ىشىندە ءوزىن-وزى جۇزەگە اسىرۋ, جەكە كاسىپكەرلىك ءىسىن اشۋ مەن جۇرگىزۋ, ناتيجەلى جۇمىسپەن قامتۋ, ساپالى ءبىلىم بەرۋ قىزمەتتەرىن الۋ بويىنشا قولدا بار مۇمكىندىكتەر, سونداي-اق قالادا جاستاردىڭ ءومىر ءسۇرۋ ساپاسىن ارتتىرۋعا باعىتتالعان جاڭا الەۋمەتتىك جوبالاردى ىسكە اسىرۋ بويىنشا قالا اكىمدىگىمەن بىرلەسكەن جۇمىسقا قاتىسۋ.

الماتىدا ستاتيستيكانىڭ رەسمي دەرەگىنە سايكەس, 14-28 جاس ارالىعىندا 506 مىڭ جاس تۇرعىن بار. بۇل رەتتە كوشى-قون دەڭگەيىنىڭ جوعارى بولۋىنا بايلانىستى جىل سايىن قالاعا 35 مىڭعا جۋىق جاس كەلەدى جانە 20 مىڭعا جۋىق جاس كەتەدى. الماتى قالاسىنىڭ جاستار ساياساتىن دامىتۋدىڭ 2025 جىلعا دەيىنگى وڭىرلىك جوسپارى ىسكە اسىرىلۋدا, ونىڭ شەڭبەرىندە 125-تەن استام ءىس-شارانى ىسكە اسىرۋ كوزدەلگەن.

جۇرگىزىلگەن الەۋمەتتىك زەرتتەۋ قورىتىندىسى بويىنشا الماتى جاستارىنىڭ ومىرىمەن قاناعاتتانۋ يندەكسى 77,8%-دى قۇراعانى انىقتالدى. مەكتەپ (14-17 جاس: 71,7%) جانە ستۋدەنتتەر (18-21 جاس: 74,0%) جاستارى اراسىندا ومىرمەن قاناعاتتانۋ دەڭگەيى ەڭ جوعارى كورسەتكىشكە جەتتى. وڭ باعالار ناۋرىزباي (71,8%), جەتىسۋ (69,7%) جانە بوستاندىق (68,9%) اۋداندارىنىڭ تۇرعىندارى اراسىندا باسىم. جالپى, الماتى جاستارىنىڭ ءاربىر ەكىنشى وكىلى جۇمىسپەن قامتىلعان &ndash؛ 63,7%. قازىرگى جۇمىس جاستاردىڭ 64,4%-ىن قاناعاتتاندىرادى. بۇل رەتتە كاسىپكەرلىك ىسكە مۇددەلىلىكتىڭ جوعارى دەڭگەيىنە قاراماستان, ءوزىن-وزى جۇمىسپەن قامتىعاندار قازىرگى ۋاقىتتا جاستاردىڭ ءاربىر ون ءبىرىنشى (8,6%). جالپى تالداۋ قورىتىندىسى بويىنشا جۇمىستىڭ 5 نەگىزگى باعىتى ايقىندالدى: ساپالى ءبىلىم بەرۋ, جۇمىسقا ورنالاستىرۋ جانە جۇمىسپەن قامتۋ, قولجەتىمدى تۇرعىن ءۇي جانە كاسىپكەرلىكتى دامىتۋ, اتاۋلى-پروفيلاكتيكالىق جۇمىس, سالاۋاتتى ءومىر سالتى.

قالانىڭ قوعامدىق دامۋ باسقارماسى باسشىسىنىڭ ورىنباسارى ر. بەكبەرگەنوۆ جۇمىستىڭ باسىم باعىتتارىنىڭ ءبىرى &ndash؛ neet ساناتىنداعى جاستاردى جۇمىسپەن قامتۋدىڭ بەلسەندى نىساندارىنا تارتۋ ەكەنىن ايتتى. وسىلايشا جۇيەلى جۇمىس اياسىندا بيىل جۇمىسپەن قامتۋ ورتالىعى ارقىلى 6404 جاس تۇراقتى جۇمىس ورىندارىنا ورنالاستىرىلدى. تجكب (تەحنيكالىق جانە كاسىپتىك ءبىلىم بەرۋ) ۇيىمدارىنا 390 ستۋدەنت قابىلداندى, 8634 ادام جۇمىسپەن قامتۋعا جاردەمدەسۋدىڭ وزگە دە بەلسەندى نىساندارىنا جىبەرىلدى, ونىڭ ىشىندە جاستار پراكتيكاسى, قىسقا مەرزىمدى كاسىپتىك وقىتۋ, ء"بىرىنشى جۇمىس ورنى" جوباسى, سونداي-اق 900 جاس "جاسىل ەل" جوباسى اياسىندا ۋاقىتشا جۇمىسقا ورنالاستىرىلادى. جاستار رەسۋرستىق ورتالىقتارىنىڭ جانىندا neet ساناتىنداعى جاستارمەن جۇمىس جونىندەگى ارنايى شتاب جۇمىس ىستەيدى.

ارنايى موبيلدىك توپتار جەكە جۇمىس جۇرگىزۋدە. ولاردىڭ ماقساتى &ndash؛ ادام كوپ جينالاتىن جەرلەردە قالالىق جۇمىسپەن قامتۋ باعدارلامالارىنا قاتىسۋ مۇمكىندىكتەرىن ءتۇسىندىرۋ بولىپ تابىلادى. بۇگىنگى تاڭدا ءموبيلدى توپتار اۋداندىق جۇمىسپەن قامتۋ ورتالىقتارىمەن بىرلەسىپ قالانىڭ بارلىق اۋداندارىندا 20 مىڭنان استام ادامدى قامتي وتىرىپ, 55-تەن استام اكسيا وتكىزدى. وسىعان ۇقساس جۇمىستى قالانىڭ بازار وكىلدەرى بىرلەسىپ جۇرگىزەدى, وندا ارنايى جاستار پۋنكتتەرىن اشۋ جوسپارلانۋدا. سونىمەن قاتار, ونلاين فورماتتا جۇمىسپەن قامتۋ بويىنشا اتاۋلى جۇمىس جۇرگىزۋ ماسەلەسى قوسىمشا پىسىقتالۋدا.

وتىرىس بارىسىندا كەڭەس مۇشەلەرى جۇمىسپەن قامتۋعا جاردەمدەسۋ, كاسىپكەرلىكتى دامىتۋ, جاستار اراسىنداعى قۇقىق بۇزۋشىلىقتاردىڭ الدىن الۋ باعىتتارى بويىنشا ناقتى ۇسىنىستار جاسادى: "قازاقستان ەرىكتىلەرى ليگاسى" قوعامدىق قورىنىڭ ءتورايىمى ا. ەرنيازوۆا, "ادىلەت" جوعارى قۇقىق مەكتەبى زاڭ كونسۋلتانتتارى پالاتاسىنىڭ زاڭ كەڭەسشىسى ە.ابدىلدين, "ارلان" بەلسەندى جاستار بىرلەستىگىنىڭ ءتورايىمى جانە حالىقارالىق ءبىلىم بەرۋ كورپوراسياسىنىڭ جاستار ورتالىعىنىڭ جەتەكشىسى ب. انارباەۆا, "الماتى ستۋدەنتتەر اليانسى" كق اتقارۋشى ديرەكتورى ج. قۋاندىق, "جىگەر "مۇمكىندىكتەرى شەكتەۋلى ادامداردىڭ جاستار ۇيىمى" قب باسشىسى پ. يۋسۋپدجانوۆ, "جاس وتان" جق الماتى قالاسى بويىنشا فيليالىنىڭ ءتوراعاسى ن. جۇمابەك قاتىستى.

وتىرىس قورىتىندىسى بويىنشا قالا اكىمىنىڭ ورىنباسارى ەرجان باباقۇماروۆ جاستار قوعامداستىعىمەن, ونىڭ ىشىندە جاستار ۇيىمدارىنىڭ كوشباسشىلارىن قالا اكىمدىگى جانىنداعى جۇمىس ىستەيتىن مامانداندىرىلعان جۇمىس توپتارىنىڭ قۇرامىنا قوسۋ ارقىلى ءوزارا ءىس-قيمىلدى كۇشەيتۋدى تاپسىردى. جۇمىس كەزدەسۋىنىڭ قورىتىندىسى بويىنشا 2022 جىلعا ارنالعان بىرلەسكەن ءىس-قيمىل جوسپارى ازىرلەنەدى. اتالعان باسىم باعىتتاردىڭ ىشىندە ەڭبەك نارىعىن تۇراقتى جاڭعىرتۋدى ەسكەرە وتىرىپ, جاس الماتىلىقتارعا كاسىپتىك باعدار بەرۋ دايىندىعىنا كونسۋلتاسيالىق كومەك كورسەتۋ, قايتا وقىتۋ جانە كادرلاردى قايتا دايارلاۋ باعدارلامالارىنا تارتۋ, سونداي-اق كامەلەتكە تولماعاندارمەن ءوزارا ءىس-قيمىل تاسىلدەرىن بەيىمدەۋگە باسا نازار اۋدارا وتىرىپ, مەكتەپ پسيحولوگتارى جۇمىسىنىڭ تيىمدىلىگىن ارتتىرۋعا قاتىسۋ. جاستاردىڭ كاسىپكەرلىككە دەگەن قىزىعۋشىلىعىنىڭ جوعارى دەڭگەيىن ەسكەرە وتىرىپ, ءوز بيزنەسىن جۇرگىزۋ ءۇشىن قولدا بار مۇمكىندىكتەر مەن مەملەكەتتىك قولداۋدىڭ قولجەتىمدى شارالارىن ءتۇسىندىرۋ بويىنشا جۇمىستى كۇشەيتۋ تاپسىرىلدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر