جازيرا جاپپارقۇل: سالفەتكا سياقتى پايدالانىپ, سوسىن لاقتىرا سالدى

&ndash؛ 2016 جىلى ريو وليمپياداسىندا كۇمىس جۇلدە ەنشىلەدىم. قانشاما قوشەمەتكە بولەندىم. ءبىراق ۇلكەن جەتىستىكتىڭ ارتىندا قانشاما ەڭبەك, قۇرىعان دەنساۋلىق تۇراتىنىن بىلسەڭىزدەر عوي. مەندە "گرىجا" بار ەدى. توكيوعا دەيىن سونى ەمدەتكىم كەلگەن. ءبىراق وسى تۇستا جالاقىدان ايىرىلىپ قالدىم. ياعني, العاشىندا ءۇش جەردەن: ۇلتتىق وليمپيادا كوميتەتىنەن, قازاقستان اۋىر اتلەتيكا فەدەراسياسىنان جانە وڭتۇستىك قازاقستان وبلىسىنىڭ (قازىرگى تۇركىستان وبلىسى ؛&ndash؛ رەد) سپورت باسقارماسىنان ؛ جالاقى الىپ تۇرعان ەدىم. ارينە, ەشكىم ميلليون تولەگەن جوق. ءبىراق ريودان كەيىن ءبىر جىلدان استام جالاقى تولەپ تۇردى. كەيىن قىسقارتا باستادى. ەڭ سوڭىندا مۇلدەم جالاقىسىز قالدىم, &ndash؛ دەدى جازيرا جاپپارقۇل.

&ndash؛ 2019 جىلى مەنىڭ تۋعان جەرىم ارىس قالاسىندا جارىلىس بولعانىن بىلەسىزدەر. سودان كەيىن قيراعان ۇيلەر مەن نىسانداردىڭ ورنىنا جاڭا كەشەندەر تۇرعىزىلدى. سول كەزدە №2 وليمپيادالىق سپورت مەكتەبى جانىنان اۋىر اتلەتيكا سپورت كەشەنى اشىلدى. مەنى قۇرمەتتى قوناق رەتىندە شاقىرىپ, فەدەراسيادان دا ادامدار كەلگەن. ۇلتتىق قۇراما باپكەرى يۋريي مەلنيكوۆ دا قاتىستى.

وسى سالتاناتتى ءىس-شارانىڭ قارساڭىندا فەدەراسيا باسشىلارىنىڭ ءبىرى حابارلاسىپ, "ساعان ءبىر قۇجات جىبەرەمىن, سوعان قول قويىپ بەرشى" دەپ ايتتى. قانداي كەلىسىم دەپ ەدىم, وقۋ-جاتتىعۋ جيىندارىندا جۇرگەنىڭدى راستايتىن قۇجات دەپ ءتۇسىندىردى. "جاقسى" دەپ كەلىستىم. جىبەرگەن ادامى اسىعىپ تۇرمىن دەپ, وقۋعا دا مۇمكىندىك بەرمەي, قول قويعىزىپ الدى. سويتسەم, ول قۇجاتتا وقۋ-جاتتىعۋ جيىندارىنان شەتتەتىپ, ايلىق بەرمەيتىنى جازىلعان ەكەن, &ndash؛ دەپ ايتتى سپورتشى.

&ndash؛ ؛بىراق بۇل سوزىمنەن ناتيجە بولمادى. باسقا جەردە جۇمىس ىستەمەيتىنىمدى, تەك وسى اقشاعا قاراپ وتىرعانىمدى دا ءتۇسىندىردىم. شامالى بەلىمدى ەمدەپ, جاراقاتىمنان ايىعۋعا ۋاقىت سۇرادىم. الايدا دىم وزگەرمەدى. سودان سپورت جانە دەنە شىنىقتىرۋ ىستەرى كوميتەتىنىڭ ءتوراعاسى &ndash؛ سەرىك ساپيەۆكە, تۇركىستان وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى بولعان &ndash؛ پولات قىرىقباەۆقا جانە فەدەراسياعا حابارلاستىم. قاقپاعان ەسىگىم, باسپاعان تاۋىم قالمادى. ەشكىم ماسەلەنى شەشكەن جوق. سوسىن دەپرەسسياعا ءتۇسىپ كەتتىم.

ول كىسىلەرگە ەڭ بولماسا, جۇمىس تاۋىپ بەرىڭىزدەر دەپ ايتتىم. سپورتتى ءبىز سەكىلدى الەمدىك باسەكەلەردى باعىندىرعان سپورتشىلار دامىتپاسا, كىم دامىتادى دەپ ايتتىم. سپورتتى سپورتشى تۇسىنەدى. ءقازىر بىزدە كوپ جەردە سپورتتان حابارى جوق ادامدار وتىر. ديرەكتور بولماساق تا, باپكەر قىلىپ السا دا بولادى عوي. قولىمىزدان كەلگەندى ايانبايتىن ەدىك. تالاي چەمپيونداردى تاربيەلەۋگە كۇش-قۋاتىمىز جەتەدى عوي. الايدا بىزدە ءبارى كەرىسىنشە. سالفەتكا سياقتى پايدالانىپ, سوسىن لاقتىرا سالادى. مىقتى سپورتشىلاردىڭ بارلىعى فيتنەس-كلۋبتاردا ءجۇر. وسىدان كەيىن ەلىمىزدەن قانداي چەمپيون شىعادى؟, &ndash؛ دەدى سپورتشى.

&ndash؛ سوڭعى جىلدارى قازاقستان بىرىنشىلىگىنە قاتىسپاۋىم سەبەبى بار. ۇيدەگىلەرمەن اقىلداستىم. انام ماعان: "جالاقى تولەپ جاتقان جوق, بەلىڭ اۋىرادى. بارلىعى لاقتىرىپ كەتتى. وسىمەن سپورتتى قويىپ, جاتتىقتىرۋشىلىقپەن اينالىس. ايتپەسە, باسقا جۇمىسقا تۇرعانىڭ دۇرىس" دەپ ايتتى. سودان كەيىن جۇمىس ىزدەدىم. 2,5 جىلدىڭ ىشىندە بىردە-بىر جەر جۇمىسقا المادى.

قازاق قىزدارى اراسىندا وليمپيادا ويىندارىندا ؛تۇڭعىش ؛كۇمىس مەدال العان مەنمىن. قازاقستاننىڭ ەڭبەك سىڭىرگەن سپورتشىسىمىن. سونداي اتاق-دارەجەم, تاجىريبەم بولا تۇرا, مەنى ەشكىم سپورتقا جولاتپادى. مەنىڭ ءوزىمدى وسىلاي كەرەكسىز ەتتى, باسقالاردى ايتپاي-اق قويسا دا بولاتىن شىعار, &ndash؛ دەدى ول.

&ndash؛ اللاعا شۇكىر, بەلىم ءبىراز جاقساردى. ءوزىم ءۇشىن جاتتىعۋ جاساپ ءجۇرمىن. اۋىر سالماقتار كوتەرۋگە شامام جەتە مە, ول جاعىن بىلمەيمىن. ؛ ؛سپورتپەن قوشتاستىم. وزدەرى لاقتىرىپ كەتتى. ايتپەسە, توكيو وليمپياداسىنا بارامىن دەپ ويلاعان ەدىم, &ndash؛ دەدى سپورتشى.

&ndash؛ 2016 جىلى ريو وليمپياداسىنا ءبارىمىز جاقسى دايىندالدىق. ارامىزدا البەرت تە بولدى. سول كەزدە ليسەنزيالىق جارىستىڭ قارساڭىندا ءوزىمىزدى تەكسەرىپ الۋ ءۇشىن دوپينگ-باقىلاۋدان وتەتىنبىز. بۇل الماتىداعى ءوزىمىز ءۇشىن جاسالاتىن تەكسەرىس. البەرت ءۇش رەت تاپسىرىپ, ۇشەۋىندە دە تازا بولدى. ال تورتىنشىسىندە تىيىم سالىنعان پرەپارات بار دەپ ايتادى. وتە كۇماندى جاعداي. ءسويتىپ, ونىڭ ورنىنا وليمپياداعا فارحات حاركي مەن ارلي چونتەي باردى. مۇنىڭ ءبارى ونىڭ دەپرەسسياعا تۇسۋىنە اسەر ەتسە كەرەك. ەندى, مىنە, وسىنداي قايعىلى جاعدايعا دەيىن جەتتى.

سپورتقا كەز كەلگەن ادام كەلە بەرمەيدى. چەمپيون بولۋ ءۇشىن ادام ءومىرىن, دەنساۋلىعىن سارپ ەتەدى. البەرت ليندەر ءتىپتى ءومىرىن قۇربان ەتتى. مەن بارلىق قيىندىقتان ءوتتىم. ەندى سپورتقا جولاۋعا جۇرەگىم داۋالامايدى. تەك جاتتىقتىرۋشى نەمەسە مەنەدجەرلىك جۇمىس بولماسا, &ndash؛ دەدى زىلتەمىرشى.

&ndash؛ جالاقىمدى قايتارا ما, جوق پا, ول جاعىن بىلمەيمىن. مەن ءبىراق سوڭىنا دەيىن بارامىن. ويتكەنى بولاشاقتا وسىنداي جاعداي باسقا سپورتشىلاردا قايتالانباۋى ءۇشىن سوڭىنا دەيىن كۇرەسەمىن. كۇنىنە ەكى رەت جاتتىعۋ جاسايمىز. دەنساۋلىعىمىزعا دا وڭاي ەمەس. بەرەتىن 300-400 مىڭنىڭ ءوزىن وسىلاي ىستەپ وتىر عوي. سوعان قاناعات ەتتىك. بىردە-بىر ايلىعىمىز از دەپ شاعىمدانعانىمىز جوق. ەڭبەگىمىز بار شىعار. ناتيجە كورسەتتىك. ايتەۋىر 2-3 كۇندە شىمكەنتتەگى جاستار مەكتەبىنە جاتتىقتىرۋشى بولامىن دەپ وتىرمىن. كوڭىلگە مەدەت بولىپ تۇرعانى سول عانا, &ndash؛ دەدى ول.