• usd 468.56

  • eur 497.56

  • rub 7.3

  • cny 67.18

29 ناۋرىز, 04:18:08
الماتى
+35°

اقش "گيپەردىبىستىق زىمىران" دەپ اتالاتىن دىبىستان بەس ەسە تەز ۇشاتىن قارۋدى ءساتتى سىنادى. "ۆاشينگتون گيپەردىبىستىق زىمىران جۇيەسىن جەتىلدىردى" دەپ حابارلادى پەنتاگوننىڭ قورعانىستىق زەرتتەۋ جوبالارى اگەنتتىگى.

اقش-تىڭ بۇل زىمىراندىق جۇيەسىن امەريكالىق اەروعارىش جانە قورعانىس الپاۋىتتارى "raytheon technologies" جانە "northrop grumman" جاساعان.

زىمىران قالاي سىنالدى؟

وتكەن اپتادا اقش اۋە كۇشتەرىنىڭ سەرىكتەستىگىندە جۇرگىزىلگەن سىناق كەزىندە زىمىران ۇشاق قاناتىنىڭ استىنان شىعارىلىپ, بىرنەشە سەكۋندتان كەيىن زىمىران كۇشەيتكىشى ونى دىبىس جىلدامدىعىنان جوعارى جىلدامدىقپەن ۇشىردى.

سودان كەيىن زىمىرانعا "سكرامجەت" دەپ اتالاتىن قوسالقى قوزعالتقىش قوسىلىپ, زىمىراندى گيپەردىبىستىق جىلدامدىقپەن ۇشىرادى.

گيپەردىبىستىق جىلدامدىق دىبىس جىلدامدىعىنان بەس ەسە تەز.

شىلدەدە رەسەي "سيركون" دەپ اتالاتىن كەمەدەگى گيپەردىبىستىق زىمىراندى سىناقتان وتكىزگەن. بۇل قارۋدى رەسەي پرەزيدەنتى ۆلاديمير پۋتين "الەمدە تەڭدەسى جوق جاڭا بۋىندى زىمىران كەشەندەرىنىڭ ءبىر بولىگى" دەپ اتاعان.

"اقش پەن ءبىزدىڭ وداقتاستارىمىز بۇل قارۋدى توقتاتۋ قابىلەتىنە جانە ونى جەڭۋ مۇمكىندىگىنە يە بولۋى كەرەك" دەدى قارۋدى جاساعان "raytheon technologies" كومپانياسىنىڭ راكەتالار مەن قورعانىس ءبولىمىنىڭ پرەزيدەنتى ۋەس كرەمەر.

2019 جىلى "raytheon technologies" جانە "northrop grumman" كومپانيالارى گيپەردىبىستىق قارۋعا ارنالعان قوزعالتقىشتاردى جاساپ شىعارعان.

اقش پەن رەسەيدەن بولەك قىتاي, فرانسيا جانە باسقا دا ءىرى دەرجاۆالار وزدەرىنىڭ گيپەردىبىستىق قارۋ جاساۋ جوسپارلارىن جاريالاعان. ءتىپتى قىتاي عالىمدارى گيپەردىبىستىق قارۋدى جاساپ جاتقانى بەلگىلى بولدى. ؛قىتايلىق زىمىران دىبىس جىلدامدىعىنان التى ەسە جىلدام ۇشادى جانە قالانىڭ ۇستىندە بىرنەشە سەكۋند ىشىندە حيميالىق جارىلىس جاساي الادى دەگەن اقپارات بار.

"قامشى" سىلتەيدى
ىلمەك سوزدەر: اقش گيبەردىبىستىق

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر