• usd 468.56

  • eur 497.56

  • rub 7.3

  • cny 67.18

29 ناۋرىز, 18:34:42
الماتى
+35°

فوتو: شىمكەنت قالاسى اكىمىنىڭ ءباسپاسوز قىزمەتى

شىمكەنت قالاسىنا كەلۋشى قوناقتار مەن قالا تۇرعىندارىنا قولايلى جاعداي جاساۋ ماقساتىندا ءبىرقاتار جوبالار جۇزەگە اسىرىلىپ جاتىر. سونىڭ ءبىرى - تۋريستىك پوليسيا قىزمەتى. تۋريستىك پوليسيانىڭ باستى مىندەتى تۋريستەرگە قۇقىقتىق كومەك كورسەتۋگە باعىتتالعان. ءتارتىپ ساقشىلارى ساعات 09:00-دەن 01:00-گە دەيىن ءۇش اۋىسىممەن قىزمەت كورسەتەدى. اربات, ورتالىق ساياباق, ناۋرىز الاڭى, قوشقار اتا وزەنىنىڭ جاعالاۋى سياقتى تۋريستەر كوپتەپ كەزدەسەتىن ورىنداردا جۇرەدى.

ەگەر تۋريست ءوز قۇجاتتارىن جوعالتسا نەمەسە قانداي دا ءبىر وقيعا ورىن السا پوليسيا قىزمەتكەرلەرى كومەك كورسەتەدى. سونداي-اق, تۇرعىندار مەن كەلگەن تۋريستەرگە قىزىقتىرعان سۇراقتار بويىنشا كەڭەستەر مەن اقپاراتتار بەرەدى. شەتەلدىكتەر مەن ينۆەستورلاردى تارتۋ ءۇشىن شەتەل ازاماتتارىنىڭ ەلىمىزگە كەلگەن كەزدەگى قاۋىپسىزدىگى مەن جايلىلىعىن قامتاماسىز ەتۋ قىزمەتىن اتقارادى. تۋريستەردىڭ قاۋىپسىزدىگىن قامتاماسىز ەتۋ قولايلى ينۆەستيسيالىق كليماتتىڭ ورناۋىنا وڭ اسەرىن تيگىزەدى. تۋريستىك پوليسيانىڭ قىزمەتىنە سوڭعى ءبىر اي ىشىندە 1000-عا جۋىق ازامات جۇگىنگەن.

تۋريستىك پوليسيا قىزمەتكەرلەرى بەينەتىركەۋىشتەرمەن, پلانشەتتەرمەن, راسيامەن جابدىقتالعان. ولار قازاق, ورىس, اعىلشىن تىلدەرىن جانە ەلىمىزدىڭ تاريحىن جەتىك مەڭگەرگەن. قىزمەتتە ادامدارمەن تەز ءتىل تابىسا بىلەتىن جانە جەدەل ارەكەتكە ءاردايىم دايىن بولۋ سىندى قابىلەتتەرگە يە بولۋى ماڭىزدى.

"قامشى" سىلتەيدى
ىلمەك سوزدەر: شىمكەنت

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر