• usd 468.56

  • eur 497.56

  • rub 7.3

  • cny 67.18

28 ناۋرىز, 16:30:31
+35°

فوتو: شىمكەنت قالاسى اكىمىنىڭ ءباسپاسوز قىزمەتى

بيىلعى وقۋ جىلىندا قالا مەكتەپتەرىنە 233 مىڭنان استام وقۋشى باردى. ءبىلىم باسقارماسىنىڭ دەرەگىنشە, بيىل مەكتەپكە بارعان وقۋشىلار سانى الدىڭعى وقۋ جىلىمەن سالىستىرعاندا 8 مىڭ بالاعا ارتقان. بالا سانىنىڭ ءوسۋى قوسىمشا ءبىلىم بەرۋ ۇيىمدارىنا دەگەن سۇرانىستى ارتتىردى. ءبىلىم سالاسىنداعى وزەكتى ماسەلەنى وڭتايلى شەشۋگە مەملەكەتتىك-جەكەشەلىك ارىپتەستىك كەڭ مۇمكىندىك اشتى.

جاڭادان اشىلعان جەكەمەنشىك مەكتەپتەر ءوز قىزمەتىندە مەملەكەتتىك ءبىلىم بەرۋ ستاندارتتارىن باسشىلىققا الادى. مەملەكەتتىك ستاندارتپەن بەكىتىلگەن ءبىلىم بەرۋ ءۇردىسى اقىسىز نەگىزدە جۇرگىزىلسە, وقۋشىنىڭ تۇلعالىق دامۋىنا قىزمەت ەتەتىن ۇيىرمەلەر اقىلى نەگىزدە جۇمىس جۇرگىزەدى. وسى تالاپتار بويىنشا بيىلعى وقۋ جىلىندا جەكەمەنشىك «؛جاس دارىن-2»؛ باستاۋىش مەكتەبى جۇمىسىن باستادى. مۇندا 400 بالا قازاق جانە ورىس تىلىندەگى وقۋ سىنىپتارىنا قامتىلعان.

مەكتەپتىڭ ماتەريالدىق-تەحنيكالىق بازاسى زاماناۋي ۇلگىدە تولىقتىرىلىپ, سمارتتاقتالارمەن جابدىقتالعان. عيماراتتا جابىق سپورت الاڭى, حورەگرافيا زالى جانە اسحانا بولمەسى قارالعان.

بىلىم ورداسىندا اتا-انالاردىڭ ىڭعايىنا قاراي ۇزارتىلعان كۇن توبى ۇيىمداستىرىلعان. مۇندا وقۋشىلار وقۋ جانە جازۋ تەحنيكاسىن مەڭگەرۋگە داعدىلانادى, اريفمەتيكالىق ەسەپتەر شىعارۋعا ۇيرەنەدى.

مەكتەپتە باتۋتتىق اكروباتيكا, كوركەم گيمناستيكا, شاحمات, كوركەم سۋرەت, بي ونەرى, اعىلشىن ءتىلى جانە تاەكۆوندو ۇيىرمەلەرى جۇمىس ىستەيدى. وقۋشىلاردى تاسىمالداۋ قىزمەتى ۇيىمداستىرىلعان. ءبىلىم بەرۋ ۇيىمى بايدىبەك بي داڭعىلى, №1320 ۇيدە ورنالاسقان.

بىلىم ساپاسى مەن پەداگوگتاردىڭ دايىندىعىن باقىلاۋ جەكەمەنشىك ءبىلىم بەرۋ ۇيىمدارىندا مەملەكەتتىك مەكتەپتەرمەن بىردەي تارتىپتە جۇرگىزىلەدى.

"قامشى" سىلتەيدى
ىلمەك سوزدەر: شىمكەنت

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر