مەكتەپ وقۋشىلارىن جان باسىنا قارجىلاندىرۋدىڭ ءتيىمدى تۇسى كوپ

مەكتەپ وقۋشىلارىن جان باسىنا قارجىلاندىرۋدىڭ ءتيىمدى تۇسى كوپ.ول,باسەكەلەستىكتى ارتتىرىپ, ءبىلىم ساپاسىنىڭ جاقسارۋىنا سەپتىگىن تيگىزىپتى. ءتىپتى وسى قارجىنىنىڭ ەسەبىنەن ءبىلىم وشاقتارىنىڭ ماتەريالدىق تەحنيكالىق جاعدايى داجاقسارعان. بۇل تۋرالى «؛nur otan»؛ پارتياسى شىمكەنت قالالىق فيليالىجانىنداعى ءبىلىم جانە عىلىمدى دامىتۋ جانە وتباسى, ايەلدەر ماسەلەلەرى جانە بالالاردىڭ قۇقىقتارىن قورعاۋ جونىندەگى ايماقتىق قوعامدىق كەڭەستىڭ كەزەكتى وتىرىسىندا ايتىلدى.

جىل سايىن شىمكەنتتە مەكتەپكە باراتىن وقۋشىلاردىڭ سانى ارتىپ كەلەدى.بيىلعى جىلدىڭ وزىندە 50 جەكە مەنشىك مەكتەپ اشىلعان. ءار بالا باسىنا قارجى ءبولىنىپتى. الداعى ۋاقىتتا مەگاپوليستاعى بالا سانى از مەكتەپتەردىڭ باسشىلىعىن بىرىكتىرۋ دە جوسپاردا بار ەكەن. بۇل ارقىلى بولىنگەن قارجىنى ءتيىمدى جۇمساۋ كوزدەلىپ وتىر.

«؛جەكە مەنشىكتەگى 1-4 سىنىپتارعا 380 ملن تەڭگە.5-9 سىنىپتارعا ءبىر جىلعا 560 مىڭ تەعگە, 10-11 سىنىپتارعا 630 مىڭ تەڭگە ءبولىندى. بۇل قارجىلارعا ەڭ الدىمەن ەڭبەكاقى مەن ماتەريالدىق جاعداي جاقسارتىلدى»؛ ,- دەيدى شىمكەنت قالالىق ءبىلىم ءبولىمىنىڭ باسشىسى جانات تاجيەۆا.

جيىن بارىسىندا ءبىلىم سالاسىنداعى وزەكتى ماسەلەلەر دە ايتىلدى. وكىنىشتىسى, اۋتيست بالالاردىڭ سانى ارتقان. ولارمەن جۇمىس ىستەيتىن مامان جوقتىڭ قاسى. سونىمەن قاتار, باستاۋىش سىنىپتارداعى ورىس ءتىلى مۇعالىمدەرىنىڭ سانى جەتىسپەيدى ەكەن. ال, مەكتەپپەن قامتاماسىز ەتۋ ماسەلەسىنە جەكە كاسىپكەرلەردى تارتۋ ارقىلى بۇل ماسەلەگە الداعى بىرنەشە جىلدا نۇكتە قويىلماق.

«؛nur otan»؛ پارتياسى شىمكەنت قالالىق فيليالى جانىنداعى ءبىلىم جانە عىلىمدى دامىتۋ جونىندەگى ايماقتىق قوعامدىق كەڭەستىڭ ءتورايىمى بارشاگۇل يسابەكتىڭ ايتۋى بويىنشا ءۇش اۋىسىمداعى مەكتەپتى جويۋ كوزدەلگەن بولاتىن. ءدال قازىرگى ۋاقىتتا 14 تەن 9 عا ءتۇستى. ال, 2023 جىل ءۇش اۋىسىمدى مەكتەپتەردىڭ ماسەلەسى تولىق شەشىلەدى. شىمكەنتتە 2 اپاتتى مەكتەپ بولاتىن, ونىڭ بىرەۋى جابدىقتالۋدان ءوتتى.

بىلىم باسشىسىنىڭ ايتۋىنشا مەكتەپتەردى جاڭا تەحنولوگيامەن جابدىقتاۋ قارقىن العان. وقۋلىقتارمەن قامتاماسىز ەتۋ دە جولعا قويىلعان. كورۋ قابىلەتى ناشار وقۋشىلارعا قاجەتتى وقۋلىق ءۇشىن قوماقتى قارجى قاراستىرىلعان.