21 قىركۇيەك, 2021 news
فوتو: شىمكەنت قالاسى اكىمىنىڭ ءباسپاسوز قىزمەتى
شىمكەنت قالالىق №2 اۋرۋحانا قالىپتى جاعدايدا جۇمىس ىستەۋگە كوشتى. بۇعان دەيىن ەلىمىزدەگى قالىپتاسقان جاعدايعا بايلانىستى مەديسينالىق ورتالىق عاسىر دەرتىنە شالدىققانداردى ەمدەۋگە نەگىزدەلگەن بولاتىن. مەكەمە ەندى ءتۇرلى ناۋقاستاردى قابىلداپ, ەم-دوم جۇرگىزەتىن بولادى. قالا اكىمىنىڭ ءبىرىنشى ورىنباسارى شىڭعىس مۇقان اۋرۋحانانىڭ قازىرگى جاعدايىمەن ارنايى تانىسىپ شىقتى.
كوپشىلىككە بۇعان دەيىن فوسفور اتاۋىمەن تانىمال №-2 قالالىق اۋرۋحانا تولىقتاي كۇردەلى جوندەۋدەن ءوتىپ, زامان تالابىنا ساي جاڭعىرتىلعان بولاتىن. مەكەمەدەگى كت كابينەتتەرى مەن جانساقتاۋ بولىمدەرى دە سوڭعى ۇلگىدەگى قۇرىلعىلارمەن جابدىقتالعان. اۋرۋحانا كارانتين شارالارى كۇشەيگەن جاز ۋاقىتىندا قاتاڭ تارتىپتە جۇمىس ىستەپ, 10 شىلدە مەن 17 قىركۇيەك ارالىعىندا كوروناۆيرۋس ينفەكسياسىن جۇقتىرعانداردىڭ ەمدەۋ ورتالىعىنا اينالدى.
بۇگىنگى تاڭدا شىمكەنت قالاسىنداعى ەپيدەميولوگيالىق احۋال تۇراقتالىپ, ىندەت جۇقتىرعاندار ازايىپ , ينفەكسيالىق ستاسيونارلار جابىلدى. دەگەنمەن, ءاردايىم دايىندىقتى پىسىقتاپ وتىرۋ قاجەت, &ndash؛ دەيدى شىڭعىس جۇمابەكۇلى.
اۋرۋحانا دارىگەرلەرى ءۇش ايعا جۋىق ۋاقىت ارالىعىندا كوروناۆيرۋس ىندەتتىن جۇقتىرعان ناۋقاستارعا مەديسيسنالىق كومەك كورسەتتى. كۇن-تۇن دەمەي ەڭبەك ەتكەن مەديسينا قىزمەتكەرلەرىنىڭ ەڭبەگىن ەرەكشە اتاپ وتكەن ءجون. ءقازىر اۋرۋحانا جوسپارلى تۇردە ناۋقاستاردى قابىلداۋدا. مۇندا جەتكىزىلگەن پاسيەنتتەر كوۆيدكە اناليز تاپسىرىپ, ناتيجەسى دايىن بولعانشا ارنايى ايماقتا بولادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر